ದುಬೈನಲ್ಲಿ ನಡೆಯುತ್ತಿರುವ 2021ರ ಐಪಿಎಲ್‌ ಟೂರ್ನಿ ಬಳಿಕ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡದ ನಾಯಕತ್ವನ್ನು ತ್ಯಜಿಸುವುದಾಗಿ ವಿರಾಟ್‌ ಕೊಹ್ಲಿ ತಿಳಿಸಿದ್ದಾರೆ.
ಇತ್ತೀಚೆಗಷ್ಟೇ ಭಾರತದ ಟಿ-20 ತಂಡದ ನಾಯಕತ್ವವನ್ನು ತ್ಯಜಿಸುವುದಾಗಿ ಹೇಳಿದ್ದ ಅವರು, ಆರ್‌ಸಿಬಿ ನಾಯಕತ್ವವನ್ನೂ ತ್ಯಜಿಸಲು ತೀರ್ಮಾನಿಸಿದ್ದು, “ಐಪಿಎಲ್‌ನಲ್ಲಿ ನಾನು ಇರುವವರೆಗೂ ಆರ್‌ಸಿಬಿಯೊಂದಿಗೆಯೇ ಇರುವೆ” ಎನ್ನುವ ಮೂಲಕ ಅಭಿಮಾನಿಗಳನ್ನು ಭಾವುಕರನ್ನಾಗಿಸಿದ್ದಾರೆ.
Virat Kohli to step down from RCB captaincy after #IPL2021
“This will be my last IPL as captain of RCB. I’ll continue to be an RCB player till I play my last IPL game. I thank all the RCB fans for believing in me and supporting me.”: Virat Kohli#PlayBold #WeAreChallengers pic.twitter.com/QSIdCT8QQM
— Royal Challengers Bangalore (@RCBTweets) September 19, 2021
“ನನ್ನ ನಂಬಿದ ಹಾಗೂ ನನ್ನದೊಂದಿಗೆ ಸದಾ ಇರುವ ಆರ್‌ಸಿಬಿ ಅಭಿಮಾನಿಗಳಿಗೆ ಧನ್ಯವಾದಗಳು. ನಾನು ತಂಡದ ಮ್ಯಾನೇಜ್‌ಮೆಂಟ್‌ನೊಂದಿಗೆ ಮಾತನಾಡಿರುವೆ. ನನ್ನ ಮನಸ್ಸಿನಲ್ಲಿ ಬಹಳ ದಿನಗಳಿಂದ ಇದ್ದದ್ದನ್ನು ಹಂಚಿಕೊಂಡಿರುವೆ. ಒತ್ತಡವನ್ನು ನಿಭಾಯಿಸಲೆಂದು ಟಿ-20 ನಾಯಕತ್ವವನ್ನು ತ್ಯಜಿಸುವುದಾಗಿ ಇತ್ತೀಚೆಗೆ ಹೇಳಿದ್ದೆ. ಈವರೆಗೆ ನನ್ನ ಕರ್ತವ್ಯವನ್ನು ನಿಭಾಯಿಸಿದ್ದೇನೆ. ಆರ್‌ಸಿಬಿ ತಂಡದ ರೀತಿ ಇನ್ಯಾವುದೂ ಇಲ್ಲವೆಂದೂ ಭಾವಿಸುತ್ತೇನೆ. ಹೀಗಾಗಿ ಆರ್‌ಸಿಬಿಯೊಂದಿಗೆ ಐಪಿಎಲ್‌ನಲ್ಲಿ ಇರುವವರೆಗೂ ಮುಂದುವರಿಯುತ್ತೇನೆ. ಈ ಒಂಬತ್ತು ವರ್ಷಗಳ ಪಯಣದಲ್ಲಿ ಸಹಿ-ಕಹಿ ಘಟನೆಗಳೆಲ್ಲವೂ ಇವೆ. ಎಲ್ಲರಿಗೂ ನನ್ನ ಹೃದಯಾಂತರಾಳದ ಧನ್ಯವಾದಗಳು’ ಎಂದು ಕೊಹ್ಲಿ ತಿಳಿಸಿದ್ದಾರೆ.
ಇದನ್ನೂ ಓದಿ: ಟಿ-20 ನಾಯಕತ್ವ ತ್ಯಜಿಸಲು ವಿರಾಟ್‌ ಕೊಹ್ಲಿ ನಿರ್ಧಾರ
