ಏರ್ ಇಂಡಿಯಾದಲ್ಲಿನ ತನ್ನ ಸಂಪೂರ್ಣ ಪಾಲನ್ನು ಮಾರಾಟ ಮಾಡಲು ಯೋಜಿಸಿದೆ ಎಂದು ಸರ್ಕಾರ ಘೋಷಿಸಿದೆ. ಈ ಮೊದಲು ತನ್ನ 76% ಪಾಲನ್ನು ಮಾರಾಟ ಮಾಡಲು ಸರ್ಕಾರ ಉದ್ದೇಶಿಸಿತ್ತು. ಆದರೆ 2018ರಿಂದ ಒಂದೇ ಒಂದು ಬಿಡ್ ಸಹ ಸೆಳೆಯಲು ವಿಫಲವಾದ ನಂತರ ತನ್ನ ಪೂರ್ಣ ಪಾಲನ್ನು ಮಾರಲು ಮುಂದಾಗಿದೆ.
ಸೋಮವಾರ ಬಿಡುಗಡೆಯಾದ ಏರ್ ಇಂಡಿಯಾ ಬಿಡ್ ಕುರಿತಾದ ದಾಖಲೆಯು, ಭಾರತವು ದೇಶೀಯ ಮತ್ತು ಅಂತರರಾಷ್ಟ್ರೀಯ ಮಾರ್ಗಗಳನ್ನು ನಿರ್ವಹಿಸುವ ವಾಹಕದಲ್ಲಿ 100% ಪಾಲನ್ನು ಮಾರಾಟ ಮಾಡಲಿದೆ ಎಂದು ಹೇಳಿದೆ. ಬಿಡ್ ಸಲ್ಲಿಕೆಗಳಿಗೆ ಮಾರ್ಚ್ 17 ರವರೆಗೆ ಅವಕಾಶವಿದ್ದು ಬಿಡ್ ಸಲ್ಲಿಸುವವರು ಇತರ ಹೊಣೆಗಾರಿಕೆಗಳೊಂದಿಗೆ ಸುಮಾರು 3.26 ಬಿಲಿಯನ್ ಡಾಲರ್‌ ಸಾಲವನ್ನು ತೀರಿಸಲು ಒಪ್ಪಿಕೊಳ್ಳಬೇಕಾಗುತ್ತದೆ ಎಂದು ಹೇಳಿದೆ.
2018 ರಲ್ಲಿ ಭಾರತವು ಏರ್ ಇಂಡಿಯಾದಲ್ಲಿ 76% ಪಾಲನ್ನು ಮಾರಾಟ ಮಾಡಲು ಮತ್ತು ಅದರ ಸಾಲದ ಸುಮಾರು 5.1 ಬಿಲಿಯನ್ ಡಾಲರ್‌ ಸಾಲ ಒಪ್ಪಿಕೊಳ್ಳಲು ಆಹ್ವಾನಿಸಿತ್ತು. ಆದರೆ ಖರೀದಿಗೆ ಯಾರು ಸಹ ಮುಂದಾಗಿರಲಿಲ್ಲ.
ಮಹಾರಾಜ ಮ್ಯಾಸ್ಕಾಟ್‌ಗೆ ಹೆಸರುವಾಸಿಯಾದ ಏರ್ ಇಂಡಿಯಾ, ಭಾರತದ ಅತ್ಯಂತ ಲಾಭದಾಯಕ ಅಂತರರಾಷ್ಟ್ರೀಯ ಮತ್ತು ದೇಶೀಯ ಲ್ಯಾಂಡಿಂಗ್ ಮತ್ತು ಪಾರ್ಕಿಂಗ್ ಸ್ಲಾಟ್‌ಗಳನ್ನು ಹೊಂದಿದೆ, ಅದು ವಿಮಾನಯಾನ ಸಂಸ್ಥೆಗಳಿಗೆ ಪ್ರಮುಖವಾಗಿದೆ.
