ತಮಿಳುನಾಡಿನ ಕರೂರ್ ಜಿಲ್ಲೆಯ ತೋಗಮಲೈ ಬಳಿಯ ಪಂಚಾಯತ್ ಯೂನಿಯನ್ ಮಧ್ಯಮ ಶಾಲೆಯಲ್ಲಿ, ಮುಖ್ಯಮಂತ್ರಿಗಳ ಉಪಾಹಾರ ಯೋಜನೆ (ಸಿಎಮ್‌ಬಿಎಸ್) ಅಡಿಯಲ್ಲಿ ಕೆಲಸ ಮಾಡುತ್ತಿದ್ದ ದಲಿತ ಸಮುದಾಯದ ಮಹಿಳೆಯನ್ನು ಕೆಲಸದಿಂದ ತೆಗೆದುಹಾಕಲಾಗಿದ ಎಂದು ‘ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್’ ವರದಿ ಮಾಡಿದೆ.
” ನಾನು ದಲಿತ ಸಮುದಾಯ ಎಂಬ ಕಾರಣಕ್ಕೆ ಕೆಲಸದಿಂದ ತೆಗೆದುಹಾಕಲಾಗಿದೆ” ಎಂದು ಆರೋಪಿಸಿ 35 ವರ್ಷದ ಮಹಿಳೆಯೊಬ್ಬರು ಇತ್ತೀಚೆಗೆ ಕರೂರಿನಲ್ಲಿ ಜಿಲ್ಲಾಧಿಕಾರಿ ಮತ್ತು ಎಸ್‌ಪಿಗೆ ಅರ್ಜಿ ದೂರು ನೀಡಿದ್ದು, “ಇದು ಜಾತಿ ಆಧಾರಿತ ತಾರತಮ್ಯ” ಎಂದು ದೂರಿದ್ದಾರೆ.
ತೊಗಮಲೈ ಒಕ್ಕೂಟದ ಚಿನ್ನ ರೆಡ್ಡಿಪಟ್ಟಿಯ ನಿವಾಸಿ ಆರ್. ನಿರೋಷಾ ಅವರನ್ನು ಸೆಪ್ಟೆಂಬರ್ 10, 2025 ರಂದು ಶಾಲೆಯಲ್ಲಿ ಹೊಸ ಯೋಜನೆ ಪ್ರಾರಂಭಿಸಿದಾಗ ಸಿಎಮ್‌ಬಿಎಸ್ ಅಡಿಯಲ್ಲಿ ಪಂಚಾಯತ್ ಯೂನಿಯನ್ ಮಧ್ಯಮ ಶಾಲೆಯಲ್ಲಿ ಅಡುಗೆಯವರಾಗಿ ನೇಮಿಸಲಾಯಿತು. ಶಾಲೆಯಲ್ಲಿ ಈ ಯೋಜನೆಯಡಿ ಕೆಲಸ ಮಾಡುತ್ತಿರುವ ಇಬ್ಬರು ಅಡುಗೆಯವರಲ್ಲಿ ನಿರೋಷಾ ಕೂಡ ಒಬ್ಬರಾಗಿದ್ದರು.
ಈ ಬಗ್ಗೆ ಮಾತನಾಡಿರುವ ನಿರೋಷಾ, “ಈ ಯೋಜನೆಯ ಲಾಭ ಪಡೆಯುತ್ತಿರುವ ಕೆಲವು ವಿದ್ಯಾರ್ಥಿಗಳ ಪೋಷಕರು ತಮ್ಮ ಮಕ್ಕಳಿಗೆ ನಾನು ಅಡುಗೆ ಮಾಡುವುದನ್ನು ವಿರೋಧಿಸಿದ್ದಾರೆ. ಡಿಸೆಂಬರ್ 16 ರಂದು, ಮುಖ್ಯೋಪಾಧ್ಯಾಯಿನಿ ನನಗೆ ಕೆಲಸ ಬಿಡುವಂತೆ ಹೇಳಿದರು. ಪೋಷಕರು ತಮ್ಮ ಮಕ್ಕಳನ್ನು ಊಟಕ್ಕೆ ಕಳುಹಿಸುತ್ತಿಲ್ಲ ಎಂದು ಶಿಕ್ಷಕಿ ಕಾರಣ ನೀಡಿದ್ದಾರೆ” ಎಂದು ಹೇಳಿದರು.
ಮರುದಿನ ಕರ್ತವ್ಯಕ್ಕೆ ವರದಿ ಮಾಡಿಕೊಳ್ಳಲು ಶಾಲೆಗೆ ತೆರಳಿದಾಗ, ನನ್ನ ಜಾಗದಲ್ಲಿ ಮತ್ತೊಬ್ಬ ಮಹಿಳೆ ಕೆಲಸ ಮಾಡುತ್ತಿರುವುದು ಕಂಡುಬಂದಿತು ಎಂದು ಅವರು ಹೇಳಿದರು. ಹೊಸದಾಗಿ ನೇಮಕವಾದ ಮಹಿಳೆ, ತಾನು ಮೇಲ್ಜಾತಿ ಎಂದು ಹೇಳಿಕೊಂಡರು. ನಂತರ ನಾನು ಬ್ಲಾಕ್ ಮಿಷನ್ ಮ್ಯಾನೇಜರ್ (ಬಿಎಂಎಂ) ಮಹಲಿರ್ ತಿಟ್ಟಮ್ ಅವರನ್ನು ಸಂಪರ್ಕಿಸಿದರು, ಅವರು ಮುಖ್ಯೋಪಾಧ್ಯಾಯಿನಿ ತೆಗೆದುಕೊಂಡ ನಿಲುವನ್ನು ಪುನರುಚ್ಚರಿಸಿದರು” ಎಂದರು.
“ಡಿಸೆಂಬರ್ 18 ರಂದು, ನಿರೋಷಾ ತೋಗಮಲೈ ಪೊಲೀಸ್ ಠಾಣೆಯಲ್ಲಿ ಸಿಎಸ್ಆರ್ ದೂರು ಸಲ್ಲಿಸಿದರು. ಅದರಲ್ಲಿ ಶಾಲಾ ಮುಖ್ಯೋಪಾಧ್ಯಾಯಿನಿ ಭಾನುಮತಿಯವರ ಒತ್ತಡದ ಮೇರೆಗೆ ತೋಗಮಲೈ ಒಕ್ಕೂಟದ ಬಿಎಂಎಂ ಕರ್ತವ್ಯಕ್ಕೆ ಹಾಜರಾಗುವುದನ್ನು ನಿಲ್ಲಿಸುವಂತೆ ಕೇಳಿಕೊಂಡಿದೆ” ಎಂದು ಹೇಳಲಾಗಿತ್ತು.
ವಿಚಾರಣೆಯ ಸಮಯದಲ್ಲಿ, “ನಿರೋಷಾ ಅವರನ್ನು ಸೇವೆಯಿಂದ ತೆಗೆದುಹಾಕಲಾಗಿಲ್ಲ. ಅವರು ಕೆಲ ದಿನಗಳಿಂದ ಕೆಲಸಕ್ಕೆ ಗೈರುಹಾಜರಾಗಿದ್ದಾರೆ” ಎಂದು ಬಿಎಂಎಂ ಹೇಳಿದ್ದಾರೆ.
