ಕಳೆದ ಎಂಟು ವರ್ಷಗಳಿಂದ ಜಿಎಸ್‌ಟಿ ಹೆಸರಿನಲ್ಲಿ ಸಂಗ್ರಹಿಸಿದ ಹಣ ಎಲ್ಲಿಗೆ ಹೋಗಿದೆ ಎಂದು ಸಮಾಜವಾದಿ ಪಕ್ಷದ ಅಧ್ಯಕ್ಷ ಅಖಿಲೇಶ್ ಯಾದವ್ ಕೇಂದ್ರ ಬಿಜೆಪಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
ಕೇಂದ್ರ ಮತ್ತು ರಾಜ್ಯಗಳನ್ನು ಒಳಗೊಂಡ ಜಿಎಸ್‌ಟಿ ಮಂಡಳಿಯು ಸೆಪ್ಟೆಂಬರ್ 22 ರಂದು ನವರಾತ್ರಿಯ ಮೊದಲ ದಿನದಿಂದ ಸರಕು ಮತ್ತು ಸೇವೆಗಳ ಮೇಲಿನ ತೆರಿಗೆ ದರಗಳನ್ನು ಕಡಿಮೆ ಮಾಡಲು ನಿರ್ಧರಿಸಿದೆ.
“ಜಿಎಸ್‌ಟಿ ಹೆಸರಿನಲ್ಲಿ ಸಂಗ್ರಹಿಸಿದ ಹಣ ಎಲ್ಲಿಗೆ ಹೋಯಿತು ಎಂದು ಸಾರ್ವಜನಿಕರು ಕೇಳುತ್ತಿದ್ದಾರೆ” ಎಂದು ಅಖಿಲೇಶ್ ಯಾದವ್ ಪ್ರಶ್ನಸಿದ್ದಾರೆ. “ಒಟ್ಟು ಮೊತ್ತವನ್ನು ಯುಪಿ ಬಿಜೆಪಿ ಸರ್ಕಾರದ ಮಹಾಕುಂಭ ಮಾದರಿ ಯಂತೆ ಜನರ ಮನೆಗಳಿಗೆ ನಗದು ರೂಪದಲ್ಲಿ ತಲುಪಿಸಲಾಗುತ್ತದೆಯೇ, ಮುಂದಿನ ವಿಮಾ ಪ್ರೀಮಿಯಂನಲ್ಲಿ ಸರಿಹೊಂದಿಸಲಾಗುತ್ತದೆಯೇ, ನೇರ ಲಾಭ ವರ್ಗಾವಣೆಯಾಗಿ ನೇರವಾಗಿ ಬ್ಯಾಂಕ್ ಖಾತೆಗಳಿಗೆ ಜಮಾ ಮಾಡಲಾಗುತ್ತದೆಯೇ ಅಥವಾ ಬಿಜೆಪಿ ಈ ಹಿಂದೆ ಭರವಸೆ ನೀಡಿದ 15 ಲಕ್ಷ ರೂ.ಗಳಿಂದ ಕಡಿತಗೊಳಿಸಲಾಗುತ್ತದೆಯೇ” ಎಂದು ಹಲವು ಸಾಧ್ಯತೆಗಳನ್ನು ಅವರು ಪಟ್ಟಿ ಮಾಡಿದ್ದಾರೆ.
“ಹಿಂಬಾಗಿಲಿನ ಮಾರ್ಗಗಳ ಮೂಲಕ ಬಿಜೆಪಿ ಕಂಪನಿಗಳಿಂದ ಪಡೆದಿದ್ದಾರೆ ಎಂದು ಹೇಳಲಾದ ಹಣವನ್ನು ಬಳಸಿಕೊಂಡು ಪಾವತಿಸಲಾದ ಸಬ್ಸಿಡಿ ಎಲ್‌ಪಿಜಿ ಸಿಲಿಂಡರ್‌ಗಳ ದೀರ್ಘಾವಧಿಯ ಭರವಸೆಯೊಂದಿಗೆ ಈ ಮೊತ್ತವನ್ನು ವಿತರಿಸಲಾಗುತ್ತದೆಯೇ” ಎಂದು ಕೇಳಿದರು.
“ಮುಂದಿನ ಚುನಾವಣೆಯ ಮುನ್ನಾದಿನದಂದು ನಗದು ರೂಪದಲ್ಲಿ ವಿತರಿಸಲಾಗುತ್ತದೆ, ಮಕ್ಕಳಿಗೆ ಶಾಲಾ ಶುಲ್ಕವನ್ನು ಮನ್ನಾ ಮಾಡಲು ಬಳಸಲಾಗುತ್ತದೆಯೇ ಅಥವಾ ಅನಾರೋಗ್ಯ ಪೀಡಿತರು ಮತ್ತು ವೃದ್ಧರಿಗೆ ಔಷಧಿಗಳು, ಆರೋಗ್ಯ ಸೇವೆಯನ್ನು ಉಚಿತವಾಗಿ ನೀಡುವ ಮೂಲಕ ಸರಿದೂಗಿಸಲಾಗುತ್ತದೆಯೇ” ಎಂದೂ ಅವರು ಕೇಳಿದ್ದಾರೆ.
14 ವರ್ಷದ ಅತ್ಯಾಚಾರ ಸಂತ್ರಸ್ತೆಗೆ ಗರ್ಭಪಾತಕ್ಕೆ ಅನುಮತಿ ನೀಡಿದ ಮಧ್ಯಪ್ರದೇಶ ಹೈಕೋರ್ಟ್
