ಲಾಸ್ ಏಂಜಲೀಸ್ ಕಾಡ್ಗಿಚ್ಚು ಭೀಕರವಾಗಿ ಹಬ್ಬುತ್ತಿದ್ದು, ಈವರೆಗೆ 11 ಮಂದಿ ಸಾವನ್ನಪ್ಪಿದ್ದಾರೆ. 10,000 ಕಟ್ಟಡಗಳು ಬೆಂಕಿಗಾಹುತಿಯಾಗಿದೆ. ಈವರೆಗೆ 180,000 ಜನರನ್ನು ಸ್ಥಳಾಂತರಿಸಲಾಗಿದ್ದು, 150 ಬಿಲಿಯನ್ ಡಾಲರ್ನಷ್ಟು ಹಾನಿಯಾಗಿದೆ ಎಂದು ವರದಿಯಾಗಿದೆ.
ಮಂಗಳವಾರದಿಂದ ಲಾಸ್ ಏಂಜಲೀಸ್ ಕೌಂಟಿಯನ್ನು ಬೃಹತ್ ಕಾಡ್ಗಿಚ್ಚು ಆವರಿಸಿದೆ. ಲಾಸ್ ಏಂಜಲೀಸ್ನ ಎರಡನೇ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ನಗರದ ವಾಯುವ್ಯದಲ್ಲಿರುವ ಪ್ಯಾಲಿಸೇಡ್ಸ್ನಲ್ಲಿ ಬೆಂಕಿ 86 ಚದರ ಕಿಲೋಮೀಟರ್ (33 ಚದರ ಮೈಲಿ) ಪ್ರದೇಶವನ್ನು ಸಂಪೂರ್ಣವಾಗಿ ಸುಟ್ಟಿದೆ. ಬೆಂಕಿಯು 37,000 ಎಕರೆಗಳಿಗಿಂತ ಹೆಚ್ಚು (15,000 ಹೆಕ್ಟೇರ್ ಅಥವಾ 150 ಚದರ ಕಿ.ಮೀ) ಪ್ರದೇಶವನ್ನು ಆವರಿಸಿದೆ.
ಈವರೆಗೆ ಸುಮಾರು 11 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಲಾಸ್ ಏಂಜಲೀಸ್ ಕೌಂಟಿ ಕರೋನವ್ ಗುರುವಾರ ತಿಳಿಸಿದ್ದಾರೆ. ಕನಿಷ್ಠ 10,000 ಮನೆಗಳು ಅಥವಾ ಇತರೆ ಕಟ್ಟಡಗಳು ಅಗ್ನಿಗಾಹುತಿಯಾಗಿದೆ. 2018ರಲ್ಲಿ ಸ್ಯಾಕ್ರಮೆಂಟೊದ ಉತ್ತರದಲ್ಲಿ ‘ಕ್ಯಾಂಪ್ ಫೈರ್’ ಸುಮಾರು 19,000 ಕಟ್ಟಡಗಳು ಧ್ವಂಸಗೊಳಿಸಿತ್ತು. 2017ರ ಅಕ್ಟೋಬರ್ನಲ್ಲಿ ಸ್ಯಾನ್ ಫ್ರಾನ್ಸಿಸ್ಕೋದ ಉತ್ತರದಲ್ಲಿ ಬೆಂಕಿಗೆ 5,600 ಕಟ್ಟಡಗಳು ಧ್ವಂಸವಾಗಿದ್ದವು.
ಸುಮಾರು 180,000 ಜನರ ಸ್ಥಳಾಂತರ ಮಾಡಲಾಗಿದೆ. ಸರ್ಕಾರದ ಆದೇಶವನ್ನು ಪಾಲಿಸುವಂತೆ ಸೂಚಿಸಲಾಗಿದೆ. ಇನ್ನು ಬೆಂಕಿ ಹಬ್ಬುತ್ತಿರುವ ನಡುವೆಯೇ ಕಳ್ಳತನ ಪ್ರಕರಣಗಳು ಹೆಚ್ಚಾಗಿವೆ ಎಂದು ವರದಿಯಾಗಿದೆ. ಈವರೆಗೆ 20 ಮಂದಿಯ ಬಂಧಿಸಲಾಗಿದೆ. ರಾತ್ರಿ ಕರ್ಫ್ಯೂ ಘೋಷಿಸಲಾಗಿದೆ.
