ಇಂದು ಮುಂಜಾನೆ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪದ ಕ್ಯಾಂಪ್ಬೆಲ್ ಕೊಲ್ಲಿಯಲ್ಲಿ ಭೂಕಂಪನವಾಗಿದೆ. ರಿಕ್ಟರ್ ಮಾಪಕದಲ್ಲಿ 6.1 ತೀವ್ರತೆಯ ಭೂಕಂಪ ದಾಖಲಾಗಿದೆ ಎಂದು ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ (ಎನ್ಸಿಎಸ್) ತಿಳಿಸಿದೆ.
ಭೂಕಂಪವು ಭೂಮಿಯಿಂದ 75 ಕಿ.ಮೀ. ಆಳದಲ್ಲಿ ಆಗಿದ್ದು, ಮುಂಜಾನೆ 2:30ರ ಸಮಯದಲ್ಲಿ ಕಂಪನ ಸಂಭವಿಸಿದೆ.
ಭೂಕಂಪನದ ತೀವ್ರತೆ: 6.1, ಸಂಭವಿಸಿದ ದಿನ ಹಾಗೂ ಸಮಯ: 24-09-2022, 02:23:00 (ಭಾರತೀಯ ಕಾಲಮಾನ), ಲ್ಯಾಟ್: 3.71, ಉದ್ದ: 95.96, ಆಳ: 75 ಕಿಮೀ, ಸ್ಥಳ: 431 ಕಿಮೀ ಎಸ್ಎಸ್ಇ ಆಫ್ ಕ್ಯಾಂಪ್ಬೆಲ್ ಬೇ, ಅಂಡಮಾನ್ ದ್ವೀಪ.
An earthquake of magnitude 6.1 occurred today at around 2.30 am 431km SSE of Campbell Bay, Andaman and Nicobar island, India. The depth of the earthquake was 75 km below the ground: National Center for Seismology pic.twitter.com/FdKWNg2DBm
— ANI (@ANI) September 23, 2022
ಚಿಲಿಯಲ್ಲಿ ಭೂಕಂಪನ
ಇದೇ ರೀತಿಯಲ್ಲಿ 6.1 ತೀವ್ರತೆಯ ಭೂಕಂಪವು ಶನಿವಾರ ಚಿಲಿಯಲ್ಲಿ ಘಟಿಸಿದೆ. ಭೂಕಂಪನವು ಭೂಮಿಯಿಂದ 10 ಕಿ.ಮೀ ಆಳದಲ್ಲಿದೆ. ಮುಂಜಾನೆ 04:23ಕ್ಕೆ ಕಂಪನ ಸಂಭವಿಸಿದೆ ಎಂದು ವರದಿಯಾಗಿದೆ.
ಭೂಕಂಪನದ ತೀವ್ರತೆ: 6.1, ದಿನ ಹಾಗೂ ಸಮಯ: 24-09-2022, 04:23:27 (ಭಾರತೀಯ ಕಾಲಮಾನ), ಲ್ಯಾಟ್: -41.34, ಉದ್ದ: -75.61, ಆಳ: 10 ಕಿಮೀ , ಸ್ಥಳ: 979ಕಿಮೀ ಎಸ್ಎಸ್ಡಬ್ಲ್ಯೂ ಆಫ್ ಸ್ಯಾಂಟಿಯಾಗೊ, ಚಿಲಿ.
ಮೆಕ್ಸಿಕೋ: ಇಬ್ಬರು ನಿಧನ
6.8 ತೀವ್ರತೆಯ ಭೂಕಂಪವು ಮೆಕ್ಸಿಕೋದಲ್ಲಿ ಗುರುವಾರ ವರದಿಯಾಗಿದೆ. ಕನಿಷ್ಠ ಇಬ್ಬರು ಕೊನೆಯುಸಿರೆಳೆದಿದ್ದು, ಕಟ್ಟಡಗಳಿಗೆ ಹಾನಿಯುಂಟಾಗಿದೆ, ಭೂಕುಸಿತ ಸಂಭವಿಸಿದೆ.
ಗುರುವಾರ ಮಧ್ಯರಾತ್ರಿ 1 ಗಂಟೆಯಲ್ಲಿ ಭೂಕಂಪ ಸಂಭವಿಸಿದೆ. ಮೆಕ್ಸಿಕೋ ಸಿಟಿ ಮೇಯರ್ ಕ್ಲೌಡಿಯಾ ಶೀನ್ಬಾಮ್ ಟ್ವಿಟ್ಟರ್ನಲ್ಲಿ ಮಾಹಿತಿ ನೀಡಿದ್ದು, ಇಬ್ಬರು ಸಾವನ್ನಪ್ಪಿದ್ದಾರೆ ಎಂದಿದ್ದಾರೆ. ತನ್ನ ಮನೆಯ ಮೆಟ್ಟಿಲುಗಳಿಂದ ಕೆಳಗೆ ಬಿದ್ದ ಮಹಿಳೆ ಹಾಗೂ ಹೃದಯಾಘಾತಕ್ಕೊಳಗಾದ ವ್ಯಕ್ತಿ ಸಾವನ್ನಪ್ಪಿದ್ದಾರೆ. ಭೂಕಂಪನದ ಅನುಭವವಾದ ತಕ್ಷಣ ಇಲ್ಲಿನ ನಿವಾಸಿಗಳು ಮನೆಯಿಂದ ಹೊರಬಂದು ಬೀದಿಯಲ್ಲಿ ನಿಂತಿದ್ದರು.
