ತೆಲಂಗಾಣ: ಕೇಸರಿ ಪಕ್ಷದಲ್ಲಿ ಆಂತರಿಕ ಕಚ್ಚಾಟ; ವಿಡಿಯೋ ಮೂಲಕ ಸುಳಿವು ಕೊಟ್ಟ ನಾಯಕ, ರಾಜ್ಯ ಬಿಜೆಪಿಯಲ್ಲಿ ಕೋಲಾಹಲ!

ಬಿಜೆಪಿ ರಾಷ್ಟ್ರೀಯ ಕಾರ್ಯಕಾರಿಣಿ ಸದಸ್ಯ ಜಿತೇಂದರ್ ರೆಡ್ಡಿ ಶೇರ್ ಮಾಡಿರುವ ವಿಡಿಯೋ ತೆಲಂಗಾಣದ ರಾಜಕೀಯ ವಲಯದಲ್ಲಿ ಸಂಚಲನ ಮೂಡಿಸಿದೆ. ರಾಜ್ಯದಲ್ಲಿ ಕೇಸರಿ ಪಕ್ಷದೊಳಗಿನ ಆಂತರಿಕ ಕಚ್ಚಾಟದ ಬಗ್ಗೆ ವೀಡಿಯೊ ಸುಳಿವು ನೀಡುತ್ತದೆ.

ವ್ಯಕ್ತಿಯೊಬ್ಬ ಎಮ್ಮೆಯನ್ನು ಟ್ರಕ್‌ಗೆ ಬಲವಂತವಾಗಿ ಒದೆಯುತ್ತಿರುವುದನ್ನು ತೋರಿಸುವ ವಿಡಿಯೋವನ್ನು ಶೇರ್ ಮಾಡಿದ ಅವರು, ಕೇಂದ್ರ ಗೃಹ ಸಚಿವ ಅಮಿತ್ ಶಾ, ತೆಲಂಗಾಣ ಬಿಜೆಪಿ ಮುಖ್ಯಸ್ಥ ಬಂಡಿ ಸಂಜಯ್, ಬಿಜೆಪಿ ತೆಲಂಗಾಣ ಟ್ವಿಟರ್ ಹ್ಯಾಂಡಲ್‌ಗಳು ಹಾಗೂ ಪ್ರಮುಖ ಬಿಜೆಪಿ ನಾಯಕರನ್ನು ಟ್ಯಾಗ್ ಮಾಡಿದ್ದು, ”ಬಿಜೆಪಿ ತೆಲಂಗಾಣ ನಾಯಕತ್ವಕ್ಕೆ ಈ ಚಿಕಿತ್ಸೆ ಅಗತ್ಯವಿದೆ” ಎಂದು ಬರೆದಿದ್ದಾರೆ.

This treatment is what's required for Bjp Telangana leadership.@blsanthosh @BJP4India @AmitShah @sunilbansalbjp @BJP4Telangana pic.twitter.com/MMeUx7fb4Q

— AP Jithender Reddy (@apjithender) June 29, 2023

ಟ್ವೀಟ್‌ನಲ್ಲಿನ ನಿಗೂಢ ಸಂದೇಶವು ತಕ್ಷಣವೇ ಊಹಾಪೋಹಗಳನ್ನು ಹುಟ್ಟುಹಾಕಿದೆ. ಈ ಪೋಸ್ಟ್ ಮೂಲಕ ತೆಲಂಗಾಣ ಬಿಜೆಪಿ ಮುಖ್ಯಸ್ಥ ಬಂಡಿ ಸಂಜಯ್‌ಗೆ ರಾಜ್ಯ ಬಿಜೆಪಿಯಲ್ಲಿನ ಆಂತರಿಕ ಕಚ್ಚಾಟಕ್ಕೆ ಕಾರಣ ಎಂದು ಆರೋಸಿದ್ದಾರೆ ಎಂದು ಹಲವರು ಊಹಿಸಿದ್ದಾರೆ.

ಇದರಿಂದ ಮತ್ತಷ್ಟು ಕೋಲಾಹಲ ಉಂಟಾದ ಬಳಿಕ ಜಿತೇಂದರ್ ರೆಡ್ಡಿ ಅವರು, ತಮ್ಮ ಉದ್ದೇಶಗಳನ್ನು ಸ್ಪಷ್ಟಪಡಿಸಲು ಮತ್ತೊಮ್ಮೆ ಟ್ವೀಟ್ ಮಾಡಿ, ”ಬಂಡಿ ಸಂಜಯ್ ವಿರುದ್ಧ ನನ್ನ ಆರೋಪವಲ್ಲ ಬದಲಾಗಿ ಪಕ್ಷದೊಳಗೆ ಅವರ ನಾಯಕತ್ವವನ್ನು ವಿರೋಧಿಸುತ್ತಿರುವವರ ವಿರುದ್ಧ ನನ್ನ ಈ ಪೋಸ್ಟ್” ಎಂದು ಅವರು ಹೇಳಿದ್ದಾರೆ.

జితేందర్ రెడ్డి గారు… బీజేపీ అంతర్గత ‘తన్నులాట’ను అద్భుతమైన పోలికతో ప్రజలకు వివరించారు. ఆ పార్టీలో చేరిన వారి పరిస్థితి గురించి ఇంత కంటే గొప్పగా ఎవరూ చెప్పలేరు! https://t.co/OcR1Z687rt

— Revanth Reddy (@revanth_anumula) June 29, 2023

ನಂತರ, ತೆಲಂಗಾಣ ಕಾಂಗ್ರೆಸ್ ಮುಖ್ಯಸ್ಥ ಎ ರೇವಂತ್ ರೆಡ್ಡಿ ಅವರು ತೆಲುಗಿನಲ್ಲಿ ಟ್ವೀಟ್ ಮಾಡಿ, ”ಜಿತೇಂದರ್ ರೆಡ್ಡಿ ಅವರು ಬಿಜೆಪಿಯ ಆಂತರಿಕ ‘ಡೊಂಕ’ನ್ನು ಅತ್ಯುತ್ತಮ ಹೋಲಿಕೆಯೊಂದಿಗೆ ಸಾರ್ವಜನಿಕರಿಗೆ ವಿವರಿಸಿದ್ದಾರೆ. ಆ ಪಕ್ಷಕ್ಕೆ ಸೇರಿದವರ ಸ್ಥಿತಿಯ ಬಗ್ಗೆ ಯಾರೂ ಹೆಚ್ಚು ಮಾತನಾಡಲಾರರು!” ಎಂದು ವ್ಯಂಗ್ಯ ಮಾಡಿದ್ದಾರೆ.

ಇದನ್ನೂ ಓದಿ: ಸಿಎಂ ಶಿಫಾರಸಿಲ್ಲದೆಯೇ ಸೆಂಥಿಲ್‌ರನ್ನು ಸಚಿವ ಸ್ಥಾನದಿಂದ ವಜಾಗೊಳಿಸಿದ ಆದೇಶ ವಾಪಸ್ ಪಡೆದ ತಮಿಳುನಾಡು ರಾಜ್ಯಪಾಲ