ಮಲಯಾಳಂ ಚಾನೆಲ್ಗಳಾದ ಏಷ್ಯಾನೆಟ್ ಮತ್ತು ಮೀಡಿಯಾ ಒನ್ ಚಾನೆಲ್ಗಳು ದೆಹಲಿ ಹಿಂಸಾಚಾರದ ಬಗ್ಗೆ ಕೋಮುವಾದಿ ನೆಲೆಯಲ್ಲಿ ವರದಿ ಪ್ರಸಾರ ಮಾಡಿದ ಆರೋಪದ ಮೇಲೆ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು ನಿನ್ನೆಯಿಂದ 48 ಗಂಟೆಗಳ ಕಾಲ ನಿಷೇಧಿಸಿತ್ತು. ಆದರೆ ಈಗ ಆ ನಿಷೇಧವನ್ನು ತೆಗೆದು ಹಾಕಲಾಗಿದೆ ಎಂದು ANI ಮತ್ತು PTI ವರದಿ ಮಾಡಿದೆ.
ನಿಷೇಧಗೊಂಡ ಕೆಲವೇ ಗಂಟೆಗಳಲ್ಲಿ, ಮಲಯಾಳಂ ಚಾನೆಲ್ಗಳಾದ ಏಷ್ಯನೆಟ್ ನ್ಯೂಸ್, ಮೀಡಿಯಾ ಒನ್ ಟಿವಿಯನ್ನು ಮತ್ತೆ ಪ್ರಸಾರ ಮಾಡಲು ಸರ್ಕಾರ ಅನುಮತಿಸಿದೆ. ಐ.ಬಿ ಸಚಿವಾಲಯವು ಈ ಚಾನೆಲ್ ಗಳು ಕೇಬಲ್ ಟಿವಿ ಕಾಯ್ದೆಯನ್ನು ಉಲ್ಲಂಘಿಸಿದೆ ಎಂದು ಆರೋಪಿಸಿತ್ತು.
ಎರಡು ಸುದ್ದಿ ವಾಹಿನಿಗಳನ್ನು ನಿನ್ನೆ ಸಂಜೆ 7: 30 ಕ್ಕೆ ಪ್ರಸಾರವನ್ನು ತಡೆಹಿಡಿಯಲಾಗಿತ್ತು. ಏಷ್ಯನೆಟ್ ನ್ಯೂಸ್ ಅನ್ನು ಸನ್ ಡೈರೆಕ್ಟ್ ಮತ್ತು ಇತರ ಕೆಲವು ಪ್ಲಾಟ್ಫಾರ್ಮ್ಗಳಲ್ಲಿ ರಾತ್ರಿ 1.30 ರ ಸುಮಾರಿಗೆ ಪುನಃ ಪ್ರಸಾರ ಮಾಡಲಾಯಿತು. ಬೆಳಿಗ್ಗೆ 8 ಗಂಟೆ ಸುಮಾರಿಗೆ ಟಾಟಾ ಸ್ಕೈನಂತಹ ಇತರ ಪ್ರಮುಖ ಡಿಟಿಎಚ್ ಪ್ಲಾಟ್ಫಾರ್ಮ್ಗಳಲ್ಲಿ ಮತ್ತೆ ಪ್ರಸಾರವಾಯಿತು. ಮೀಡಿಯಾ ಒನ್ ಟಿವಿಯ ಮೇಲಿನ ನಿಷೇಧವನ್ನು ಇಂದು ಬೆಳಿಗ್ಗೆ 9.30 ಕ್ಕೆ ತೆಗೆದುಹಾಕಲಾಯಿತು ಎಂದು ತಿಳಿದು ಬಂದಿದೆ.