ಭಾರತೀಯ ನೌಕಾಪಡೆ ಸಿಬ್ಬಂದಿ ಹನುಮಂತನ ಚಿತ್ರ ಇರುವ ಕೇಸರಿ ಧ್ವಜವನ್ನು ನೀರಿನಾಳದಲ್ಲಿ ಪ್ರದರ್ಶಿಸಿದ್ದಾರೆ ಎಂಬ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ಈ ವಿಡಿಯೋ ಹಂಚಿಕೊಂಡಿರುವ ಹಲವು ಎಕ್ಸ್, ಫೇಸ್ಬುಕ್ ಬಳಕೆದಾರರು “ಭಾರತೀಯ ನೌಕಾಪಡೆಯಿಂದ, ಜೈ ಶ್ರೀರಾಮ್”ಎಂದು ಬರೆದುಕೊಂಡಿದ್ದಾರೆ.
ಅಯೋಧ್ಯೆ ರಾಮಮಂದಿರದ ಉದ್ಘಾಟನೆಯ ಬಳಿಕ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಿಸಿಕೊಂಡಿದೆ.
By Indian Navy…. Under water..Jay shree Ram.. pic.twitter.com/C6oeaRI7Gf
— शारदा क्षत्रिय नवीन सिंह चौहान 🚩जय श्री राम🚩 (@RoyalRajputUp16) January 22, 2024
ಫ್ಯಾಕ್ಟ್ಚೆಕ್ : ಮೇಲೆ ತಿಳಿಸಿದ ವೈರಲ್ ವಿಡಿಯೋದ ಸತ್ಯಾಸತ್ಯತೆ ತಿಳಿಯುವ ಪ್ರಯತ್ನವನ್ನು ನಾನುಗೌರಿ.ಕಾಂ ಮಾಡಿದೆ. ಇದಕ್ಕಾಗಿ ನಾವು ಮೊದಲು “Scuba Diver Hanuman Flag” ಎಂದು ಕೀ ವರ್ಡ್ ಸರ್ಚ್ ಮಾಡಿದ್ದೇವೆ. ಈ ವೇಳೆ ಜನವರಿ 19,2024ರಂದು ಪ್ರೆಸ್ ಟ್ರಸ್ಟ್ ಆಫ್ ಇಂಡಿಯಾ (ಪಿಟಿಐ) ಈ ಎಕ್ಸ್ನಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಿರುವುದು ಕಂಡು ಬಂದಿದೆ.
VIDEO | A scuba diver raises saffron flag with Lord Hanuman's image under seawater at the Shivrajpur Beach in Gujarat. pic.twitter.com/h88z5PC3jX
— Press Trust of India (@PTI_News) January 19, 2024
ಗುಜರಾತ್ನ ಶಿವಾಜಿಪುರ ಬೀಚ್ನಲ್ಲಿ ಸ್ಕೂಬಾ ಡೈವರ್ ಒಬ್ಬರು ನೀರಿನಾಳದಲ್ಲಿ ಹನುಮನ ಚಿತ್ರ ಇರುವ ಕೇಸರಿ ಧ್ವಜ ಹಾರಿಸಿರುವುದು ಎಂದು ಪಿಟಿಐ ಪೋಸ್ಟ್ನಲ್ಲಿ ತಿಳಿಸಲಾಗಿದೆ. ಭಾರತೀಯ ನೌಕಾಪಡೆ ಕೇಸರಿ ಧ್ವಜ ಹಾರಿಸಿದೆ ಎಂದು ಹೇಳಿಲ್ಲ.
ಜನವರಿ 19,2024ರಂದು ‘ಗುಜರಾತಿ ಜಾಗರಣ್’ ವೆಬ್ಸೈಟ್ ಕೂಡ ಇದೇ ವಿಡಿಯೋವನ್ನು ಪ್ರಕಟಿಸಿದ್ದು, ಕರ್ಮಾನ್ಬಾ ಚಮ್ದಿಯಾ ಎಂಬ ಎಂಬ ಸ್ಕೂಬಾ ಡೈವರ್ ಧ್ವಜ ಹಾರಿಸಿದ್ದಾರೆ ಎಂದು ವರದಿ ಮಾಡಿದೆ. ಎಲ್ಲಿಯೂ ಭಾರತೀಯ ನೌಕಾಪಡೆ ಧ್ವಜ ಹಾರಿಸಿದ್ದಾಗಿ ಹೇಳಿಲ್ಲ.
ವಿವಿಧ ಮೂಲಗಳ ಮಾಹಿತಿ ಅನುಸರಿಸಿ ನಾವು ನಡೆಸಿದ ಪರಿಶೀಲನೆಯಲ್ಲಿ ನೀರಿನಾಳದಲ್ಲಿ ಕೇಸರಿ ಧ್ವಜ ಹಾರಿಸಿದ್ದು ಭಾರತೀಯ ನೌಕಾಪಡೆಯಲ್ಲ ಬದಲಾಗಿ ಒಬ್ಬರು ಸ್ಕೂಬಾ ಡೈವರ್ ಎಂಬುವುದು ಖಚಿತವಾಗಿದೆ.
ಇದನ್ನೂ ಓದಿ : Fact Check: ರಾಮ ಭಕ್ತರ ಮೇಲೆ ದಾಳಿ ಮಾಡಿದವರನ್ನು ಪೊಲೀಸರು ಮನೆಗೆ ನುಗ್ಗಿ ಎಳೆದೊಯ್ದಿದ್ದಾರೆ ಎಂದು ಹಳೆಯ ವಿಡಿಯೋ ಹಂಚಿಕೆ