ಸೂರತ್ ನಿಂದ ತುಮಕೂರಿಗೆ ಬಂದಿದ್ದ ವ್ಯಕ್ತಿಯೊಬ್ಬರು ಕೊರೊನ ರೋಗದಿಂದ ಗುಣಮುಖರಾಗಿರುವ ಹಿನ್ನೆಲೆಯಲ್ಲಿ ಜಿಲ್ಲಾಸ್ಪತ್ರೆಯಿಂದ ಇಂದು ಡಿಸ್ ಚಾರ್ಜ್ ಮಾಡಲಾಯಿತು. ಈ ವ್ಯಕ್ತಿಗೆ ನೆಗೆಟೀವ್ ವರದಿ ಬಂದಿತ್ತು. ಆದರೂ ರಾತ್ರೋರಾತ್ರಿ ಪಿ-447 ಶಂಕಿತ ಸೋಂಕಿತನನ್ನು ಜಿಲ್ಲಾಸ್ಪತ್ರೆಯಲ್ಲಿ ಇಟ್ಟಿದ್ದರು. 14 ದಿನಗಳ ಬಳಿಕ ಗುಣಮುಖನಾಗಿ ಹೊರಬಂದಿದ್ದಾರೆ.
ಪಿ.447 ಸೋಂಕಿತ ವ್ಯಕ್ತಿಯನ್ನು ಎರಡು ಅಂಬುಲೆನ್ಸ್ ವಾಹನಗಳಲ್ಲಿ ಕರೆದೊಯ್ದಿದ್ದಲ್ಲದೆ ಇಡೀ ಪಿ.ಎಚ್. ಕಾಲೋನಿಯನ್ನು ಸೀಲ್ ಡೌನ್ ಮಾಡಲಾಗಿತ್ತು. ಪೂರ್ ಹೌಸ್ ಕಾಲೋನಿಯನ್ನು ಸಂಪರ್ಕಿಸುವ ಪ್ರಮುಖ ಮಾರ್ಗಗಳನ್ನು ಶೀಟುಗಳು ಮತ್ತು ಬ್ಯಾರಿಕೇಡ್ ಗಳಿಂದ ಮುಚ್ಚಲಾಗಿತ್ತು. ಇದು ದೊಡ್ಡ ಸುದ್ದಿಯಾಗಿತ್ತಲ್ಲದೆ ಜನರಲ್ಲಿ ಆತಂಕವನ್ನು ಸೃಷ್ಟಿ ಮಾಡಿತ್ತು.
ಗುಜರಾತ್ ನ ಸೂರತ್ ನಿಂದ ಈ ವ್ಯಕ್ತಿ ತುಮಕೂರಿಗೆ ಬಂದಾಗಿನಿಂದಲೂ ಬೇರೆ ಯಾರ ಸಂಪರ್ಕವನ್ನು ಮಾಡಿರಲಿಲ್ಲ. ಆದರೆ ಏಪ್ರಿಲ್ 23ರಂದು ರಾತ್ರಿ ಉಸಿರಾಟದ ತೊಂದರೆ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿತ್ತು. ಇದಕ್ಕೂ ಮೊದಲು ಈ ವ್ಯಕ್ತಿಯಿಂದ ತೆಗೆದುಕೊಂಡ ರಕ್ತ ಮತ್ತು ಕಫಾ ಮಾಧರಿಯನ್ನು ಬೆಂಗಳೂರಿಗೆ ಕಳಿಸಿದ್ದಾಗಲೂ ಎರಡು ಬಾರಿ ನೆಗೆಟೀವ್ ವರದಿ ಬಂದಿತ್ತು.
ಈ ಕೊರೊನಾ ಶಂಕಿತ ವ್ಯಕ್ತಿಯನ್ನು ಜಿಲ್ಲಾಸ್ಪತ್ರೆಯಲ್ಲಿ 14 ದಿನಗಳ ಕಾಲ ಐಸೋಲೇಷನ್ ನಲ್ಲಿ ಇಡಲಾಗಿತ್ತು ಇಂದು ಅವರು ಗುಣಮುಖನಾಗಿರುವ ಹಿನ್ನೆಲೆಯಲ್ಲಿ ವ್ಯಕ್ತಿಗೆ ಹೂವಿನ ಹಾರ ಹಾಕಿ ಬರಮಾಡಿಕೊಳ್ಳಲಾಯಿತು. ಈ ಸಂದರ್ಭದಲ್ಲಿ ಆರೋಗ್ಯಾಧಿಕಾರಿಗಳು ಉಪಸ್ಥಿತರಿದ್ದರು.
ಇದನ್ನೂ ಓದಿ: 900 ಕಾರ್ಮಿಕರನ್ನು ಒಂದೇ ಗೋಡೌನ್ನಲ್ಲಿಟ್ಟು ನೋಂದಣಿ: ತುಮಕೂರಿನಲ್ಲಿ ಅಘಾತಕಾರಿ ಘಟನೆ
ವೀಡಿಯೋ ನೋಡಿ: ಸದ್ದು…ಈ ಸುದ್ದಿಗಳೇನಾದವು (ಸಂಚಿಕೆ 5 )