ಕೇಂದ್ರ ಮಾಹಿತಿ ಮತ್ತು ತಂತ್ರಜ್ಞಾನ ಇಲಾಖೆ ಸಚಿವ ರವಿಶಂಕರ್ ಪ್ರಸಾದ್ ಅವರ ಟ್ವಿಟ್ಟರ್ ಖಾತೆಯ ಬೆನ್ನಲ್ಲೇ ಕಾಂಗ್ರೆಸ್ ಸಂಸದ ಮತ್ತು ಮಾಜಿ ಸಚಿವ ಶಶಿ ತರೂರ್ ಅವರ ಖಾತೆಯನ್ನೂ ಟ್ವಿಟ್ಟರ್ ತಾತ್ಕಾಲಿಕವಾಗಿ ನಿರ್ಬಂಧಿಸಿದೆ. ಕಾಪಿ ರೈಟ್ ಕಾರಣಕ್ಕೆ ಶಶಿ ತರೂರ್ ಅವರ ಟ್ವೀಟ್ ಒಂದನ್ನು ಟ್ಟಿಟ್ಟರ್ ತಡೆಹಿಡಿದಿದೆ.
ಈ ಸಂಬಂಧ ತಮ್ಮ ಖಾತೆಯಲ್ಲಿ ಟ್ವೀಟ್ ಮಾಡಿರುವ ಶಶಿ ತರೂರ್ ಏಕಾಏಕಿ ಟ್ವಿಟ್ಟರ್ ನನ್ನ ಖಾತೆಯನ್ನು ಬಳಸದಂತೆ ಬ್ಲಾಕ್ ಮಾಡಿದೆ. ನಾನು ರೆಸಪ್ಟಿನ್ ಎಂಬ ಹಾಡನ್ನು ಟ್ವೀಟ್ ಮಾಡಿದ್ದೆ. ಆದರೆ DMCA ನಿಯಮಗಳ ಅನುಸಾರ ನನ್ನ ಖಾತೆಯನ್ನು ನಿರ್ಬಂಧಿಸಿರುವುದಾಗಿ ಟ್ವಿಟ್ಟರ್ ಕಾರಣವನ್ನು ನೀಡಿದೆ. ಏಕಾಏಕಿ DMCA ಅತಿಯಾದ ನಿಬಂಧನೆಗಳು ಮತ್ತು ನಿರ್ಬಂಧಗಳನ್ನು ವಿಧಿಸುತ್ತಿದೆ ಎಂದು ಶಶಿ ತರೂರ್ ತಿಳಿಸಿದ್ದಾರೆ.
Raviji, the same thing just happened to me. Clearly DMCA is getting hyperactive. This tweet has been deleted by @Twitter because its video includes the copyrighted BoneyM song"Rasputin": https://t.co/ClgP2OKV1o #DanceIsNotJihad pic.twitter.com/IqQD50WhaU
After process, a/c unlocked. https://t.co/TCeT8aGxV6— Shashi Tharoor (@ShashiTharoor) June 25, 2021
ಶಶಿ ತರೂರ್ ಅವರು ಮಾಹಿತಿ ತಂತ್ರಜ್ಞಾನಕ್ಕೆ ಸಂಬಂಧಿಸಿದ ಸಂಸದೀಯ ಸಮಿತಿ ಅಧ್ಯಕ್ಷರಾಗಿದ್ದು, ಸರ್ಕಾರದ ಹೊಸ ಕಾನೂನುಗಳ ಪಾಲನೆ ವಿಚಾರದಲ್ಲಿ ಟ್ವಿಟ್ಟರ್ ವಿರುದ್ಧ ವಿಚಾರಣೆಯನ್ನು ಸಂಸದೀಯ ಸಮಿತಿ ನಡೆಸುತ್ತಿದೆ.
ನಾನು ಸಂಸದೀಯ ಸಮಿತಿಯ ಅಧ್ಯಕ್ಷನಾಗಿ ಸಚಿವ ರವಿ ಶಂಕರ್ ಪ್ರಸಾದ್ ಮತ್ತು ತಮ್ಮ ಖಾತೆಯ ಮೇಲಿನ ತಾತ್ಕಾಲಿಕ ನಿರ್ಬಂಧಕ್ಕೆ ಸಂಬಂಧಿಸಿದಂತೆ ಟ್ವಿಟ್ಟರ್ ಇಂಡಿಯಾದಿಂದ ವಿವರಣೆಯನ್ನು ಪಡೆಯುವುದಾಗಿ ಶಶಿ ತರೂರ್ ತಿಳಿಸಿದ್ದಾರೆ.
As Chairman of the Parliamentary Standing Committee on Information Technology, I can state that we will be seeking an explanation from @TwitterIndia for the locking of @rsprasad's & my accounts & the rules & procedures they follow while operating in India.
— Shashi Tharoor (@ShashiTharoor) June 25, 2021
ತಮ್ಮ ಖಾತೆಯ ಮೇಲಿನ ತಾತ್ಕಾಲಿಕ ನಿರ್ಬಂಧ IT ಕಾನೂನುಗಳಿಗೆ ವಿರುದ್ಧವಾಗಿದೆ. ಟ್ವಿಟ್ಟರ್ ವಿರುದ್ಧ ಕ್ರಮ ಜರುಗಿಸಲಾಗುವುದು ಎಂದು ಕೇಂದ್ರ ಮಾಹಿತಿ ಮತ್ತು ತಂತ್ರಜ್ಞಾನ ಸಚಿವ ರವಿಶಂಕರ್ ಪ್ರಸಾದ್ ತಿಳಿಸಿದ್ದಾರೆ.
ಇದನ್ನೂ ಓದಿ :ಕಾನೂನು ಉಲ್ಲಂಘನೆ: ಸಚಿವ ರವಿಶಂಕರ್ ಪ್ರಸಾದ್ ಟ್ವಿಟರ್‌ ಅಕೌಂಟ್‌ಗೆ ಒಂದು ಗಂಟೆ ನಿರ್ಬಂಧ
