ಕೇರಳದ ಕಣ್ಣೂರು ಜಿಲ್ಲೆಯ 18 ವರ್ಷದ ಯುವತಿಯೋರ್ವಳು ತೀವ್ರ ಆಹಾರ ನಿರ್ಬಂಧ ಹಾಗೂ ದೀರ್ಘಕಾಲದ ಹಸಿವಿನಿಂದ ಉಂಟಾದ ಆರೋಗ್ಯ ಸಮಸ್ಯೆಗಳಿಂದಾಗಿ ಸಾವನ್ನಪ್ಪಿದ್ದಾಳೆ. ತೂಕ ಹೆಚ್ಚಾಗುವ ಭಯದಿಂದ ಆನ್ಲೈನ್ ನೋಡಿ ಡಯಟ್‌ ಅನುಸರಿಸುತ್ತಿದ್ದರು ಎಂದು ವರದಿಯಾಗಿದೆ.
ಕೂತುಪರಂಬ ನಿವಾಸಿ ಶ್ರೀನಂದ ಎಂದು ಗುರುತಿಸಲ್ಪಟ್ಟ ಹದಿಹರೆಯದ ಬಾಲಕಿ ತಲಶ್ಶೇರಿಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಗ ನಿಧನರಾದರು. ಅಲ್ಲಿ ಆಕೆಗೆ ವೆಂಟಿಲೇಟರ್‌ನಲ್ಲಿದ್ದರು. ಆಕೆಯನ್ನು ಈ ಹಿಂದೆ ಚಿಕಿತ್ಸೆಗಾಗಿ ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಗಿತ್ತು.
ಆಕೆಯ ಸಂಬಂಧಿಕರ ಪ್ರಕಾರ, ತೂಕ ಹೆಚ್ಚಾಗುವ ತೀವ್ರ ಭಯದಿಂದ ಶ್ರೀನಂದ ಊಟ ಬಿಟ್ಟು ಅತಿಯಾದ ವ್ಯಾಯಾಮ ಮಾಡುತ್ತಿದ್ದಳು. ಆನ್ಲೈನ್ ಪ್ಲಾಟ್‌ಫಾರ್ಮ್‌ಗಳು ಸೂಚಿಸಿದ ಆಹಾರ ಯೋಜನೆಗಳನ್ನು ಅನುಸರಿಸಿ, ದ್ರವರೂಪದ ಆಹಾರ ಸೇವಿಸುತ್ತಿದ್ದರು. ಅಂತಿಮವಾಗಿ, ತೀವ್ರ ಹಸಿವಿನ ಸ್ಥಿತಿಯನ್ನು ತಲುಪಿದ್ದಳು. ಅವರು ಮಟ್ಟನ್ನೂರ್ ಪಳಸ್ಸಿರಾಜ ಎನ್‌ಎಸ್‌ಎಸ್ ಕಾಲೇಜಿನಲ್ಲಿ ಪ್ರಥಮ ವರ್ಷದ ಪದವಿಪೂರ್ವ ವಿದ್ಯಾರ್ಥಿನಿಯಾಗಿದ್ದರು.
ಶ್ರೀನಂದ ಅನೋರೆಕ್ಸಿಯಾ ನರ್ವೋಸಾದಿಂದ ಬಳಲುತ್ತಿದ್ದಾರೆ ಎಂದು ವೈದ್ಯಕೀಯ ತಜ್ಞರು ಶಂಕಿಸಿದ್ದಾರೆ. ಇದು ವ್ಯಕ್ತಿಗಳು ತಮ್ಮ ತೂಕ ಮತ್ತು ಆಹಾರ ಸೇವನೆಯ ಬಗ್ಗೆ ಗೀಳನ್ನು ಉಂಟುಮಾಡುವ ತಿನ್ನುವ ಅಸ್ವಸ್ಥತೆಯಾಗಿದೆ. ಸಂತ್ರಸ್ತ ವ್ಯಕ್ತಿಗಳು ಕಡಿಮೆ ತೂಕ ಹೊಂದಿದ್ದರೂ ತಮ್ಮನ್ನು ಅಧಿಕ ತೂಕ ಹೊಂದಿರುವವರು ಎಂದು ಗ್ರಹಿಸುತ್ತಾರೆ. ತಿನ್ನುವುದನ್ನು ತಪ್ಪಿಸಲು ತೀವ್ರ ಕ್ರಮಗಳನ್ನು ಆಶ್ರಯಿಸುತ್ತಾರೆ. ಕೋವಿಡ್ ನಂತರದ ಅವಧಿಯಲ್ಲಿ ಇಂತಹ ಪ್ರಕರಣಗಳಲ್ಲಿ ಹೆಚ್ಚಳವಾಗಿರುವುದನ್ನು ತಜ್ಞರು ಗಮನಿಸಿದ್ದಾರೆ.
ಆಕೆಯ ಸ್ಥಿತಿ ಐದರಿಂದ ಆರು ತಿಂಗಳುಗಳ ಕಾಲ ಮುಂದುವರಿದಿತ್ತು, ಈ ಸಮಯದಲ್ಲಿ ಆಕೆ ತನ್ನ ಆಹಾರ ಸೇವನೆಯನ್ನು ತೀವ್ರವಾಗಿ ಕಡಿಮೆ ಮಾಡಿ ಕುಟುಂಬದಿಂದ ಮರೆಮಾಡಿದ್ದಳು. ಆಕೆಯ ಪೋಷಕರು ನೀಡಿದ ಆಹಾರವನ್ನು ಮರೆಮಾಡಿ ಬಿಸಿನೀರು ಮಾತ್ರ ಸೇವಿಸುತ್ತಿದ್ದಳು ಎಂದು ಸಂಬಂಧಿಯೊಬ್ಬರು ಹೇಳಿದ್ದಾರೆ. ಸುಮಾರು ಐದು ತಿಂಗಳ ಹಿಂದೆ, ಆಕೆಯನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತು, ಅಲ್ಲಿ ವೈದ್ಯರು ಆಕೆಯ ಕುಟುಂಬಕ್ಕೆ ಸರಿಯಾಗಿ ತಿನ್ನುವಂತೆ ಸೂಚಿಸಿದರು, ಮನೋವೈದ್ಯಕೀಯ ಸಮಾಲೋಚನೆಯನ್ನು ಪಡೆದರು.
ಎರಡು ತಿಂಗಳ ಹಿಂದೆ, ಆಕೆಯನ್ನು ಪರೀಕ್ಷೆಗಳಿಗಾಗಿ ಕೋಝಿಕೋಡ್ ವೈದ್ಯಕೀಯ ಕಾಲೇಜಿಗೆ ಕರೆದೊಯ್ಯಲಾಯಿತು. ಅಲ್ಲಿ ವೈದ್ಯರು ಪೌಷ್ಠಿಕಾಂಶದ ಆರೈಕೆ ಮತ್ತು ಮನೋವೈದ್ಯಕೀಯ ಬೆಂಬಲದ ಅಗತ್ಯವನ್ನು ಪುನರುಚ್ಚರಿಸಿದರು. ಆದರೂ, ಆಕೆಯ ಆರೋಗ್ಯವು ಹದಗೆಡುತ್ತಲೇ ಇತ್ತು. ಎರಡು ವಾರಗಳ ಹಿಂದೆ, ಆಕೆಯ ರಕ್ತದಲ್ಲಿನ ಸಕ್ಕರೆ ಗಮನಾರ್ಹವಾಗಿ ಕಡಿಮೆಯಾಯಿತು. ಆಕೆಗೆ ತೀವ್ರ ಉಸಿರಾಟದ ತೊಂದರೆಗಳು ಉಂಟಾದವು, ಇದರಿಂದಾಗಿ ಆಕೆಯನ್ನು ತಕ್ಷಣ ತಲಶ್ಶೇರಿ ಸಹಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು.
ತಲಶ್ಶೇರಿ ಸಹಕಾರಿ ಆಸ್ಪತ್ರೆಯ ಸಲಹಾ ವೈದ್ಯ ಡಾ. ನಾಗೇಶ್ ಮನೋಹರ್ ಪ್ರಭು, ಆಕೆಯನ್ನು ಸುಮಾರು 12 ದಿನಗಳ ಹಿಂದೆ ಗಂಭೀರ ಸ್ಥಿತಿಯಲ್ಲಿ ಆಸ್ಪತ್ರೆಗೆ ಕರೆತರಲಾಯಿತು. ಅವರನ್ನು ನೇರವಾಗಿ ಐಸಿಯುಗೆ ದಾಖಲಿಸಲಾಯಿತು ಎಂದು ದೃಢಪಡಿಸಿದರು. “ಅವಳ ತೂಕ ಕೇವಲ 24 ಕೆಜಿ ಇತ್ತು, ಹಾಸಿಗೆ ಹಿಡಿದಿದ್ದಳು. ಆಕೆಯ ಸಕ್ಕರೆ ಮಟ್ಟ, ಸೋಡಿಯಂ ಮತ್ತು ರಕ್ತದೊತ್ತಡ ತುಂಬಾ ಕಡಿಮೆಯಾಗಿತ್ತು. ಅವರನ್ನು ವೆಂಟಿಲೇಟರ್‌ನಲ್ಲಿ ಇರಿಸಲಾಯಿತು. ಆದರೆ, ಆಕೆಯ ಸ್ಥಿತಿ ಸುಧಾರಿಸಲಿಲ್ಲ. ಅಂತಿಮವಾಗಿ ಯುವತಿ ಸಾವನ್ನಪ್ಪಿದಳು” ಎಂದು ಡಾ. ಪ್ರಭು ಹೇಳಿದರು.
ಎನ್ಇಪಿ-ಹಿಂದಿ ಹೇರಿಕೆ ವಿರುದ್ಧ ಧ್ವನಿ ಎತ್ತಿದ ಡಿಎಂಕೆ ಸಂಸದರು; ಲೋಕಸಭೆಯಲ್ಲಿ ಮಾತಿನ ಚಕಮಕಿ
