ಪಾಟ್ನಾ: ತೀವ್ರ ಕುತೂಹಲ ಕೆರಳಿಸಿರುವ ಬಿಹಾರ ವಿಧಾನಸಭೆಯ ಮೊದಲ ಹಂತದ ಚುನಾವಣೆ ಪ್ರಗತಿಯಲ್ಲಿದ್ದು, ಕೇಂದ್ರ ಚುನಾವಣಾ ಆಯೋಗ ಹಂಚಿಕೊಂಡ ಮಾಹಿತಿಯ ಪ್ರಕಾರ ಮಧ್ಯಾಹ್ನ 3 ಗಂಟೆಯವರೆಗೂ ಶೇ.53.77 ರಷ್ಟು ಮತದಾನವಾಗಿದೆ.
18 ಜಿಲ್ಲೆಗಳ ಪೈಕಿ ಬೆಗುಸಾರೈನಲ್ಲಿ ದಾಖಲೆಯ ಶೇ. 59.82 ರಷ್ಟು ಮತದಾನವಾಗಿದೆ. ನಂತರ ಮುಜಾಫರೂರ್ ನಲ್ಲಿ ಶೇ.58.40, ಗೋಪಾಲ್ ಗಂಜ್ ನಲ್ಲಿ ಶೇ. 58.17 ರಷ್ಟು ಮತದಾನವಾಗಿರುವ ಬಗ್ಗೆ ವರದಿಯಾಗಿದೆ.
ಎಲ್ಲಾ ಜಿಲ್ಲೆಗಳಿಗಿಂತ ಪಾಟ್ನಾದಲ್ಲಿ ಶೇ.48.69 ರಷ್ಟು ಅತ್ಯಂತ ಕಡಿಮೆ ಮತದಾನವಾಗಿದೆ. ಲಖಿಸಾರೈ ಜಿಲ್ಲೆಯಲ್ಲಿ ಶೇ. 57.39, ಮದೇಪುರದಲ್ಲಿ ಶೇ.55.96 ರಷ್ಟು ಮತದಾನವಾಗಿದೆ.
ಮಧ್ಯಾಹ್ನ 3 ಗಂಟೆಯವರೆಗೂ ಬೋಜ್ ಪುರ ಜಿಲ್ಲೆಯಲ್ಲಿ ದಾಖಲೆಯ ಶೇ.50.07, ಬುಕ್ಸರ್ ನಲ್ಲಿ ಶೇ. 51.69, ದರ್ಬಾಂಗ್ ನಲ್ಲಿ ಶೇ.51.75, ಖಾಗರಿಯಾದಲ್ಲಿ ಶೇ. 54.77, ಮುಂಗೇರ್ ನಲ್ಲಿ ಶೇ.52. 17, ನಳಂದದಲ್ಲಿ ಶೇ.52.32, ಸಹರ್ಸಾದಲ್ಲಿ ಶೇ.55.22, ಸಮಸ್ತಿಪುರದಲ್ಲಿ ಶೇ.54, 60, ಸರನ್ ನಲ್ಲಿ ಶೇ .54.60, ಶೇಕ್ ಪುರದಲ್ಲಿ ಶೇ. 49,37, ಶೈಕ್ ಪುರದಲ್ಲಿ ಶೇ.49.37, ಸಿವಾನ್ ನಲ್ಲಿ ಶೇ. 50.93 ಮತ್ತು ವೈಶಾಲಿಯಲ್ಲಿ ಶೇ.53 .63 ರಷ್ಟು ಮತದಾನವಾಗಿದೆ.
ಮೊದಲ ಹಂತದಲ್ಲಿ ಆರ್ ಜೆಡಿಯ ತೇಜಸ್ವಿ ಪ್ರಸಾದ್ ಯಾದವ್, ಬಿಜೆಪಿ ನಾಯಕರಾದ ಸಾಮ್ರಾಟ್ ಚೌದರಿ, ಮಂಗಲ್ ಪಾಂಡೆ, ಜೆಡಿಯುನ ಶ್ರವಣ್ ಕುಮಾರ್, ವಿಜಯ್ ಕುಮಾರ್ ಚೌದರಿ, ತೇಜ್ ಪ್ರತಾಪ್ ಯಾದವ್ ಸೇರಿದಂತೆ ಹಲವು ನಾಯಕರ ರಾಜಕೀಯ ಭವಿಷ್ಯ ನಿರ್ಧಾರವಾಗಲಿದೆ.
