ತಮಿಳುನಾಡಿನ ವಿಲ್ಲುಪುರಂನ ಟಿಂಡಿವನಂ ಪುರಸಭೆ ಆಯುಕ್ತರ ಕಚೇರಿಯಲ್ಲಿ ಕ್ಷಮೆ ಕೋರುವ ನೆಪದಲ್ಲಿ ‘ಎಂಬಿಸಿ’ ಸಮುದಾಯಕ್ಕೆ ಸೇರಿದ ಡಿಎಂಕೆ ಕೌನ್ಸಿಲರ್ ಆರ್. ರಮ್ಯಾ ಅವರ ಕಾಲಿಗೆ ಬಿದ್ದಿರುವ ದಲಿತ ಕಂದಾಯ ಸಹಾಯಕ ಎಸ್ ಮುನಿಯಪ್ಪನ್ (30) ಅವರ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ವಿಡಿಯೊ ವೈರಲ್ ಆದ ನಂತರ ವಿವಾದ ಭುಗಿಲೆದ್ದಿದೆ.
ಟಿಂಡಿವನಂ ಪೊಲೀಸರು ರಮ್ಯಾ, ಅವರ ಪತಿ ಮರೂರ್ ರಾಜ, ರವಿಚಂದ್ರನ್ (ಪುರಸಭೆ ಅಧ್ಯಕ್ಷರ ಪತಿ), ಕಾಮರಾಜ್ ಮತ್ತು ಬಿರ್ಲಾ ಸೆಲ್ವಂ ಸೇರಿದಂತೆ ಐದು ಜನರ ವಿರುದ್ಧ ಎಸ್‌ಸಿ/ಎಸ್‌ಟಿ (ದೌರ್ಜನ್ಯ ತಡೆ) ಕಾಯ್ದೆಯಡಿ ಪ್ರಕರಣ ದಾಖಲಿಸಿದ್ದಾರೆ.
ಟಿಂಡಿವನಂನ ಉಪ ಪೊಲೀಸ್ ವರಿಷ್ಠಾಧಿಕಾರಿಗೆ ಮುನಿಯಪ್ಪನ್ ನೀಡಿದ ದೂರಿನಲ್ಲಿ, “ಆಗಸ್ಟ್ 29 ರಂದು, ಪುರಸಭೆ ಆಯುಕ್ತರು ಕೇಳಿದ ಫೈಲ್ ಅನ್ನು ನಾನು ಹುಡುಕುತ್ತಿದ್ದಾಗ, ವಾರ್ಡ್ 20ರ ಕೌನ್ಸಿಲರ್ ರಮ್ಯಾ ಕೋಣೆಗೆ ಪ್ರವೇಶಿಸಿ ಫೈಲ್ ಸಿಗದಿದ್ದಕ್ಕೆ ನನ್ನೊಂದಿಗೆ ಕೆಟ್ಟದಾಗಿ ಮಾತನಾಡಿದರು. ನಂತರದ ಇಬ್ಬರ ನಡುವೆ ವಾಗ್ವಾದ ನಡೆದು, ಅವರ ವಿರುದ್ಧ ಮಾತನಾಡಿದ್ದಕ್ಕಾಗಿ ನನಗೆ ಬೆದರಿಕೆ ಹಾಕಿದರು” ಎಂದರು.
ನಂತರ, ರಮ್ಯಾ ಅವರು ಮುನಿಯಪ್ಪನ್ ಅವರ ‘ದುರ್ವರ್ತನೆ’ಯ ಬಗ್ಗೆ ಆಯುಕ್ತರಿಗೆ ದೂರು ನೀಡಿದರು. ಆಯುಕ್ತರು ಅವರ ವಿರುದ್ಧ ಕ್ರಮ ಕೈಗೊಳ್ಳಲು ಲಿಖಿತ ದೂರು ಕೇಳಿದ್ದರು. ಆದರೂ, ಅದೇ ದಿನ ಸಂಜೆ 4 ಗಂಟೆಯ ಹೊತ್ತಿಗೆ, ರಮ್ಯಾ ಮತ್ತು ಅವರ ಪತಿ ಮರೂರ್ ರಾಜ, ರವಿಚಂದ್ರನ್ ಮತ್ತು ಇತರರು ಸಮಸ್ಯೆಯನ್ನು ಇತ್ಯರ್ಥಪಡಿಸಲು ಮುನಿಯಪ್ಪನ್ ಅವರನ್ನು ಆಯುಕ್ತರ ಕೊಠಡಿಗೆ ಕರೆಸಿದ್ದರು ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಸಭೆಯಲ್ಲಿ, ರವಿಚಂದ್ರನ್ ಮತ್ತು ರಮ್ಯಾ ಅವರು ಮುನಿಯಪ್ಪನ್ ಅವರನ್ನು ಸೇವೆಯಿಂದ ತೆಗೆದುಹಾಕುವಂತೆ ಬೆದರಿಕೆ ಹಾಕಿದರು, ರಮ್ಯಾ ಅವರ ಕ್ಷಮೆಯಾಚಿಸುವಂತೆ ಒತ್ತಾಯಿಸಿದರು.
“ರವಿಚಂದ್ರನ್ ಅವರ ಒತ್ತಡದಿಂದಾಗಿ ನಾನು ಮಂಡಿಯೂರಿ ಕ್ಷಮೆಯಾಚಿಸಬೇಕಾಯಿತು. ಆದ್ದರಿಂದ, ನಾನು ರಮ್ಯಾ ಅವರ ಕಾಲಿಗೆ ಬಿದ್ದು ಕ್ಷಮೆಯಾಚಿಸುವಂತೆ ಒತ್ತಾಯಿಸಿದೆ” ಎಂದು ಮುನಿಯಪ್ಪನ್ ತಿಳಿಸಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಮಂಗಳವಾರ ಪಕ್ಷಾತೀತವಾಗಿ (ಡಿಎಂಕೆ, ಎಐಎಡಿಎಂಕೆ ಮತ್ತು ವಿಸಿಕೆ) ಆಕ್ರೋಶಗೊಂಡ ಕೌನ್ಸಿಲರ್‌ಗಳ ಗುಂಪು ನಗರಸಭೆ ಅಧಿಕಾರಿಗಳು ಮತ್ತು ತಿಂಡಿವನಂ ಡಿಎಸ್‌ಪಿ ಕೆ ಪ್ರಕಾಶ್ ಅವರಿಗೆ ಜಂಟಿಯಾಗಿ ಮನವಿ ಸಲ್ಲಿಸಿದರು. ಬಳಿಕ ಈ ಘಟನೆ ಮುನ್ನಲೆಗೆ ಬಂದಿದೆ. ಕೌನ್ಸಿಲರ್ ರಮ್ಯಾ ಮತ್ತು ರವಿಚಂದ್ರನ್ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಲಾಯಿತು.
“ಅಧ್ಯಕ್ಷೆಯ ಪತಿ ರವಿಚಂದ್ರನ್ ಹೇಗೆ ತಾನೂ ಒಬ್ಬ ಸದಸ್ಯನಂತೆ ವರ್ತಿಸಬಹುದು? ಇದಲ್ಲದೆ, ರಾಜಾ ಅವರ ಪತ್ನಿ ರಮ್ಯಾ ಅವರು ಕಾರ್ಮಿಕರೊಂದಿಗೆ ಗಲಾಟೆ ಮಾಡುವ ಇತಿಹಾಸವನ್ನು ಹೊಂದಿದ್ದಾರೆ. ಆದರೆ ದಂಪತಿಗಳ ರಾಜಕೀಯ ಸಂಪರ್ಕಗಳಿಂದಾಗಿ ಅವರನ್ನು ಎಂದಿಗೂ ಹೊಣೆಗಾರರನ್ನಾಗಿ ಮಾಡಲಾಗಿಲ್ಲ” ಎಂದು ವಿಸಿಕೆ ವಾರ್ಡ್ ಸದಸ್ಯೆ ವಿ.ರಾಜಲಕ್ಷ್ಮಿ ಹೇಳಿದರು.
ಯುಪಿ| ದಲಿತ ಬಾಲಕಿ ಅಪಹರಿಸಿ ಅತ್ಯಾಚಾರ-ಕೊಲೆ; 50 ವರ್ಷದ ವ್ಯಕ್ತಿಗೆ ಮರಣದಂಡನೆ
