ಗಾಜಿಯಾಬಾದ್ನಲ್ಲಿ ದಂಡ ವಿಧಿಸಿದ ಟ್ರಾಫಿಕ್ ಪೇದೆಗೆ ಹಿಂದುತ್ವ ಗುಂಪೊಂದರ ನಾಯಕ ಅನುಚಿತವಾಗಿ ವರ್ತಿಸುತ್ತಿರುವ ಆಘಾತಕಾರಿ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ಹಿಂದೂ ರಕ್ಷಾ ದಳದ ರಾಷ್ಟ್ರೀಯ ಅಧ್ಯಕ್ಷ ಪಿಂಕಿ ಚೌಧರಿ ಮತ್ತು ಗಾಜಿಯಾಬಾದ್ ಟ್ರಾಫಿಕ್ ಪೊಲೀಸ್ ಪೇದೆಯ ನಡುವಿನ ವಾಗ್ವಾದದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ವೈರಲ್ ಆಗಿದೆ. ವಿಡಿಯೋದಲ್ಲಿ ಪಿಂಕಿ ಚೌಧರಿ ಮತ್ತು ಕೆಲ ಆತನ ಜೊತೆಗಿದ್ದವರು ಟ್ರಾಫಿಕ್ ಪೊಲೀಸರನ್ನು ಸುತ್ತುವರೆದಿರುವುದು ಕಂಡು ಬಂದಿದೆ. ಪೇದೆಯಿಂದ ಮೊಬೈಲ್ ಕಸಿದುಕೊಳ್ಳಲು ಯತ್ನಿಸುವುದು ಕಂಡು ಬಂದಿದೆ.
ಹಿಂದೂ ರಕ್ಷಾ ದಳದ ಪಿಂಕಿ ಚೌಧರಿ ತನ್ನ ಕಾರಿನ ಮೇಲೆ ‘ಜೈ ಮಾತಾ ದಿ’ ಎಂದು ಬರೆದು ಸ್ಟಿಕ್ಕರ್ ಅಂಟಿಸಿದ್ದ. ಇದು ಸಂಚಾರಿ ನಿಯಮದ ಉಲ್ಲಂಘನೆಯಾಗಿದೆ. ಈ ಹಿನ್ನೆಲೆ ಪೊಲೀಸ್ ಪೇದೆ ಆತನಿಗೆ ದಂಡ ವಿಧಿಸಿದ್ದಾರೆ ಎನ್ನಲಾಗಿದೆ.
ರಾಜನಗರ ವ್ಯಾಪ್ತಿಯಲ್ಲಿನ ಟ್ರಾಫಿಕ್ ಪೊಲೀಸ್ ಕಾನ್ಸ್ಟೇಬಲ್ ಕಾರಿನ ಮೇಲೆ ‘ಜೈ ಮಾತಾ ದಿ’ ಎಂದು ಬರೆದಿದ್ದಕ್ಕಾಗಿ ಕಾರಿಗೆ ದಂಡ ವಿಧಿಸಿದ್ದಾರೆ. ಇದಕ್ಕೆ ವಿರೋಧಿಸಿದ ಪಿಂಕಿ ಚೌಧರಿ, ಟ್ರಾಫಿಕ್ ಪೊಲೀಸ್ ಕಾನ್ಸ್ಟೇಬಲ್ಗೆ ಹಿರಿಯ ಅಧಿಕಾರಿಗಳಿಗೆ ಫೋನ್ ಮಾಡುವಂತೆ, ಯೋಗಿಗೆ ಕರೆ ಮಾಡುವಂತೆ ಹೇಳುವುದು ಸೆರೆಯಾಗಿದೆ. ಧೈರ್ಯವಿದ್ದರೆ ಸಿಎಂಗೆ ಕರೆ ಮಾಡು ಎಂದು ಕಾನ್ಸ್ಟೆಬಲ್ಗೆ ಹೇಳಿದ್ದಾರೆ. ಟ್ರಾಫಿಕ್ ಪೊಲೀಸ್ ಪೇದೆ ತಾಳ್ಮೆಯಿಂದ ನಿಂತು ಪಿಂಕಿ ಚೌಧರಿ ಮತ್ತು ಆತನ ಜೊತೆಗಿದ್ದವರ ಕೃತ್ಯವನ್ನು ರೆಕಾರ್ಡ್ ಮಾಡಿದ್ದಾರೆ.
#Ghaziabad– हिंदू रक्षा दल के राष्ट्रीय अध्यक्ष पिंकी चौधरी और गाजियाबाद ट्रैफिक पुलिस कर्मी के बीच हुई जमकर बहस,जय माता दी लिखे होने पर काटा चालान,वीडियो हो रही है जमकर वायरल@Uppolice @uptrafficpolice @ghaziabadpolice @Gzbtrafficpol @HinduRakshak @VHPDigital @HinduRakshaDal pic.twitter.com/Jl3zSrPuHv
— विभोर अग्रवाल🇮🇳 (@IVibhorAggarwal) October 2, 2023
ಇದನ್ನು ಓದಿ: ಆಹಾರದ ಪೊಟ್ಟಣ ಕಳ್ಳತನದ ಶಂಕೆಯಲ್ಲಿ ಬುಡಕಟ್ಟು ಬಾಲಕನಿಗೆ ಥಳಿಸಿ ಹತ್ಯೆ