- Advertisement -
- Advertisement -
ವಿದ್ಯಾರ್ಥಿ ಹೋರಾಟಗಾರ ಶಾರ್ಜೀಲ್ ಇಮಾಮ್ಗೆ ಅವರ ಸೋದರಸಂಬಂಧಿಯ ಮದುವೆಯಲ್ಲಿ ಪಾಲ್ಗೊಳ್ಳಲು ದೆಹಲಿ ನ್ಯಾಯಾಲಯವು ಏಳು ದಿನಗಳ ಮಧ್ಯಂತರ ಜಾಮೀನು ಮಂಜೂರು ಮಾಡಿದೆ.
ಈ ಜಾಮೀನು ಅಕ್ಟೋಬರ್ 4 ರಿಂದ ಅಕ್ಟೋಬರ್ 10 ರವರೆಗೆ ಇರಲಿದೆ ಎಂದು ಶಾರ್ಜೀಲ್ ಸಹೋದರ ಮುಝಮ್ಮಿಲ್ ಎಕ್ಸ್ನಲ್ಲಿ ಪೋಸ್ಟ್ ಮೂಲಕ ತಿಳಿಸಿದ್ದಾರೆ.
ಉಮರ್ ಖಾಲಿದ್ ಜೊತೆಗೆ ಕಳೆದ ಆರು ವರ್ಷಗಳಿಂದ ತಿಸ್ ಹಜಾರಿ/ತಿಹಾರ್ ಜೈಲಿನಲ್ಲಿ ಕಾಲ ಕಳೆಯುತ್ತಿರುವ ಜವಾಹರ್ಲಾಲ್ ನೆಹರೂ ವಿಶ್ವವಿದ್ಯಾಲಯದ (ಜೆಎನ್ಯು) ಮಾಜಿ ವಿದ್ಯಾರ್ಥಿ ಮತ್ತು ಹೋರಾಟಗಾರನಿಗೆ ಇದು ದೊಡ್ಡ ಸಮಾಧಾನ ತಂದಿದೆ. 40ಕ್ಕೂ ಹೆಚ್ಚು ಮುಸ್ಲಿಮರ ಸಾವು, ಹಲವರು ಗಾಯಗೊಳ್ಳಲು ಹಾಗೂ ನಿರಾಶ್ರಿತರಾಗಲು ಕಾರಣವಾದ 2020ರ ದೆಹಲಿ ಗಲಭೆಯನ್ನು ಪ್ರಚೋದಿಸಿದ ಆರೋಪದ ಮೇಲೆ ದೆಹಲಿ ಪೊಲೀಸರು ಈ ಯುವಕರನ್ನು ಬಂಧಿಸಿದ್ದರು.
ಸೆಪ್ಟೆಂಬರ್ 30 ರಂದು ದೆಹಲಿ ಹೈಕೋರ್ಟ್ ಅವರ ಸಾಮಾನ್ಯ ಜಾಮೀನು ಅರ್ಜಿಗಳ ವಿಚಾರಣೆ ನಡೆಸಲು ನಿರ್ಧರಿಸುವ ಕೆಲವು ದಿನಗಳ ಮೊದಲು ಈ ಮಧ್ಯಂತರ ಜಾಮೀನು ದೊರೆತಿದೆ.
