ತರಕಾರಿ ಎಣ್ಣೆ ಮತ್ತು ಪಾನೀಯಗಳಂತಹ ದುಬಾರಿ ತಯಾರಿಕಾ ಆಹಾರ ಪದಾರ್ಥಗಳಿಂದಾಗಿ ಭಾರತದಲ್ಲಿ ಸಗಟು ಬೆಲೆ ಹಣದುಬ್ಬರವು ಫೆಬ್ರವರಿಯಲ್ಲಿ ಶೇ. 2.38 ಕ್ಕೆ ಸ್ವಲ್ಪ ಏರಿಕೆಯಾಗಿದೆ ಎಂದು ಸೋಮವಾರ ಬಿಡುಗಡೆಯಾದ ಸರ್ಕಾರಿ ದತ್ತಾಂಶಗಳು ತೋರಿಸಿವೆ. ಸಗಟು ಬೆಲೆ ಸೂಚ್ಯಂಕ (ಡಬ್ಲ್ಯೂಪಿಐ) ಆಧಾರಿತ ಹಣದುಬ್ಬರವು ಜನವರಿಯಲ್ಲಿ ಶೇ. 2.31 ರಷ್ಟಿತ್ತು.
ಫೆಬ್ರವರಿ 2024 ರಲ್ಲಿ ಇದು ಶೇ. 0.2 ರಷ್ಟಿತ್ತು. ಫೆಬ್ರವರಿ ತಿಂಗಳಿನ ಡಬ್ಲ್ಯೂಪಿಐನಲ್ಲಿ ತಿಂಗಳಿನಿಂದ ತಿಂಗಳಿಗೆ ಬದಲಾವಣೆಯು ಜನವರಿ 2025 ಕ್ಕೆ ಹೋಲಿಸಿದರೆ ಶೇ. 0.06 ರಷ್ಟಿತ್ತು.
ಫೆಬ್ರವರಿ 2025 ರಲ್ಲಿ ಹಣದುಬ್ಬರದ ಸಕಾರಾತ್ಮಕ ದರವು, ಮುಖ್ಯವಾಗಿ ಆಹಾರ ಉತ್ಪನ್ನಗಳು, ಆಹಾರ ವಸ್ತುಗಳು, ಇತರ ಉತ್ಪಾದನೆ, ಆಹಾರೇತರ ವಸ್ತುಗಳು ಮತ್ತು ಜವಳಿ ತಯಾರಿಕೆ ಇತ್ಯಾದಿಗಳ ಬೆಲೆಗಳಲ್ಲಿನ ಹೆಚ್ಚಳದಿಂದಾಗಿ ಈ ಬೆಳವಣಿಗೆ ಎಂದು ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ ತಿಳಿಸಿದೆ.
ದತ್ತಾಂಶದ ಪ್ರಕಾರ, ಈ ತಿಂಗಳಲ್ಲಿ ಉತ್ಪಾದಿತ ಆಹಾರ ಉತ್ಪನ್ನಗಳ ಹಣದುಬ್ಬರವು ಶೇ.11.06 ಕ್ಕೆ ಏರಿತು. ಸಸ್ಯಜನ್ಯ ಎಣ್ಣೆ ಶೇ.33.59 ರಷ್ಟು ಏರಿಕೆಯಾಗಿದೆ. ಆದರೆ, ಪಾನೀಯಗಳು ಶೇ.1.66 ಕ್ಕೆ ಅಲ್ಪ ಪ್ರಮಾಣದಲ್ಲಿ ಏರಿಕೆಯಾಗಿವೆ.
ಆದರೂ, ಆಲೂಗಡ್ಡೆ ಬೆಲೆ ಶೇ.74.28 ರಿಂದ ಶೇ.27.54 ಕ್ಕೆ ಇಳಿದಿದ್ದರಿಂದ ತರಕಾರಿಗಳ ಬೆಲೆಯಲ್ಲಿ ಇಳಿಕೆಯಾಗಿದೆ. ಇಂಧನ ಮತ್ತು ವಿದ್ಯುತ್ ವಿಭಾಗವು ಫೆಬ್ರವರಿಯಲ್ಲಿ ಶೇ.0.71 ರಷ್ಟು ಹಣದುಬ್ಬರವಿಳಿತವನ್ನು ಕಂಡಿದೆ, ಹಿಂದಿನ ತಿಂಗಳಲ್ಲಿ ಶೇ.2.78 ರಷ್ಟು ಹಣದುಬ್ಬರವಿಳಿತವಾಗಿತ್ತು.
ಈ ಮಧ್ಯೆ, ಗ್ರಾಹಕ ಬೆಲೆ ಸೂಚ್ಯಂಕವನ್ನು ಆಧರಿಸಿದ ಭಾರತದ ಚಿಲ್ಲರೆ ಹಣದುಬ್ಬರವು ಫೆಬ್ರವರಿ 2025 ರಲ್ಲಿ ಏಳು ತಿಂಗಳ ಕನಿಷ್ಠ ಮಟ್ಟವಾದ ಶೇ.3.61 ರಷ್ಟು ಕಡಿಮೆಯಾಗಿದೆ. ಮುಖ್ಯವಾಗಿ ಕಳೆದ ವಾರ ಬಿಡುಗಡೆಯಾದ ಅಧಿಕೃತ ಅಂಕಿಅಂಶಗಳ ಪ್ರಕಾರ, ತರಕಾರಿಗಳು ಮತ್ತು ಪ್ರೋಟೀನ್-ಭರಿತ ವಸ್ತುಗಳ ಬೆಲೆ ಏರಿಕೆಯ ಕಡಿಮೆ ದರದಿಂದಾಗಿ ಹಣದುಬ್ಬರದಲ್ಲಿ ಏರುಪೇರಾಗಿದೆ.
ಮತದಾರರ ಗುರುತಿನ ಚೀಟಿ ವಿಚಾರದ ಬಗ್ಗೆ ಚರ್ಚೆಗೆ ಮೋದಿ ಸರ್ಕಾರ ಸಿದ್ದವೆ?: ಟಿಎಂಸಿ ಸಂಸದ ಡೆರೆಕ್ ಒ’ಬ್ರೇನ್ ಪ್ರಶ್ನೆ
