ಮಾರ್ಗ ಮಧ್ಯೆಯೆ ಪತಿ ಸಾವು: ಶವದೊಂದಿಗೆ ಪತ್ನಿಯನ್ನು ಬಸ್ ನಿಂದ ಇಳಿಸಿದ ನಿರ್ವಾಹಕ. ಉತ್ತರ ಪ್ರದೇಶದಲ್ಲೊಂದು ಅಮಾನವೀಯ ಘಟನೆ

ಬಹಾರೈಚ್ ನಿಂದ ಲಕ್ನೊಗೆ ಬಸ್ ನಲ್ಲಿ ನೆಂಟರ ಮನೆಗೆ ದಂಪತಿಗಳಿಬ್ಬರೂ ತೆರಳಿದ್ದು ಮಾರ್ಗ ಮಧ್ಯೆದಲ್ಲಿಯೇ ಹೃದಯಘಾತದಿಂದ ಪತಿ ನಿಧರಾಗಿದ್ದಾರೆ. ಆ ಸಂದರ್ಭದಲ್ಲಿ ಏನು ಮಾಡಬೇಕೆಂದು ತೋಚದ ಪತ್ನಿಯನ್ನು ಶವದೊಂದಿಗೆ ಬಲವಂತವಾಗಿ ಬಸ್ ನಿಂದ ಇಳಿಸಿದ ಅಮಾನವೀಯ ಘಟನೆ ಉತ್ತರ ಪ್ರದೇಶದ ಬಾರಬಂಕಿಯಲ್ಲಿ ನಡೆದಿದೆ.

ತನ್ನ ಪತ್ನಿಯ ದಿಢೀರ್ ನಿಧನದಿಂದ ಕಂಗಾಲದ ಪತ್ನಿಯನ್ನು ಬಸ್ ನಿರ್ವಾಹಕನು ಬಲವಂತವಾಗಿ ಕೆಳಗಿಳಿಸಿದ್ದಲ್ಲದೇ ಅವಳಲ್ಲಿದ್ದ ಬಸ್ ಟಕೆಟ್ ಅನ್ನು ಸಹ ಹರಿದು ಹಾಕಿ ಸಾಕ್ಷ್ಯ ನಾಶ ಮಾಡಿದ್ದಾನೆ.

ಆ ಪತ್ನಿಯು ಶವವನ್ನು ರಸ್ತೆಬದಿಯಲ್ಲಿ ಇಟ್ಟುಕೊಂಡು ರೋಧಿಸುತ್ತಿರುವ ಫೋಟೊ ಮನಕಲಕುವಂತಿದ್ದು ಅಲ್ಲಿನ ಸ್ಥಳೀಯರು ಬಸ್ ನಂಬರ್ (ಯುಪಿ: 40 ಟಿ-5510) ಅನ್ನು ನೋಟ್ ಮಾಡಿಕೊಂಡು ಅಲ್ಲಿನ ಸಾರಿಗೆ ಸಂಸ್ಥೆಗೆ ದೂರು ನೀಡಿದ್ದಾರೆ.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಸಾರಿಗೆ ಮುಖ್ಯಸ್ಥ ಮನೋಜ್ ಕುಮಾರ್ ಈ ಘಟನೆ ಈಗಷ್ಟೆ ನನ್ನ ಗಮನಕ್ಕೆ ಬಂದಿದೆ. ಸಂಪೂರ್ಣ ತನಿಖೆ ನಡೆಸಿ ತಪ್ಪಿತಸ್ಥರಿಗೆ ಶಿಕ್ಷೆಯಾಗುವಂತೆ ಮಾಡುತ್ತೇನೆ ಎಂದಿದ್ದಾರೆ.