ತಮಿಳುನಾಡಿನ ಆಡಳಿತಾರೂಢ ಡಿಎಂಕೆ ಮತ್ತು ಬಿಜೆಪಿ ನೇತೃತ್ವದ ಕೇಂದ್ರದ ನಡುವಿನ ‘ಹಿಂದಿ ಹೇರಿಕೆ’; ಕ್ಷೇತ್ರ ಪುನರ್ ವಿಂಡಗಡನೆ (ಡಿಲಿಮಿಟೇಷನ್) ಯುದ್ಧಕ್ಕೆ ನಟ-ರಾಜಕಾರಣಿ ಕಮಲ್ ಹಾಸನ್ ತಮ್ಮ ಬೆಂಬಲ ಮುಂದದುವರಿಸಿದ್ದಾರೆ. “ಹಿಂದಿಯೇತರ ರಾಜ್ಯಗಳಿಗೆ ಭಾಷೆ ಸ್ವೀಕರಿಸುವಂತೆ ಒತ್ತಾಯಿಸುವ ಮೂಲಕ ಬಿಜೆಪಿ ನೇತೃತ್ವದ ಕೇಂದ್ರವು ಭಾರತವನ್ನು ‘ಹಿಂದಿಯನ್ನಾಗಿ’ ಪರಿವರ್ತಿಸಲು ಪ್ರಯತ್ನಿಸುತ್ತಿದೆ” ಎಂದು ಆರೋಪಿಸಿದರು.
“ಕೇಂದ್ರವು ಎಲ್ಲ ರಾಜ್ಯಗಳನ್ನು ಹಿಂದಿ ಮಾತನಾಡುವಂತೆ ಮಾಡಲು, ಬಹುಮತದೊಂದಿಗೆ ಚುನಾವಣೆಗಳನ್ನು ಗೆಲ್ಲಲು ಪ್ರಯತ್ನಿಸುತ್ತಿದೆ. ನಮ್ಮ ಕನಸು ‘ಭಾರತ’… ಅವರದು ‘ಹಿಂದಿಯಾ” ಎಂದು ಅವರು ಇಂದು ಬೆಳಿಗ್ಗೆ ನಡೆದ ತಮಿಳು ಪಕ್ಷಗಳ ಸಭೆಯಲ್ಲಿ ಹೇಳಿದರು. ನಂತರ ‘ಹಿಂದಿ ಹೇರಿಕೆ’ ಮತ್ತು ಗಡಿನಿರ್ಣಯದ ಕುರಿತು ನಿರ್ಣಯವನ್ನು ಪ್ರಧಾನಿ ನರೇಂದ್ರ ಮೋದಿಗೆ ಕಳುಹಿಸಲಾಯಿತು.
ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರ ‘ಹಿಂದಿ ದಿವಸ್’ ಕುರಿತು ಸಾಮಾಜಿಕ ಮಾಧ್ಯಮ ಪೋಸ್ಟ್ ನಂತರ 2019 ರಲ್ಲಿ ಸ್ಟಾಲಿನ್ ಹೇಳಿದ್ದಕ್ಕೆ ‘ಹಿಂದಿಯಾ’ ಉಲ್ಲೇಖವು ಒಂದು ಶ್ಲಾಘನೆಯಾಗಿತ್ತು. ಹಿಂದಿ “ಜಾಗತಿಕವಾಗಿ (ಭಾರತದ) ಗುರುತನ್ನು ಗುರುತಿಸುವ ಒಂದು ಭಾಷೆ” ಎಂದು ಅಮಿತ್ ಷಾ ಹೇಳಿದ ನಂತರ, ಡಿಎಂಕೆ ಮುಖ್ಯಸ್ಥ “ಇದು ಭಾರತ, ಹಿಂದಿಯಾ ಅಲ್ಲ” ಎಂದು ತಿರುಗೇಟು ಕೊಟ್ಟಿದ್ದರು.
ದಕ್ಷಿಣ ರಾಜ್ಯಗಳ ಮೇಲೆ ಹಿಂದಿಯನ್ನು ‘ಹೇರಲಾಗುತ್ತಿದೆ’ ಎಂಬ ಕಳವಳಗಳ ಬಗ್ಗೆ ಕಮಲ ಹಾಸನ್ ಮತ್ತು ಅನೇಕ ತಮಿಳು ರಾಜಕಾರಣಿಗಳು ಧ್ವನಿ ಎತ್ತಿದ್ದಾರೆ. 1960 ರ ದಶಕದಲ್ಲಿ (ಆಗ ವಿಧಾನಸಭಾ ಚುನಾವಣೆಗೆ ಮೊದಲು) ಘರ್ಷಣೆಗೆ ಕಾರಣವಾದ ದೀರ್ಘಕಾಲೀನ ವಿವಾದವು ಕಳೆದ ತಿಂಗಳು ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ ಅವರ ಬೆದರಿಕೆಯ ನಂತರ ಮತ್ತೆ ಭುಗಿಲೆದ್ದಿತು. ಕೇಂದ್ರವು ತನ್ನ ತ್ರಿಭಾಷಾ ನೀತಿಯನ್ನು ಜಾರಿಗೆ ತರದಿದ್ದರೆ ಹಣವನ್ನು ತಡೆಹಿಡಿಯುತ್ತದೆ ಎಂದು ಹೇಳಿದ್ದರು.
