ತೆಲಂಗಾಣದಲ್ಲಿ ಕರೋನವೈರಸ್ ಲಾಕ್ ಡೌನ್ ಅನ್ನು ಮೇ 29 ರವರೆಗೆ ವಿಸ್ತರಿಸಲಾಗುವುದು ಎಂದು ಅಲ್ಲಿನ ಮುಖ್ಯಮಂತ್ರಿ ಕೆ. ಚಂದ್ರಶೇಖರ್ ರಾವ್‌ರವರು ಘೋಷಿಸಿದ್ದಾರೆ.
ತೆಲಗಾಂಣದಲ್ಲಿ ದೇಶದ ಉಳಿದ ಭಾಗಗಳಲ್ಲಿ ಲಾಕ್ಡೌನ್ ಕೊನೆಗೊಂಡ ಹತ್ತು ದಿನಗಳ ನಂತರವೂ ಮುಂದುವರೆಯಲಿದೆ. ಮಂಗಳವಾರ ಸಂಜೆ ಕ್ಯಾಬಿನೆಟ್ ಸಭೆಯ ನಂತರ ಮುಖ್ಯಮಂತ್ರಿ ಕೆ ಚಂದ್ರಶೇಖರ್ ರಾವ್ ಈ ನಿರ್ಧಾರ ಘೋಷಿಸಿದ್ದು, ಲಾಕ್ಡೌನ್ ವಿಸ್ತರಿಸಬೇಕೆಂದು ಜನರು ಬಯಸುತ್ತಾರೆ ಎಂದು ಹೇಳಿದ್ದಾರೆ.
ತೆಲಂಗಾಣವು ಕೆಂಪು ವಲಯದಲ್ಲಿ ಆರು, ಕಿತ್ತಳೆ ವಲಯದಲ್ಲಿ 18 ಮತ್ತು ಹಸಿರು ವಲಯದಲ್ಲಿ ಒಂಬತ್ತು ಜಿಲ್ಲೆಗಳನ್ನು ಹೊಂದಿದೆ. ಮೂರು ಜಿಲ್ಲೆಗಳಲ್ಲಿ ಸೋಂಕಿನ ಪ್ರಮಾಣ ಹೆಚ್ಚಾಗಿದ್ದು, ಆ ಜಿಲ್ಲೆಗಳ ಸ್ಥಿತಿ ಆತಂಕಕಾರಿಯಾಗಿದೆ ಎಂದು ಅವರು ಹೇಳಿದ್ದಾರೆ.
“ಕೆಂಪು ವಲಯದಲ್ಲೂ ಅಂಗಡಿಗಳು ತೆರೆಯಬಹುದು ಎಂದು ಕೇಂದ್ರ ಹೇಳುತ್ತದೆ. ಆದರೆ ನಾವು ಹೈದರಾಬಾದ್, ಮೆಡ್ಚಲ್, ಸೂರ್ಯಪೇಟೆ, ವಿಕರಾಬಾದ್‌ನಲ್ಲಿ ಮೇ 29 ರವರೆಗೆ ಯಾವುದೇ ಅಂಗಡಿಗಳನ್ನು ತೆರೆಯುತ್ತಿಲ್ಲ” ಎಂದು ಕೆ.ಸಿ.ಆರ್ ಹೇಳಿದ್ದಾರೆ.
ತೆಲಂಗಾಣದಲ್ಲಿ ಇದುವರೆಗೆ 1,096 ಕರೋನವೈರಸ್ ಪ್ರಕರಣಗಳಿವೆ – 439 ಚಿಕಿತ್ಸೆಯಲ್ಲಿದೆ ಮತ್ತು 628 ಜನ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. ಆಂತರಿಕ ವರದಿಯನ್ನು ಅನುಸರಿಸಿ, ರಾಜ್ಯದಲ್ಲಿ ಲಾಕ್ಡೌನ್ ವಿಸ್ತರಿಸಲು ಶಿಫಾರಸು ಮಾಡಿದೆ. ವಿಶೇಷವಾಗಿ ಹೈದರಾಬಾದ್ ಸುತ್ತಮುತ್ತಲಿನ ಮೂರು ಜಿಲ್ಲೆಗಳಲ್ಲಿ – ರಂಗ ರೆಡ್ಡಿ, ಮೇಡ್ಚಲ್ ಮತ್ತು ವಿಕರಾಬಾದ್ ಗಳಲ್ಲಿನ ಸ್ಥಿತಿ ನೋಡಿ ಸರ್ಕಾರ ತನ್ನ ನಿರ್ಧಾರವನ್ನು ತೆಗೆದುಕೊಂಡಿತು.
ವೈದ್ಯಕೀಯ ಮತ್ತು ಆರೋಗ್ಯ ಇಲಾಖೆ ಇತ್ತೀಚೆಗೆ ಸಲ್ಲಿಸಿದ ವರದಿಯಲ್ಲಿ ಒಟ್ಟು 1,085 ಸಕಾರಾತ್ಮಕ ಪ್ರಕರಣಗಳ ಪೈಕಿ 717 (ಶೇಕಡಾ 66.08) ಈ ನಾಲ್ಕು ಜಿಲ್ಲೆಗಳಲ್ಲಿಯೇ ಇವೆ.
“ಸತ್ತವರಲ್ಲಿ, ಶೇಕಡಾ 82.21 ಈ ನಾಲ್ಕು ಜಿಲ್ಲೆಗಳಿಗೆ ಸೇರಿದ್ದಾರೆ. ಕಳೆದ 10 ದಿನಗಳಿಂದ, ಈ ಜಿಲ್ಲೆಗಳಿಂದ ಮಾತ್ರ ಹೆಚ್ಚಿನ ಸಂಖ್ಯೆಯ ಪ್ರಕರಣಗಳು ವರದಿಯಾಗಿವೆ. ಆದ್ದರಿಂದ ದಯವಿಟ್ಟು ಈ ನಾಲ್ಕು ಜಿಲ್ಲೆಗಳಲ್ಲಿ ಯಾವುದೇ ವಿಶ್ರಾಂತಿ ನೀಡಬೇಡಿ. ಲಾಕ್ಡೌನ್ ಅನ್ನು ಹಾಗೆಯೇ ಮುಂದುವರಿಸಿ, ಅಗತ್ಯವಿದ್ದರೆ, ಹೆಚ್ಚು ಕಟ್ಟುನಿಟ್ಟಾಗಿ” ಎಂಬ ಶಿಫಾರಸ್ಸು ಮಾಡಲಾಗಿದೆ.
ಇದನ್ನೂ ಓದಿ: ಬಿಲ್ಡರ್‌ ಲಾಬಿಗೆ ಮಣಿದು ರೈಲುಸೇವೆ ರದ್ದುಗೊಳಿಸಿದ ರಾಜ್ಯಸರ್ಕಾರ: ಸಂಕಷ್ಟದಲ್ಲಿ ಕಾರ್ಮಿಕರು
