Homeಮುಖಪುಟಹ್ಯಾಕರ್ಸ್‍ಗಳ ಕಾಟ : ನಟಿಯರ ಗೋಳಾಟ

ಹ್ಯಾಕರ್ಸ್‍ಗಳ ಕಾಟ : ನಟಿಯರ ಗೋಳಾಟ

- Advertisement -
- Advertisement -

ಟೆಕ್ನಾಲಜಿ ಬೆಳೆದಂತೆಲ್ಲಾ, ಅದರ ಉಪಯೋಗ ಎಷ್ಟಿದೆಯೋ ಅಷ್ಟೇ ದುರುಪಯೋಗಗಳೂ ಆಗುತ್ತಿವೆ. ಇದರಲ್ಲಿ ಹ್ಯಾಕರ್ಸ್‍ಗಳ ಹುಚ್ಚಾಟ ಹೆಚ್ಚಾಗಿದೆ. ಯಾವುದೇ ರಾಜ್ಯದಲ್ಲೋ, ದೇಶದಲ್ಲೂ ಕುಳಿತು ಗುರುತು ಪರಿಚಯವೇ ಇಲ್ಲದವರ ಮಾಹಿತಿಗಳನ್ನು ಹ್ಯಾಕ್ ಮಾಡುವುದು ಸಾಮಾನ್ಯವೆಂಬಂತೆ ದಿನಂಪ್ರತಿ ಸುದ್ದಿಯಾಗುತ್ತಲೇ ಇವೆ. ಇತ್ತೀಚೆಗೆ ಭಾರತದ ಸಂಸತ್ತಿನಲ್ಲಿರುವ ಕೊರೊನಾ ಮಾಹಿತಿಯನ್ನೇ ಹ್ಯಾಕಿಂಗ್ ಪರಿಣಿತನೊಬ್ಬ ಹ್ಯಾಕ್ ಮಾಡಿದ್ದ. ಅದರಲ್ಲೂ ಸೆಲೆಬ್ರೆಟಿಗಳ ಸಾಮಾಜಿಕ ಜಾಲತಾಣಗಳ ಅಕೌಂಟ್‍ಗಳನ್ನು ಹ್ಯಾಕ್ ಮಾಡಿ ಕಾಟ ಕೊಡುವುದು ಹ್ಯಾಕರ್ಸ್‍ಗಳಿಗೆ ತಮಾಷೆಯ ಮಜಾ ಕೊಡಲಾರಂಭಿಸಿದೆ. ಸ್ಟಾರ್ ನಟ-ನಟಿಯರ ಖಾತೆಗಳನ್ನು ಹ್ಯಾಕ್ ಮಾಡಿ ಮತ್ತೊಬ್ಬರಿಗೆ ಮೆಸೇಜ್ ಕಳಿಸುವುದು, ಯಾವಾವುದೋ ಲಿಂಕ್ ಅಪ್‍ಲೊಡ್ ಮಾಡುವುದು ಎಲ್ಲವೂ ನಡೆಯುತ್ತಲೇ ಇವೆ.

ಮೊನ್ನೆಯಷ್ಟೇ ಕನ್ನಡದ ಇಬ್ಬರು ನಟಿಯರ ಇನ್‍ಸ್ಟಾಗ್ರಾಂ ಖಾತೆಯನ್ನು ಹ್ಯಾಕರ್ಸ್‍ಗಳು ಹ್ಯಾಕ್ ಮಾಡಿದ್ದಾರೆ. ಟಗರು ಪುಟ್ಟಿ ಎಂಥಲೇ ಕರೆಸಿಕೊಳ್ಳುವ ಮನ್ವಿತಾ ಅವರ ಇನ್‍ಸ್ಟಾಗ್ರಾಂ ಖಾತೆಯನ್ನು ಹ್ಯಾಕ್ ಮಾಡಿದ್ದ ಹ್ಯಾಕಿಂಗ್ ಸರದಾರರು ಅವರ ಖಾತೆಯಿಂದ ಬೇರೆ ಸ್ಟಾರ್ ಕಲಾವಿದರಿಗೆ ಮೆಸೇಜ್ ಕಳಿಸಿದ್ದಾರೆ. ಅಲ್ಲದೆ, ಅಕೌಂಟ್‍ನಲ್ಲಿ ಅವರ ಹೆಸರನ್ನೇ ಬೇರೆಂದು ಭಾಷೆಗೆ ಬದಲಿಸಿದ್ದಾರೆ. ಇದರಿಂದಾಗಿ ಈ ಖಾತೆ ನನ್ನದೇನಾ ಎಂದು ಗಾಭರಿಯಾಗಿದ್ದ ಮನ್ವಿತಾ ಅಂತೂ ಕಷ್ಟಪಟ್ಟು ತಮ್ಮ ಖಾತೆಯನ್ನು ಸರಿಪಡಿಸಿಕೊಂಡಿದ್ದಾರೆ. ಯಾವಾವುದೋ ಲಿಂಕ್‍ಗಳನ್ನೆಲ್ಲಾ ಅಪ್ ಲೋಡ್ ಮಾಡಲಾಗಿದ್ದು, ಯಾರೂ ನನ್ನ ಅಕೌಂಟ್‍ನಿಂದ ಬಂದಿರುವ ಲಿಂಕ್‍ಗಳನ್ನು ಓಪನ್ ಮಾಡಬೇಡಿ ಎಂದೂ ಹೇಳಿದ್ದಾರೆ.

ಇನ್ನು ಆಶಿಕಾ ರಂಗನಾಥ್ ಅವರದ್ದು ಇಂಥದ್ದೇ ಕತೆ, ಅನಗತ್ಯ ಲಿಂಕ್‍ಗಳು, ಚಾಟ್‍ಗಳು ಎಲ್ಲವನ್ನೂ ಅವರ ಖಾತೆಯಲ್ಲಿ ಮಾಡಲಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಎಕ್ಸ್‍ಪರ್ಟ್ ಆಗಿರುವವರನ್ನು ಹುಡುಕಿ ತಮ್ಮ ಖಾತೆಯನ್ನು ಸರಿಪಡಿಸಿಕೊಂಡಿದ್ದಾರೆ. ಅಲ್ಲದೆ, ತಮ್ಮ ಖಾತೆಯಲ್ಲಿ ಕಾಪಿ ರೈಟ್ ಉಲ್ಲಂಘನೆಯಾಗಿದೆ ಎಂದೂ ಹೇಳಿದ್ದಾರೆ.


ಇದನ್ನು ಓದಿ: ಮೋಸದ ಪ್ರೇಮಕ್ಕೆ ಬಲಿಯಾದ ಕನ್ನಡ ಕಿರುತೆರೆ ಮತ್ತು ಸ್ಯಾಂಡಲ್‍ವುಡ್ ನಟಿ ಚಂದನ

ಸತ್ಯದ ಪಥಕ್ಕೆ ಬಲ ತುಂಬಲು ದೇಣಿಗೆ ನೀಡಿ. ನಿಮ್ಮಗಳ ಬೆಂಬಲವೇ ನಮಗೆ ಬಲ. ಈ ಕೆಳಗಿನ ಲಿಂಕ್ ಮೂಲಕ ದೇಣಿಗೆ ನೀಡಿ

LEAVE A REPLY

Please enter your comment!
Please enter your name here

- Advertisment -

Must Read

ಮತದಾರರ ಹೆಸರು ಕೈಬಿಟ್ಟ ಹಗರಣ; ಬಿಜೆಪಿ ಪಕ್ಷದ ಕೈವಾಡದ ಆರೋಪ

0
ಭಾರತದ ಪ್ರಜಾಪ್ರಭುತ್ವದಲ್ಲಿ ಗ್ರಾಮ ಪಂಚಾಯ್ತಿಯಿಂದ ಹಿಡಿದು ಸಂಸತ್‌ವರೆಗೆ ಹಲವು ಹಂತಗಳ ಚುನಾವಣೆಗಳಲ್ಲಿ ಮತ ಚಲಾಯಿಸುವ ಮೂಲಕ ಜನಪ್ರತಿನಿಧಿಗಳನ್ನು ಮತದಾರರು ಆರಿಸುವುದಲ್ಲದೆ, ಆಳುವ ಸರ್ಕಾರಗಳನ್ನು ನಿರ್ಧರಿಸುತ್ತಾರೆ. ಈ ಚುನಾವಣಾ ವ್ಯವಸ್ಥೆಯು ಮುಕ್ತ ಮತ್ತು ನ್ಯಾಯಸಮ್ಮತವಾಗಿರಬೇಕಾದದ್ದು...