ಲಡಾಖ್ನಲ್ಲಿ ವಾಸ್ತವ ನಿಯಂತ್ರಣ ರೇಖೆಯ (ಎಲ್ಎಸಿ) ಉದ್ದಕ್ಕೂ ಭಾರತ ಮತ್ತು ಚೀನಾ ನಡುವೆ ಉದ್ವಿಗ್ನತೆ ಹೆಚ್ಚುತ್ತಿದ್ದಂತೆ, ಸಾಮಾಜಿಕ ಜಾಲತಾಣದಲ್ಲಿ ಈ ವಿಷಯದ ಬಗ್ಗೆ ಭಾರಿ ಸುಳ್ಳುಗಳನ್ನು ಹರಡಲಾಗುತ್ತಿದೆ.
ಅಂತಹದೆ ಒಂದು ಸುಳ್ಳುಗಳಲ್ಲಿ, ಚಿತ್ರವೊಂದನ್ನು 1967 ರ ’ನಾಥು ಲಾ’ ದಲ್ಲಿನ ಭಾರತ-ಚೀನಾ ನಡುವಿನ ಘರ್ಷಣೆಯಲ್ಲಿನ ಚೀನಾದ ಯುದ್ಧ ಕೈದಿಯೊಬ್ಬನ ಚಿತ್ರವೆಂದು ಹೇಳಿ ಹಂಚಿಕೊಳ್ಳಲಾಗುತ್ತಿದೆ. ಸಂಘರ್ಷದಲ್ಲಿ ಸೋತದ್ದರಿಂದ ಚೀನಾ ಸೇನೆಯಿಂದ ಶಿಕ್ಷೆಯಾಗಬಹುದೆಂದು ಹೆದರಿ ಈ ಖೈದಿ ಹಿಂತಿರುಗಲು ಬಯಸದೆ ಅಳುತ್ತದ್ದಾನೆ ಎಂದು ಬರೆದು ಹಂಚಲಾಗುತ್ತಿದೆ.
ಚಿತ್ರದಲ್ಲಿ ಇಬ್ಬರು ಭಾರತೀಯ ಸೈನಿಕರು ಒಬ್ಬ ವ್ಯಕ್ತಿಯನ್ನು ಹಿಡಿದಿರುವುದು ಕಾಣಬಹುದಾಗಿದೆ. ಆ ವ್ಯಕ್ತಿ ರೋದಿಸುವ ಚಿತ್ರಣವು ಇದರಲ್ಲಿದೆ.
ಈ ಚಿತ್ರವೂ ಐತಿಹಾಸಿಕ ಚಿತ್ರವಾಗಿದೆಯಾದರೂ ಇದು ’ನಾಥು ಲಾ’ ದ ಸಂಧರ್ಭದ ಚಿತ್ರವಲ್ಲ. 1950-1954ರ ಕೊರಿಯನ್ ಯುದ್ಧದಲ್ಲಿ ಭಾರತವು ತನ್ನ ಮೊದಲ ವಿಶ್ವ ಸಂಸ್ಥೆಯ ಶಾಂತಿಪಾಲನಾ ಕಾರ್ಯಾಚರಣೆಯ ಭಾಗವಾಗಿ ಕಳುಹಿಸಿದ ಭಾರತೀಯ ಸೈನಿಕರ ಚಿತ್ರವಾಗಿದೆ.
ಈ ಚಿತ್ರಗಳನ್ನು ಹಿಸ್ಟರಿ ಡಾಟ್ ಕಾಮ್ ವೆಬ್ಸೈಟ್ನ ಲೇಖನವೊಂದರಲ್ಲಿ ಕಾಣಬಹುದಾಗಿದೆ. ವೆಬ್ಸೈಟ್ ಚಿತ್ರವನ್ನು ಗೆಟ್ಟಿ ಇಮೇಜ್ ನಿಂದ ವೆಬ್ಸೈಟ್ ಪಡೆದುಕೊಂಡಿದೆ ಎಂದು ಹೇಳಿದೆ. ಲೇಖನವೂ ಚಿತ್ರವನ್ನು ಕೊರಿಯನ್ ಯುದ್ದದ ಚಿತ್ರ ಎಂದು ಉಲ್ಲೇಖಿಸಿದೆ.
ಗೆಟ್ಟಿ ವಿವರಣೆಯಲ್ಲಿ ಈ ಚಿತ್ರವನ್ನು ಭಾರತೀಯ ಸೈನಿಕರು ಉತ್ತರ ಕೊರಿಯಾದಲ್ಲಿ ಚೀನಾದ ಯುದ್ಧ ಕೈದಿಯನ್ನು ಹೊತ್ತೊಯ್ಯುತ್ತಿದ್ದಾರೆ ಎಂದು ಹೇಳುತ್ತದೆ. “ಅಕ್ಟೋಬರ್ 5, 1953 ರ ಕೊರಿಯನ್ ಯುದ್ಧದ ನಂತರ ಕಮ್ಯುನಿಸ್ಟರ ಬಳಿಗೆ ಮರಳಲು ಉತ್ತರ ಕೊರಿಯಾದ ಪನ್ಮುಂಜೋಮ್ನಲ್ಲಿರುವ ವಿನಿಮಯ ಕೇಂದ್ರಕ್ಕೆ ಅಳುತ್ತಿದ್ದ ಚೀನಾದ ಯುದ್ಧ ಕೈದಿಯನ್ನು ಕರೆದೊಯ್ಯುವ ಇಬ್ಬರು ಭಾರತೀಯ ಸೈನಿಕರು. ಅವರು ಚೀನಾದ 65 ಸೈನಿಕರಲ್ಲಿ ಒಬ್ಬರಾಗಿದ್ದರು.” ಎಂದು ವಿವರಿಸಲಾಗಿದೆ.
1950-1954ರ ಕೊರಿಯನ್ ಯುದ್ಧದಲ್ಲಿ ಭಾರತದ ಸೈನ್ಯವೂ ತನ್ನ ಮೊದಲ ವಿಶ್ವಸಂಸ್ಥೆ ಶಾಂತಿಪಾಲನಾ ಕಾರ್ಯಾಚರಣೆಯ ಭಾಗವಾಗಿ ಭಾಗವಹಿಸಿತ್ತು.
1967 ರಲ್ಲಿ ಭಾರತ-ಚೀನಾ ನಡುವೆ ಸಿಕ್ಕಿಂ ಗಡಿಯಲ್ಲಿ ನಾಥು ಲಾ ಮತ್ತು ಚೋ ಲಾ ಘರ್ಷಣೆ ಸರಣಿಯಾಗಿ ನಡೆದಿದ್ದವು. ಇದರಲ್ಲಿ ಕನಿಷ್ಠ 88 ಭಾರತೀಯ ಸೈನಿಕರು ಮತ್ತು 340 ಕ್ಕೂ ಹೆಚ್ಚು ಚೀನಾದ ಸೈನಿಕರು ಪ್ರಾಣ ಕಳೆದುಕೊಂಡು, ಸಾವಿರಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದರು.
ಕೃಪೆ: ದಿ ಕ್ವಿಂಟ್
ಓದಿ: ಅಮೆರಿಕಾದ ಕೊರೊನಾ ರಾಜಕೀಯವನ್ನು ಭಾರತ ವಿರೋಧಿಸಲಿದೆ: ಚೀನಾ ಬಯಕೆ