ಚೀನಾ ತನ್ನ ವಾಯುನೆಲೆಯನ್ನು ಲಡಾಕ್ ಬಳಿ ವಿಸ್ತರಿಸಿದೆ ಎಂದು ಎನ್ಡಿಟಿವಿ ವರದಿ ಮಾಡಿದೆ. ಈ ಬಗ್ಗೆ ವಿಶೇಷ ಚಿತ್ರಗಳನ್ನು ಪ್ರಕಟಿಸಿದ್ದು ಅದರಲ್ಲಿ ವಾಯುನೆಲೆಯ ವಿಸ್ತರಣೆಯನ್ನು ಸ್ಪಷ್ಟವಾಗಿ ಕಾಣಬಹುದಾಗಿದೆ.
ವಾಯುನೆಲೆಯೂ ಲಡಾಖ್ನ ಪಂಗ್ಯಾಂಗ್ ಸರೋವರದಿಂದ 200 ಕಿಲೋಮೀಟರ್ ದೂರದ ಟಿಬೆಟ್ನ ನಗರಿ ಕುನ್ಶಾ ವಿಮಾನ ನಿಲ್ದಾಣದಲ್ಲಿದೆ. ಇತ್ತೀಚಿನ ದಿನಗಳಲ್ಲಿ ಲಡಾಖ್ನಲ್ಲಿ ಭಾರತೀಯ ಮತ್ತು ಚೀನಾ ಸೈನ್ಯದ ನಡುವೆ ಉದ್ವಿಗ್ನತೆಯ ಪರಿಸ್ಥಿತಿ ಉಂಟಾಗಿದೆ.
6 ಏಪ್ರಿಲ್ 2020 ರ ಉಪಗ್ರಹ ಚಿತ್ರದಲ್ಲಿ ಏರ್ಪೋರ್ಟ್ ಹಾಗೂ ರನ್ವೇಯನ್ನು ಕಾಣಬಹುದು. ಆದರೆ 21 ಮೇ 2020 ರ ಚಿತ್ರಗಳಲ್ಲಿ ಸಾಕಷ್ಟು ಬದಲಾವಣೆಗಳಾಗಿದ್ದು, ದೊಡ್ಡ ಪ್ರಮಾಣದಲ್ಲಿ ವಾಯುನೆಲೆಯ ಚಟುವಟಿಕೆಗಳು ನಡೆದಿರುವುದು ಹೊಸ ಚಿತ್ರದಲ್ಲಿ ಕಂಡುಬರುತ್ತವೆ.
ಹೊಸ ಚಿತ್ರದಲ್ಲಿ ಹೊಸ ಟ್ರ್ಯಾಕ್ ಸಹ ಕಂಡುಬರುತ್ತಿದ್ದು, ಅದು ಸಮಾನಾಂತರ ಟ್ಯಾಕ್ಸಿ ಟ್ರ್ಯಾಕ್ ಆಗಿರಬಹುದು ಅಥವಾ ಈ ಸ್ಥಳವನ್ನು ಹೆಲಿಕಾಪ್ಟರ್ಗಳಿಗಾಗಿ ಈ ಎತ್ತರದ ಸ್ಥಳದಲ್ಲಿ ನಿರ್ಮಿಸಲಾಗಿದೆ ಎನ್ನಲಾಗಿದೆ.
ಅಷ್ಟೇ ಅಲ್ಲದೆ ಈ ಚಿತ್ರದಲ್ಲಿರುವ ವಾಯುನೆಲೆಯಲ್ಲಿ 4 ಯುದ್ಧ ವಿಮಾನಗಳು ನಿಂತಿರುವುದು ಕೂಡಾ ಗೋಚರಿಸುತ್ತಿದೆ. ಇವುಗಳು ಜೆ -11 ಅಥವಾ ಜೆ -16 ಆಗಿರಬಹುದು ಎನ್ನಲಾಗಿದ್ದು, ಅದು ರಷ್ಯಾದ ಸುಖೋಯ್ -27 ಅಥವಾ ಸುಖೋಯ್ -30 ರ ರೂಪಾಂತರಗಳಾಗಿವೆ.
ಇವು ಚೀನಾದ ಮುಖ್ಯ ಯುದ್ಧ ವಿಮಾನಗಳಾಗಿದ್ದು ಭಾರತದ ಗಡಿಯಿಂದ ಕೇವಲ 200 ಕಿ.ಮೀ ದೂರದಲ್ಲಿ ಅವುಗಳ ನಿಯೋಜನೆಯು ನಿಜವಾಗಿಯೂ ಕಳವಳಕಾರಿ ಸಂಗತಿಯಾಗಿದೆ. ಅಷ್ಟೇ ಅಲ್ಲದೆ ಚಿತ್ರಗಳನ್ನು ಮೊದಲ ಬಾರಿಗೆ ಆನ್ಲೈನ್ನಲ್ಲಿ ಬಿಡುಗಡೆ ಮಾಡಲಾಗಿದೆ.
ಪೂರ್ವ ಲಡಾಕ್ನ ವಾಸ್ತವಿಕ ನಿಯಂತ್ರಣ ರೇಖೆಯ ಉದ್ದಕ್ಕೂ, ಭಾರತೀಯ ಮತ್ತು ಚೀನಾ ಸೈನಿಕರ ನಡುವೆ ಉದ್ವಿಗ್ನತೆ ಉಂಟಾಗಿದ್ದು, ಇದು 2017 ರ ಡೋಕ್ಲಾಮ್ ಬಿಕ್ಕಟ್ಟಿನ ನಂತರದ ಅತಿದೊಡ್ಡ ಮಿಲಿಟರಿ ಉಲ್ಬಣಕ್ಕೆ ಕಾರಣವಾಗಬಹುದು ಎನ್ನಲಾಗಿದೆ.
ಪ್ಯಾಂಗೊಂಗ್ ತ್ಸೋ ಮತ್ತು ಗಾಲ್ವಾನ್ ಕಣಿವೆಯಲ್ಲಿ ಭಾರತವು ತನ್ನ ಸ್ಥಾನವನ್ನು ಬಲಪಡಿಸಿದೆ ಎಂದು ಸೈನ್ಯದ ಉನ್ನತ ಮೂಲಗಳು ಹೇಳುತ್ತವೆ. ಈ ಎರಡು ವಿವಾದಿತ ಪ್ರದೇಶಗಳಲ್ಲಿ, ಚೀನಾ ಸೈನ್ಯವು ತನ್ನ 2500 ಸೈನಿಕರನ್ನು ನಿಯೋಜಿಸಿದ್ದು, ತಾತ್ಕಾಲಿಕ ನಿರ್ಮಾಣವನ್ನು ಬಲಪಡಿಸುತ್ತಿದೆ.
ಸೇನೆಯ ಉತ್ತರ ಕಮಾಂಡ್ನ ಮಾಜಿ ಕಮಾಂಡರ್ ಲೆಫ್ಟಿನೆಂಟ್ ಜನರಲ್ ಡಿ.ಎಸ್. ಹೂಡಾ (ನಿವೃತ್ತ), “ಇದು ಸಾಮಾನ್ಯ ಉಲ್ಲಂಘನೆಯಲ್ಲ, ಗಂಭೀರ ವಿಷಯ” ಎಂದು ಹೇಳಿದ್ದಾರೆ. ” ಗಾಲ್ವಾನ್ ಪ್ರದೇಶದಲ್ಲಿ ಎರಡು ಕಡೆಯವರ ನಡುವೆ ಯಾವುದೇ ವಿವಾದಗಳಿಲ್ಲ ಎಂದು ಲೆಫ್ಟಿನೆಂಟ್ ಜನರಲ್ ಹೂಡಾ ನಿರ್ದಿಷ್ಟವಾಗಿ ಒತ್ತಿ ಹೇಳಿದ್ದಾರೆ.
ಓದಿ: ಡೋಕ್ಲಾಮ್ ಮಾದರಿಯ ಬಿಕ್ಕಟ್ಟು; ಲಡಾಖ್ನಲ್ಲಿ ಭಾರತ-ಚೀನಾ ಸೈನಿಕರ ಮುಖಾಮುಖಿ
ವಿವಾದಗಳನ್ನು ಮಾತುಕತೆ ಮೂಲಕ ಬಗೆಹರಿಸಿಕೊಳ್ಳಬೇಕು. ಯುದ್ಧ ವಿನಾಶಕಾರಿ.