”ಅಕ್ಟೋಬರ್ 31ರಂದು ತಮ್ಮ ವಿರುದ್ಧ ಪ್ರಶ್ನೆಗಾಗಿ ಹಣ ಪಡೆದ ಆರೋಪದ ವಿಚಾರಣೆ ನಡೆಸುತ್ತಿರುವ ಸಂಸದೀಯ ಸಮಿತಿಯ ಮುಂದೆ ತಾನು ಹಾಜರಾಗುವುದಿಲ್ಲ” ಎಂದು ತೃಣಮೂಲ ಸಂಸದೆ ಮಹುವಾ ಮೊಯಿತ್ರಾ ಇಂದು ಹೇಳಿದ್ದಾರೆ.
ಸಮಿತಿಯು ನಿರ್ಧರಿಸಿದ ದಿನಾಂಕವಾದ ಅಕ್ಟೋಬರ್ 31 ರಂದು ಸಮಿತಿಯ ಮುಂದೆ ಹಾಜರಾಗಲು ನನಗೆ ಸಾಧ್ಯವಿಲ್ಲ. ಪರ್ಯಾಯವಾಗಿ, ನವೆಂಬರ್ 5ರ ನಂತರ ಸಮಿತಿಯ ಆಯ್ಕೆಯ ಯಾವುದೇ ದಿನಾಂಕ ಮತ್ತು ಸಮಯದಲ್ಲಿ ಸಮಿತಿಯ ಮುಂದೆ ವೈಯಕ್ತಿಕವಾಗಿ ಹಾಜರಾಗಬಹುದು ಎಂದು ಮಹುವಾ ಮೊಯಿತ್ರಾ ತಮ್ಮ ಉತ್ತರದಲ್ಲಿ ಬರೆದಿದ್ದಾರೆ.
Chairman, Ethics Comm announced my 31/10 summons on live TV way before official letter emailed to me at 19:20 hrs. All complaints & suo moto affidavits also released to media. I look forward to deposing immediately after my pre- scheduled constituency programmes end on Nov 4. pic.twitter.com/ARgWeSQiHJ
— Mahua Moitra (@MahuaMoitra) October 27, 2023
ದುರ್ಗಾ ಪೂಜೆಯ ಸಂಭ್ರಮವನ್ನು ಉಲ್ಲೇಖಿಸಿರುವ ಮೊಯಿತ್ರಾ, ”ನಾನು ಪಶ್ಚಿಮ ಬಂಗಾಳ ರಾಜ್ಯವನ್ನು ಪ್ರತಿನಿಧಿಸುತ್ತೇನೆ, ಅಲ್ಲಿ ದುರ್ಗಾಪೂಜೆ ಅತ್ಯಂತ ದೊಡ್ಡ ಹಬ್ಬವಾಗಿದೆ. ನಾನು ಈಗಾಗಲೇ ಹಲವಾರು ಪೂರ್ವ ನಿಗದಿತ ವಿಜಯ ದಶಮಿ ಸಮ್ಮೇಳನಗಳು/ಸಭೆಗಳಿಗೆ (ಸರ್ಕಾರಿ ಮತ್ತು ರಾಜಕೀಯ ಎರಡೂ) ಹಾಜರಾಗಲು ನಿರ್ಧರಿಸಿದ್ದೇನೆ. ಅಕ್ಟೋಬರ್ 30 ರಿಂದ ನವೆಂಬರ್ 4, 2023 ರವರೆಗೆ ಕ್ಷೇತ್ರ ಮತ್ತು 31 ಅಕ್ಟೋಬರ್ 2023 ರಂದು ದೆಹಲಿಯಲ್ಲಿ ಇರಲು ಸಾಧ್ಯವಿಲ್ಲ” ಎಂದು ಮಹುವಾ ಬರೆದಿದ್ದಾರೆ.
ನೀತಿಸಂಹಿತೆ ಸಮಿತಿಯು ನಿನ್ನೆ ಬಿಜೆಪಿ ಸಂಸದ ನಿಶಿಕಾಂತ್ ದುಬೆ ಮತ್ತು ಸುಪ್ರೀಂ ಕೋರ್ಟ್ ವಕೀಲ ಜೈ ಅನಂತ್ ದೇಹದ್ರಾಯ್ ಅವರ ಹೇಳಿಕೆಗಳನ್ನು ದಾಖಲಿಸಿಕೊಂಡಿದ್ದು, ಇಬ್ಬರೂ ನನ್ನ ವಿರುದ್ಧ ಆರೋಪ ಮಾಡಿದ್ದಾರೆ. ಅವರ ದೂರುಗಳ ವಿರುದ್ಧ ತನ್ನನ್ನು ಸಮರ್ಥಿಸಿಕೊಳ್ಳಲು ನ್ಯಾಯಯುತ ವಿಚಾರಣೆಯನ್ನು ನೀಡಬೇಕೆಂದು ಹೇಳಿದ್ದೇನೆ, ಆದರೆ ನೈಸರ್ಗಿಕ ನ್ಯಾಯದ ವಿರುದ್ಧ ಸಮಿತಿಯು ದೂರುದಾರರನ್ನು ಮೊದಲು ಕರೆದು ವಿಚಾರಣೆ ನಡೆಸಿತು ಎಂದು ಮಹುವಾ ಹೇಳಿದರು.
ಮಹುವಾ ಮೊಯಿತ್ರಾ ಅವರು ತಮ್ಮ ಉತ್ತರದಲ್ಲಿ ಕೈಗಾರಿಕೋದ್ಯಮಿ ಹಿರನಂದಾನಿ ಅವರನ್ನು ಅಡ್ಡ ಪರೀಕ್ಷೆಗೆ ಒಳಪಡಿಸಲು ಅವಕಾಶ ನೀಡಬೇಕು ಎಂದು ಹೇಳಿದರು. ಅವರು ಸಮಿತಿಯ ಮುಂದೆ ಹಾಜರಾಗುವುದು ಮತ್ತು ಅವರು ನನಗೆ ಒದಗಿಸಿದ್ದಾರೆಂದು ಹೇಳಲಾದ ಉಡುಗೊರೆಗಳು ಮತ್ತು ಅನುಕೂಲಗಳ ವಿವರವಾದ ಪರಿಶೀಲಿಸಿದ ಪಟ್ಟಿಯನ್ನು ಒದಗಿಸುವುದು ಕಡ್ಡಾಯವಾಗಿದೆ. ಹಿರಾನಂದನಿಯವರ ಸಾಕ್ಷ್ಯವಿಲ್ಲದೆ ಯಾವುದೇ ವಿಚಾರಣೆಯು ಅಪೂರ್ಣ, ಅನ್ಯಾಯ ಎಂದು ಮಹುವಾ ಬರೆದಿದ್ದಾರೆ.
ಇದನ್ನೂ ಓದಿ: ಗಡ್ಡ, ಟೋಪಿ ಇರುವವರು ಹಿಂದೂ ಧಾರ್ಮಿಕ ಸ್ಥಳಗಳ ಬಳಿ ಕಂಡುಬಂದರೆ ಥಳಿಸಬೇಕು: ಜಾರ್ಖಂಡ್ ಬಿಜೆಪಿ ಶಾಸಕ
