ಹಿಜಾಬ್‌‌ ಪ್ರಕರಣವನ್ನು ವಿಸ್ತೃತ ಪೀಠಕ್ಕೆ ವರ್ಗಾಯಿಸಿದ ರಾಜ್ಯ ಹೈಕೋರ್ಟ್‌

ಹಿಜಾಬ್‌‌ ಧರಿಸಿ ಕಾಲೇಜಿಗೆ ಪ್ರವೇಶ ನಿರಾಕರಿಸಿರುವುದನ್ನು ಪ್ರಶ್ನಿಸಿ, ಹಿಜಾಬ್ ಧರಿಸಿ ಕಾಲೇಜಿಗೆ ಪ್ರವೇಶ ನೀಡುವಂತೆ ಕೋರಿ ಸಲ್ಲಿಸಿದ್ದ ಅರ್ಜಿಯ ಎರಡನೇ ದಿನದ ವಿಚಾರಣೆ ಹೈಕೋರ್ಟ್‌ನಲ್ಲಿ ಬುಧವಾರ ನಡೆಸಿದೆ. ಪ್ರಕರಣವನ್ನು ಆಲಿಸಿದ ನ್ಯಾಯಮೂರ್ತಿ ಕೃಷ್ಣ ದೀಕ್ಷಿತ್ ಅವರ ಏಕ ಪೀಠವು, ಪ್ರಕರಣವನ್ನು ವಿಸ್ತೃತ ಪೀಠಕ್ಕೆ ವರ್ಗಾಯಿಸಿದೆ.

ವಿದ್ಯಾರ್ಥಿನಿಯರು ಮಧ್ಯಂತರ ಆದೇಶವನ್ನು ವಿಸ್ತೃತ ಪೀಠದಲ್ಲಿ ಪಡೆಯಬಹುದು ಎಂದು ನ್ಯಾಯಮೂರ್ತಿ ದೀಕ್ಷಿತ್‌ ಆದೇಶ ನೀಡಿದ್ದಾರೆ.

ಅಪ್‌ಡೇ‌‌ಪ್‌‌: 04:30 PM

• ಸಂಜಯ್ ಹೆಗ್ಡೆ: ಹದಿಹರೆಯದ ಹುಡುಗಿಗೆ ತನ್ನ ಶಿಕ್ಷಣದ ಸಲುವಾಗಿ ತನ್ನ ಆತ್ಮಸಾಕ್ಷಿಯೊಂದಿಗೆ ನೆಲೆಗೊಳ್ಳಲು ಬಲವಂತ ಮಾಡಬಾರದು. ಅವರ ಗುರುಗಳ ಮೂಲಕ ಅವರು ಭೋದನೆ ಪಡೆಯುವಂತಾಗಲಿ. ಸಮವಸ್ತ್ರ ಧರಿಸದಿದ್ದಕ್ಕೆ ನಿಯಮದಲ್ಲಿ ದಂಡವನ್ನು ಕೂಡ ವಿಧಿಸಿಲ್ಲ. ಮಕ್ಕಳು ಸಮವಸ್ತ್ರ ಧರಿಸಿದ್ದಾರೆ. ಕಾಲೇಜು ಅಭಿವೃದ್ದಿ ಸಮಿತಿಯು ನನ್ನನ್ನು ಕಾಲೇಜಿನಿಂದ ಹೊರಗಿಡುವಂತಿಲ್ಲ. ಇದು ಸಮವಸ್ತ್ರದ ಪ್ರಶ್ನೆಯಲ್ಲ. ಈ ವಿದ್ಯಾರ್ಥಿಗಳು ಸಮವಸ್ತ್ರ ಧರಿಸಿದ್ದಾರೆ.
• ಈ ಮಧ್ಯೆ ಅನೇಕ ವಕೀಲರು ತಮ್ಮ ದೂರುಗಳನ್ನು ಸಲ್ಲಿಸಿ ಮಧ್ಯಪ್ರವೇಶಿಸಲು ಪ್ರಯತ್ನಿಸಿದರು. ಇದಕ್ಕಾಗಿ ದೂರುಗಳನ್ನು ಪುನರಾವರ್ತಿಸದಂತೆ ವಿನಂತಿಸಿದ ನ್ಯಾಯಮೂರ್ತಿ ದೀಕ್ಷಿತ್, “ಇದು ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಅಲ್ಲ” ಎಂದು ತಿಳಿಸಿದರು.
• ಈ ಗದ್ದಲವನ್ನು ಮಾಧ್ಯಮಗಳು ವರದಿ ಮಾಡದಂತೆ ವಕೀಲರೊಬ್ಬರು ನ್ಯಾಯಾಲಯದಲ್ಲಿ ವಿನಂತಿಸಿದ್ದಾರೆ.
• ನ್ಯಾಯಮೂರ್ತಿ ದೀಕ್ಷಿತ್ ಅವರು ಆದೇಶವನ್ನು ನಿರ್ದೇಶಿಸಲು ಪ್ರಾರಂಭಿಸಿ, “ಈ ಎಲ್ಲಾ ವಿಷಯಗಳು ವೈಯಕ್ತಿಕ ಕಾನೂನಿನ ಕೆಲವು ಅಂಶಗಳ ಬೆಳಕಿನಲ್ಲಿ ಮೂಲಭೂತ ಪ್ರಾಮುಖ್ಯತೆಯ ಕೆಲವು ಸಾಂವಿಧಾನಿಕ ಪ್ರಶ್ನೆಗಳನ್ನು ಹುಟ್ಟುಹಾಕುತ್ತವೆ” ಎಂದು ಹೇಳುತ್ತಾರೆ.
• ನ್ಯಾಯಮೂರ್ತಿ ಕೃಷ್ಣ ದೀಕ್ಷಿತ್ ಅವರ ಏಕ ಪೀಠವು ಹಿಜಾಬ್ ಪ್ರಕರಣವನ್ನು ವಿಸ್ತೃತ ಪೀಠಕ್ಕೆ ವರ್ಗಾಯಿಸುತ್ತದೆ.
• ಮಧ್ಯಂತರ ಆದೇಶದ ಸಮಸ್ಯೆಯನ್ನು ಸಹ ವಿಸ್ತೃತ ಪೀಠವೇ ಪರಿಗಣಿಸುತ್ತದೆ ಎಂದು ನ್ಯಾಯಮೂರ್ತಿ ದೀಕ್ಷಿತ್ ಆದೇಶದಲ್ಲಿ ಹೇಳಿದ್ದಾರೆ.
• “ಚರ್ಚೆಯಲ್ಲಿರುವ ಮಹತ್ವದ ಪ್ರಶ್ನೆಗಳ ಅಗಾಧತೆಗೆ ಸಂಬಂಧಿಸಿದಂತೆ, ಪ್ರಕರಣದ ವಿಷಯದಲ್ಲಿ ವಿಸ್ತೃತ ಪೀಠವನ್ನು ರಚಿಸಬಹುದೇ ಎಂದು ನಿರ್ಧರಿಸಲು ಮುಖ್ಯನ್ಯಾಯಮೂರ್ತಿಗಳಿಗೆ ಪತ್ರವನ್ನು ಕಳುಹಿಸಲು ನ್ಯಾಯಾಲಯವು ಪರಿಗಣಿಸಿದೆ” ಎಂದು ನ್ಯಾಯಮೂರ್ತಿ ದೀಕ್ಷಿತ್‌ ಆದೇಶ ಮಾಡುದ್ದಾರೆ.
• “ಮಧ್ಯಂತರ ಆದೇಶದ ಮನವಿಗಳನ್ನು ಸಹ ಮುಖ್ಯನ್ಯಾಯಮೂರ್ತಿಯವರ ವಿವೇಚನೆಯಿಂದ ರಚಿಸಬಹುದಾದ ವಿಸ್ತೃತ ಪೀಠದಲ್ಲಿ ಪರಿಗಣನೆಗೆ ತೆಗೆದುಕೊಳ್ಳುತ್ತದೆ” ಎಂದು ನ್ಯಾಯಮೂರ್ತಿ ದೀಕ್ಷಿತ್ ಆದೇಶದಲ್ಲಿ ಟಿಪ್ಪಣಿ ಮಾಡಿದ್ದಾರೆ.
• “ಅರ್ಜಿಗಳಲ್ಲಿ ಮನವಿ ಮಾಡಲಾದ ತುರ್ತುಸ್ಥಿತಿಯನ್ನು ಪರಿಗಣಿಸಿ, ತಕ್ಷಣದ ಪರಿಗಣನೆಗೆ ಮುಖ್ಯ ನ್ಯಾಯಾಧೀಶರ ಮುಂದೆ ಪತ್ರಗಳನ್ನು ಇರಿಸಲು ರಿಜಿಸ್ಟ್ರಾರ್‌ಗೆ ಸೂಚಿಸಲಾಗಿದೆ” ನ್ಯಾಯಮೂರ್ತಿ ದೀಕ್ಷಿತ್ ಆದೇಶದಲ್ಲಿ ಟಿಪ್ಪಣಿ ಮಾಡುತ್ತಾರೆ.
• ನ್ಯಾಯಮೂರ್ತಿ ದೀಕ್ಷಿತ್ – ವಿಸ್ತೃತ ಪೀಠಕ್ಕೆ ಸಂಬಂಧಿಸಿದಂತೆ ಮುಖ್ಯನ್ಯಾಯಮೂರ್ತಿ ನಿರ್ಧಾರ ತೆಗೆದುಕೊಂಡ ನಂತರ ಮಧ್ಯಂತರ ಆದೇಶವನ್ನು ಪಡೆಯಲು ಅರ್ಜಿದಾರರು ಮುಕ್ತವಾಗಿದ್ದಾರೆ.
• ಕಾಮತ್: ತಾಳ್ಮೆಯಿಂದ ನಮ್ಮನ್ನು ಆಲಿಸಿದ ನ್ಯಾಯಮೂರ್ತಿಗಳಿಗೆ ನಾವು ಧನ್ಯವಾದ ಹೇಳುತ್ತಿದ್ದೇವೆ.
• ಸಂಜಯ್‌ ಹೆಗ್ಡೆ: ಇದರಲ್ಲಿ ನಾನು ಸೇರಿಕೊಳ್ಳುತ್ತೇನೆ.
• ನ್ಯಾಯಮೂರ್ತಿ ದೀಕ್ಷಿತ್: ನ್ಯಾಯಾಲಯದಲ್ಲಿ ತೋರಿದ ಸೌಹಾರ್ದತೆಯನ್ನು ಈ ನ್ಯಾಯಾಲಯವು ಮೆಚ್ಚುತ್ತಿದೆ.
• ವಕೀಲ ತಾಹಿರ್: ನ್ಯಾಯಮೂರ್ತಿಗಳು ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರಿಗೆ ಮನವಿ ಮಾಡಿದಂತೆ, ರಾಜಕಾರಣಿಗಳಿಗೂ ಕೆಲವು ಮಾತುಗಳನ್ನು ಹೇಳಬೇಕು.
• ಜಸ್ಟಿಸ್ ದೀಕ್ಷಿತ್ (ಎಲ್ಲಾ ವಕೀಲರನ್ನು ಉಲ್ಲೇಖಿಸಿ): ತುಂಬಾ ಧನ್ಯವಾದಗಳು.
• ವಿಚಾರಣೆ ಮುಕ್ತಾಯ

ಅಪ್‌ಡೇ‌‌ಪ್‌‌: 03:40 PM

• ಅಡ್ವೋಕೇಟ್‌‌ ಜನರಲ್‌: ಅರ್ಜಿಗಳನ್ನು ತಪ್ಪಾಗಿ ಗ್ರಹಿಸಲಾಗಿದೆ ಎಂದು ನಾನು ಹೇಳಲು ಬಯಸುತ್ತೇನೆ. ಅವರು ಸರ್ಕಾರದ ಆದೇಶವನ್ನು ಪ್ರಶ್ನಿಸಿದ್ದಾರೆ. ಪ್ರತಿಯೊಂದು ಸಂಸ್ಥೆಗೂ ಸ್ವಾಯತ್ತತೆ ನೀಡಲಾಗಿದೆ. ಇದರ ಬಗ್ಗೆ ಸರ್ಕಾರ ನಿರ್ಧಾರ ತೆಗೆದುಕೊಳ್ಳು ಸಾಧ್ಯವಿಲ್ಲ. ಆದ್ದರಿಂದ ಪ್ರೈಮಾ ಫೇಸಿ ಪ್ರಕರನವನ್ನಾಗಿ ಇದನ್ನು ಮಾಡಲು ಸಾಧ್ಯವಿಲ್ಲ.
• ಅಡ್ವೋಕೇಟ್‌‌ ಜನರಲ್‌: ಹಿಜಾಬ್ ಧಾರ್ಮಿಕ ಆಚರಣೆಯ ಅವಿಭಾಜ್ಯ ಅಂಗವಾಗಿಲ್ಲ ಎಂದು ಹೇಳುವ ವಿಸ್ತೃತ ತೀರ್ಪುಗಳಿವೆ. ಈಗ ಪ್ರಶ್ನೆಯೇನೆಂದರೆ ಅವರು ಇದನ್ನು ಧರಿಸದಿದ್ದರೆ, ಧರ್ಮವೂ ಹೋಗುತ್ತದೆ ಎಂಬುವುದಾಗಿದೆ. ಮಕ್ಕಳು ಕಾಲೇಜು ನಿಗದಿಪಡಿಸಿದ ಡ್ರೆಸ್ ಕೋಡ್ ಅನ್ನು ಅನುಸರಿಸಿ ತರಗತಿಗೆ ಹಾಜರಾಗಬೇಕು. ಜಸ್ಟಿಸ್ ಮುಸ್ತಾಕ್ ತೀರ್ಪು ಸರ್ಕಾರದ ವಿರುದ್ಧ ಎಂದು ಕರೆಯಲ್ಪಡುತ್ತದೆ, ದಯವಿಟ್ಟು ಅದನ್ನು ಉಲ್ಲೇಖಿಸಿ. ಅಡ್ವೋಕೇಟ್‌ ತೀರ್ಪನ್ನು ಉಲ್ಲೇಖಿಸುತ್ತಾರೆ.
• ಜಸ್ಟಿಸ್ ಮುಸ್ತಾಕ್‌ ತೀರ್ಪಿನಲ್ಲಿನ ಅವಲೋಕನಗಳನ್ನು ಉಲ್ಲೇಖಿಸಿ ಅಡ್ವೋಕೇಟ್‌ ಜನರಲ್‌, ಈ ಪ್ರಕರಣದಲ್ಲಿ ವಿಭಿನ್ನ ದೃಷ್ಟಿಕೋನಗಳ ಸಾಧ್ಯತೆಗಳಿವೆ. ಇದನ್ನು ನ್ಯಾಯಾಲಯವು ಗುರುತಿಸಬಹುದು. ಶಾಹಿರಾ ಬಾನೋ ತೀರ್ಪಿನಲ್ಲಿ, ಹದೀಸ್ ಅನ್ನು ದ್ವಿತೀಯ ಮೂಲವಾಗಿ ಪರಿಗಣಿಸಬೇಕೆಂದು ಹೇಳಲಾಗಿದೆ.
• ವಿದ್ಯಾರ್ಥಿಗಳು ಹಿಜಾಬ್ ಧರಿಸಿ ಕಾಲೇಜುಗಳಿಗೆ ಹಾಜರಾಗಲು ಮಧ್ಯಂತರ ತೀರ್ಪು ನೀಡುವುದನ್ನು ವಿರೋಧಿಸಿದ ಅಡ್ವೊಕೇಟ್ ಜನರಲ್, “ಈ ಹಂತದಲ್ಲಿ ಮಧ್ಯಂತರ ಆದೇಶವು ಅರ್ಜಿಯನ್ನು ಅನುಮತಿಸುವುದಕ್ಕೆ ಸಮಾನವಾಗಿರುತ್ತದೆ” ಎಂದು ಪ್ರತಿಪಾದಿಸುತ್ತಾರೆ.
• ವಕೀಲ ತಾಹಿರ್: ಈ ಕಾನೂನು ಸಮಸ್ಯೆಯಿಂದಾಗಿ ಮಕ್ಕಳ ಜೀವನ ಅಸ್ತವ್ಯಸ್ತವಾಗುತ್ತಿದೆ.
• ನ್ಯಾಯಮೂರ್ತಿ ದೀಕ್ಷಿತ್: ಶಾಲೆಗಳು ಯಾವಾಗ ಪುನರಾರಂಭಗೊಳ್ಳುತ್ತವೆ
• ಅಡ್ವೊಕೇಟ್ ಜನರಲ್: ಸೋಮವಾರ.
• ಸಂಜಯ್‌ ಹೆಗ್ಡೆ: ನಾವು ಯಾವುದೇ ಸಮವಸ್ತ್ರವನ್ನು ಸೂಚಿಸಿಲ್ಲ/ನಿಷೇಧಿಸಿಲ್ಲ ಎಂದು ಅಡ್ವೊಕೇಟ್ ಜನರಲ್ ಹೇಳುತ್ತಾರೆ. ಕರ್ನಾಟಕ ಶಿಕ್ಷಣ ಕಾಯ್ದೆಯಲ್ಲಿ ಸಮವಸ್ತ್ರದ ಬಗ್ಗೆ ಏನೂ ಇಲ್ಲ. ನಾನು ಎಲ್ಲಾ ಕಡೆ ಹುಡುಕಿದೆ, ನನಗೆ ಏನೂ ಸಿಗಲಿಲ್ಲ. ಅಗತ್ಯ ಧಾರ್ಮಿಕ ಆಚರಣೆಯ ಸಾಂವಿಧಾನಿಕ ಪ್ರಶ್ನೆಗಳನ್ನು ಬದಿಗಿಟ್ಟು ನೋಡಿದರೂ, ಇದರಲ್ಲಿ ಸಂಪೂರ್ಣವಾಗಿ ಆಡಳಿತಾತ್ಮಕ ಕಾನೂನಿನ ಸಮಸ್ಯೆಗಳಿಗೆ.
• ದೇವದತ್ ಕಾಮತ್‌: ರಾಜ್ಯ ಸರ್ಕಾರಕ್ಕೆ ತನ್ನ ನಿಲುವಿನ ಬಗ್ಗೆ ಗೊಂದಲಗಳಿವೆ. ಯಾವುದನ್ನೂ ನಿಷೇಧಿಸಿಲ್ಲ ಎಂದು ಸರ್ಕಾರ ಹೇಳಿದೆ. ಇದು ಕೆಟ್ಟ ಸ್ಥಿತಿಯಾಗಿದೆ. ಸರ್ಕಾರ ಇದನ್ನು ನಿರ್ಧರಿಸಿಲ್ಲ ಎಂದು ಹೇಳುವುದಾದರೆ, ನಾವು ಕೆಲವು ಕಾಲೇಜು ಆಡಳಿತ ಸಮಿತಿಗಳ ಹಂಗಿನಲ್ಲಿದ್ದೇವೆ. ಸರ್ಕಾರ ಆದೇಶವನ್ನು ಪ್ರಶ್ನಿಸಿರುವುದನ್ನು ಬದಿಗಿರಿಸಿ ಎಂಬುದು ನನ್ನ ಮಧ್ಯಂತರ ಪ್ರಾರ್ಥನೆ. ದಯವಿಟ್ಟು ನನ್ನ ಬಟ್ಟೆಯನ್ನು ಧರಿಸಿ ಶಾಲೆಗೆ ಹೋಗಲು ನನಗೆ ಅನುಮತಿ ನೀಡಿ. ಅದನ್ನು ಕೆಲವು ಪ್ರಾಂಶುಪಾಲರ ಅಥವಾ ಶಾಲಾಭಿವೃದ್ದಿ ಸಮಿತಿಯ ಹಂಗಿಗೆ ಬಿಡಬೇಡಿ.
• ಪೊವ್ವಯ್ಯ: ನಾನು ಕಾಲೇಜು ನಡೆಸುವ ಕಾಲೇಜು ಅಭಿವೃದ್ಧಿ ಸಮಿತಿ(ಸಿಡಿಸಿ)ಯನ್ನು ಪ್ರತಿನಿಧಿಸುತ್ತೇನೆ. ಒಂದು ವರ್ಷದಿಂದ ಸಮವಸ್ತ್ರದ ಪ್ರಿಸ್ಕ್ರಿಪ್ಷನ್ ಇತ್ತು. ಈ ಹಿಂದೆ ಯಾರೂ ದೂರು ನೀಡಿರಲಿಲ್ಲ, ಈಗ ದೂರು ನೀಡಲಾಗಿದೆ. ಸಿಡಿಸಿ ಪ್ರತಿ ವರ್ಷ ಸಭೆ ನಡೆಸುತ್ತದೆ ಮತ್ತು ಎಲ್ಲಾ ಪಾಲುದಾರರನ್ನು ಸಂಪರ್ಕಿಸಿ ನಿರ್ಧಾರವನ್ನು ಅಂಗೀಕರಿಸಲಾಗುತ್ತದೆ.
• ಪೂವಯ್ಯ: ಇಂದು ಸರ್ಕಾರವು ಕೆಟ್ಟದಾಗಿ ವರ್ತಿಸುತ್ತಿದೆ ಎಂದು ಹೇಳಲಾಗುತ್ತದೆ, ಸರ್ಕಾರವು ಹದಗೆಟ್ಟಿಲ್ಲ. ಪ್ರಸ್ತುತ ಶೈಕ್ಷಣಿಕ ವರ್ಷದಲ್ಲಿ ಏಕರೂಪ ನೀತಿಯನ್ನು ಸಿಡಿಸಿ ನಿರ್ಧಾರದಂತೆ ಅನುಸರಿಸಲಾಗಿದೆ.
• ಕಾಲೇಜು ಅಭಿವೃದ್ಧಿ ಸಮಿತಿಗೆ (ಸಿಡಿಸಿ) ಮಧ್ಯಂತರ ಆದೇಶ ನೀಡುವುದನ್ನು ಸಾಜನ್ ಪೂವಯ್ಯ ವಿರೋಧಿಸಿ, “ನ್ಯಾಯಾಲಯವು ಯಾವುದೇ ಮಧ್ಯಂತರ ಆದೇಶವನ್ನು ನೀಡಬಾರದು” ಎಂದು ಪೂವಯ್ಯ ಮನವಿ ಮಾಡತ್ತಾರೆ.

ಅಪ್‌ಡೇ‌‌ಪ್‌‌: 03:20 PM

• ದೇವದತ್‌ ಕಾಮತ್: ನಮಗೆ ನ್ಯಾಯಾಲಯದ ಮೇಲೆ ಸಂಪೂರ್ಣ ನಂಬಿಕೆಯಿದೆ. ನ್ಯಾಯಾಲಯದಿಂದ ಬಂದ ಆದೇಶವನ್ನು ಪರಿಗಣಿಸಿ ಮತ್ತು ನ್ಯಾಯಾಂಗ ಸೂಕ್ಷ್ಮತೆಗಳನ್ನು ಪರಿಗಣಿಸುತ್ತೇನೆ. ನ್ಯಾಯವಾದಿಯಾದ ನಾನು ನ್ಯಾಯಾಲಯದ ಮನವಿಯನ್ನು ವಿರೋಧಿಸುವುದಿಲ್ಲ.
• ಅಡ್ವೋಕೇಟ್‌ ಜನರಲ್‌: ನಾವು ಕಾಳಜಿ ವಹಿಸುವುದು ಪ್ರಕರಣದ ಆರಂಭಿಕ ವಿಚಾರಣೆಯ ಬಗ್ಗೆ. ಈ ಪ್ರಕರಣವು ಕಾನೂನು ಮತ್ತು ಸುವ್ಯವಸ್ಥೆಯ ಮೇಲೆ ಪರಿಣಾಮ ಬೀಡುತ್ತದೆ. ಅಂತಿಮವಾಗಿ ಇದರ ಬಗ್ಗೆ ತೀರ್ಮಾನಿಸುವುದು ನ್ಯಾಯಾಲಯದ ಪರಮಾಧಿಕಾರವಾಗಿದೆ.
• ನ್ಯಾಯಮೂರ್ತಿ ದೀಕ್ಷಿತ್: ನಾನು ವಿದ್ಯಾರ್ಥಿಯಾಗಿದ್ದಾಗ ಶಾಲೆಗಳ ಬಣ್ಣ ಒಂದೇ ಆಗಿತ್ತು.
• ಸಂಜಯ್‌ ಹೆಗ್ಡೆ: ನ್ಯಾಯಾಲಯವು ಈ ಪ್ರಕರಣವನ್ನು ವಿಸ್ತೃತ ಪೀಠಕ್ಕೆ ಕಳುಹಿಸುತ್ತಿದ್ದರೆ ಇನ್ನೆರಡು ತಿಂಗಳಿಗೆ ಕೆಲವು ಆದೇಶಗಳನ್ನು ಹೊರಡಿಸಬೇಕಾಗುತ್ತದೆ ಎಂದು ಕೇಳಿಕೊಳ್ಳುತ್ತಾರೆ.
• ದೇವದತ್‌ ಕಾಮತ್: ವಿಷಯವನ್ನು ವಿಸ್ತೃತ ಪೀಠಕ್ಕೆ ಕಳುಹಿಸಲಿ, ಆದರೆ ವಿದ್ಯಾರ್ಥಿಯು ಅವರ ನಂಬಿಕೆಯನ್ನು ಅನುಸರಿಸಿ ಮತ್ತು ಶಾಲೆಗೆ ತೆರಳಲಿ. ವಿದ್ಯಾರ್ಥಿಗಳು ಕಾಲೇಜುಗಳಿಗೆ ಹೋಗುತ್ತಿದ್ದರಿಂದ ಪ್ರಾಥಮಿಕವಾಗಿ ಎಲ್ಲಾ ಪ್ರಶ್ನೆಗಳನ್ನು ಇಟ್ಟುಕೊಂಡು ಮುಂದಿನ ಎರಡು ತಿಂಗಳು ವಿದ್ಯಾರ್ಥಿಗಳು ಓದಲಿ ಎಂದು ನ್ಯಾಯಾಲಯವು ಆದೇಶ ನೀಡಲಿ. ದಯವಿಟ್ಟು ಮಧ್ಯಂತರಕ್ಕಾಗಿ ಕೆಲವು ವ್ಯವಸ್ಥೆಗಳನ್ನು ಮಾಡಿ ಎಂದು ನ್ಯಾಯಾಲಯಕ್ಕೆ ವಿನಂತಿಸುತ್ತಾರೆ.
• ವಕೀಲ ಕಾಳೀಶ್ವರಂ ರಾಜ್: ನ್ಯಾಯಾಲಯವು ವಿಸ್ತೃತ ಪೀಠವನ್ನು ಅನ್ನು ಉಲ್ಲೇಖಿಸುತ್ತಿದೆ. ಅಡ್ವೋಕೇಟ್‌‌ ಜನರಲ್‌ ಕೂಡಾ ವಿದ್ಯಾರ್ಥಿಗಳು ತರಗತಿಯನ್ನು ಪ್ರವೇಶಿಸಲು ಅನುಮತಿಸುವುದನ್ನು ಒಪ್ಪಿಕೊಳ್ಳುತ್ತಾರೆ ಎಂದು ತಿಳಿಯುತ್ತೇನೆ. ಅದೊಂದು ಉತ್ತಮ ನ್ಯಾಯಾಂಗ ಪ್ರತ್ಯುತ್ತರವಾಗಲಿದೆ.

ಅಪ್‌ಡೇ‌‌ಪ್‌‌: 03:10 PM

• ವಕೀಲ ಕಾಳೀಶ್ವರಂ ರಾಜ್ ಮಧ್ಯಪ್ರವೇಶಿಸಿ: ಮದ್ರಾಸ್ ಮತ್ತು ಕೇರಳ ಹೈಕೋರ್ಟ್ ತೀರ್ಪುಗಳನ್ನು ಏಕ ನ್ಯಾಯಾಧೀಶ ಪೀಠಗಳು ನಿರ್ಧರಿಸಿದ್ದವು ಎಂದು ನ್ಯಾಯಾಲಯದ ಗಮನಕ್ಕೆ ತರುತ್ತಾರೆ. “ಈ ಪ್ರಕರಣದಲ್ಲಿ ವಿದ್ಯಾರ್ಥಿಗಳ ಶಿಕ್ಷಣದ ತುರ್ತು ಇದೆ. ನ್ಯಾಯಾಲಯವು ಪ್ರಕರಣವನ್ನು ವಿಚಾರಣೆ ನಡೆಸಿ ಎಂದು ವಿನಂತಿಸುತ್ತೇನೆ ಮತ್ತು ನಾವು ಸಿದ್ಧರಿದ್ದೇವೆ” ಎಂದು ಕಾಳೀಶ್ವರಂ ಹೇಳಿದ್ದಾರೆ.
• ವಕೀಲ ಸಂಜಯ್ ಹೆಗ್ಡೆ: ನನ್ನ ಊರು ಮತ್ತು ನನ್ನ ಕಾಲೇಜಿನಿಂದ ಸಮಸ್ಯೆ ಉದ್ಭವಿಸುವುದರಿಂದ ಅದನ್ನು ಪರಿಹರಿಸಲು ಪ್ರಯತ್ನಿಸಲು ನಾನು ಹೆಚ್ಚು ಉತ್ಸುಕನಾಗಿದ್ದೇನೆ. ಸರ್ಕಾರಕ್ಕೆ ಸಮವಸ್ತ್ರವನ್ನು ಸೂಚಿಸುವ ಅಧಿಕಾರವಿದೆಯೇ ಮತ್ತು ಅದನ್ನು ಸರಿಯಾಗಿ ನಿಗದಿಪಡಿಸಲಾಗಿದೆಯೇ? ಅಂತಹ ಅಧಿಕಾರ ಇದ್ದರೆ, ಅದನ್ನು ಇಲ್ಲಿ ಅಭ್ಯಾಸ ಮಾಡಬುಹುದೆ? ಈ ಬಗ್ಗೆ ಮಂಡಿಸಲು ನಾನು ಸಿದ್ದವಾಗಿದ್ದೇನೆ.
• ಸಂಜಯ ಹೆಗ್ಡೆ: ಶಾಂತಿ ಮತ್ತು ಕಾಲೇಜಿನಲ್ಲಿ ಸಾಂವಿಧಾನಿಕ ಭ್ರಾತೃತ್ವ ಪುನಃಸ್ಥಾಪನೆ ಮಾಡುವುದು ಬಹಳ ಮುಖ್ಯವಾಗಿದೆ. ನಾನು ಮಕ್ಕಳನ್ನು ಶಾಲೆಗೆ ಹಿಂತಿರುಗಲಿ, ವಿವಾದಗಳು ಶಾಂತವಾಗಲಿ ಎಂದು ನಾನು ಹೇಳುತ್ತೇನೆ.
• ನ್ಯಾಯಮೂರ್ತಿ ದೀಕ್ಷಿತ್: ನ್ಯಾಯಾಂಗ ನಡವಳಿಕೆಯ ಮಾದರಿಯನ್ನು ನೋಡಿದರೆ, ವೈಯಕ್ತಿಕ ಕಾನೂನುಗಳು ಅಥವಾ ಸೆಮಿನಲ್ ಕಾನೂನುಗಳನ್ನು ಒಳಗೊಂಡಿರುವ ಪ್ರಕರಣಗಳಲ್ಲಿ ಸಾಮಾನ್ಯವಾಗಿ ಪೀಠಗಳನ್ನು ರಚಿಸಲಾಗಿದೆ ಆದ್ದರಿಂದ ಫಲಿತಾಂಶಗಳು ಹೆಚ್ಚು ಸ್ವೀಕಾರಾರ್ಹವಾಗಿರುತ್ತವೆ. ಪೀಠ ರಚನೆಗೆ ತನ್ನದೇ ಆದ ಸಮಯ ತೆಗೆದುಕೊಳ್ಳುತ್ತದೆ ಎಂಬ ಅನಿಸಿಕೆಗೆ ಒಳಗಾಗಬೇಡಿ. ಈ ಪ್ರಕರಣವನ್ನು ವಿಸ್ತೃತ ಪೀಠದಿಂದ ವಿಚಾರಣೆ ನಡೆಸಬೇಕೆಂದು ನಾನು ಒತ್ತಾಯಿಸುತ್ತೇನೆ.

ಅಪ್‌ಡೇ‌‌ಪ್‌‌: 03:00 PM

• ನ್ಯಾಯಮೂರ್ತಿಗಳ ವಿಸ್ತೃತ ಪೀಠದ ಉಲ್ಲೇಖಕ್ಕೆ ಸಂಬಂಧಿಸಿ ಪ್ರತಿಕ್ರಿಯಿಸಿದ ಹಿರಿಯ ವಕೀಲ ಸಂಜಯ್ ಹೆಗ್ಡೆ, “ಇದು ನ್ಯಾಯಾಲಯದ ತೀರ್ಮಾನವಾಗಿದೆ. ಆದರೆ ಅರ್ಜಿದಾರರಿಗೆ, ಮಕ್ಕಳಿಗೆ, ಅವರಿಗೆ ಕೇವಲ ಎರಡು ತಿಂಗಳುಗಳು ಉಳಿದಿವೆ” (ಪ್ರಸ್ತುತ ಶೈಕ್ಷಣಿಕ ವರ್ಷಕ್ಕೆ ಸಂಬಂಧಿಸಿ).
• ಹೆಗ್ಡೆ: ಅವರನ್ನು ಹೊರಗಿಡಬೇಡಿ, ಯಾವುದೇ ಹೆಣ್ಣುಮಕ್ಕಳು ಶಿಕ್ಷಣದಿಂದ ವಂಚಿತರಾಗದಂತೆ ಇಂದು ನಾವು ಮಾರ್ಗವನ್ನು ಕಂಡುಕೊಳ್ಳಬೇಕಾಗಿದೆ.
• ಮತ್ತೊಬ್ಬ ಅರ್ಜಿದಾರರ ಪರವಾಗಿ ಹಿರಿಯ ವಕೀಲ ಸಾಜನ್ ಪೊವಯ್ಯ: ರಿಟ್‌ ಅರ್ಜಿಯಲ್ಲಿ ಎದ್ದಿರುವ ಪ್ರಶ್ನೆಗಳು ನ್ಯಾಯಾಲಯದ ಸರತಿಯಲ್ಲಿವೆ. ಆದ್ದರಿಂದ ನ್ಯಾಯಾಲಯವು ಈ ಪಾರ್ಟಿಗಳನ್ನು ಆಲಿಸಿದ ನಂತರ ತೀರ್ಪು ನೀಡಬಹುದು. ವಿಸ್ತೃತ ಪೀಠದ ಉಲ್ಲೇಖ ಅಗತ್ಯವಿಲ್ಲ.
• ಸರ್ಕಾರದ ಪರವಾಗಿರುವ ಅಡ್ವೊಕೇಟ್ ಜನರಲ್: ವಿಸ್ತೃತ ಪೀಠದ ನಿರ್ಧಾರ ನ್ಯಾಯಾಲಯದ ಕೈಯಲ್ಲಿದೆ. ಈಗ ನಮಗೆ ಸಂಬಂಧಿಸಿದಂತೆ, ನಾವು ಮಾಡಿದ ಸಂಶೋಧನೆ ಸೀಮಿತವಾಗಿದೆ. ಪ್ರಸ್ತುತ ಹಕ್ಕು ಪ್ರತಿಪಾದನೆ, ಹಿಜಾಬ್ ಧರಿಸುವುದು ಅತ್ಯಗತ್ಯ ಧಾರ್ಮಿಕ ಆಚರಣೆಯೇ ಎಂಬುದು ಉದ್ಭವಿಸುವ ಒಂದು ಪ್ರಶ್ನೆಯಾಗಿದೆ.
• ಅಡ್ವೊಕೇಟ್ ಜನರಲ್: ಈ ವಿಷಯವು ದೊಡ್ಡ ಸಮಸ್ಯೆಯಾಗಿ ಮಾರ್ಪಟ್ಟಿದೆ ಮತ್ತು ಪ್ರತಿಯೊಬ್ಬರೂ ನಿರ್ಧಾರಕ್ಕಾಗಿ ನ್ಯಾಯಾಲಯದತ್ತ ನೋಡುತ್ತಿದ್ದಾರೆ. ಅರ್ಜಿದಾರರು ತಮ್ಮ ವಾದಗಳನ್ನು ಪೂರ್ಣಗೊಳಿಸಿದ್ದಾರೆ. ಈಗ, ರಾಜ್ಯ ಸರ್ಕಾರದ ಪರವಾಗಿ ವಾದ ಮಾಡುವುದು ಮತ್ತು ನಂತರ ನ್ಯಾಯಾಲಯವು ತೀರ್ಪು ನೀಡುವುದು.
• ಅಡ್ವೊಕೇಟ್ ಜನರಲ್: ಆದಷ್ಟು ಬೇಗ ತೀರ್ಪು ನೀಡುವ ಬಗ್ಗೆ ಉತ್ಸುಕರಾಗಿದ್ದೇವೆ. ನ್ಯಾಯಾಲಯದ ಹೊರಗೆ ಹಲವಾರು ಭಾವನೆಗಳು ಇರಬಹುದು. ಆದರೆ ಕಾನೂನಿನ ಬಗ್ಗೆ ಎದ್ದಿರುವ ಪ್ರಶ್ನೆಯನ್ನು ನ್ಯಾಯಾಲಯವು ನಿರ್ಧರಿಸುತ್ತದೆ.
• ನ್ಯಾಯಮೂರ್ತಿ ದೀಕ್ಷಿತ್: ನೀವು ಸಂಬೋಧಿಸುತ್ತಿರುವ ನ್ಯಾಯಾಧೀಶರು ಕೂಡ ವಿಸ್ತೃತ ಪೀಠದ ಭಾಗವಾಗುತ್ತಾರೆ ಎಂದು ಭಾವಿಸೋಣ, ಆಗ ನಿಮಗೆ ಯಾವುದೇ…
• ಅಡ್ವೊಕೇಟ್ ಜನರಲ್: ಇದು ದೊಡ್ಡ ಸಮಸ್ಯೆಯಾಗಿರುವುದರಿಂದ ತೀರ್ಪು ಏನೇ ಇರಲಿ, ನಾವು ಬೇಗನೆ ವಿಲೇವಾರಿ ಮಾಡಲು ಬಯಸುತ್ತೇವೆ.

ಅಪ್‌ಡೇ‌‌ಪ್‌‌: 02:45 PM

• ಮಂಗಳವಾರ ಹಿರಿಯ ವಕೀಲ ದೇವದತ್‌ ಕಾಮತ್‌ ಅವರು ತಮ್ಮ ಅರ್ಜಿದಾರರ ಪರವಾಗಿ ವಾದ ಮಂಡಿಸಿದ್ದಾರೆ. ಇಂದು ಸರ್ಕಾರವನ್ನು ಪ್ರತಿನಿಧಿಸುವ ಅಡ್ವೊಕೇಟ್ ಜನರಲ್ ಪ್ರಭುಲಿಂಗ ನಾವದಗಿ ಪ್ರತಿಕ್ರಿಯೆ ನೀಡುವ ನಿರೀಕ್ಷೆಯಿದೆ.
• ವಿಚಾರಣ ಪ್ರಾರಂಭ.ನ್ಯಾಯಮೂರ್ತಿ ಕೃಷ್ಣ ದೀಕ್ಷಿತ್: ಈ ಪ್ರಕರಣವು ವಿಸ್ತೃತ ಪೀಠದ ಪರಿಗಣನೆಯ ಅಗತ್ಯವಿದೆ ಎಂದು ನಾನು ಭಾವಿಸುತ್ತೇನೆ. ನೆರೆಯ ಹೈಕೋರ್ಟ್‌ ತೀರ್ಪುಗಳ ವಿಚಾರಗಳನ್ನೂ ಪರಿಗಣಿಸಬೇಕಾಗಿದೆ.
• ನ್ಯಾಯಮೂರ್ತಿ ಕೃಷ್ಣ ದೀಕ್ಷಿತ್ ಅವರು ವಿಸ್ತೃತ ಪೀಠದ ಉಲ್ಲೇಖದ ಬಗ್ಗೆ ಕೇಳುತ್ತಾ, “ಇದಕ್ಕೆ ನೀವು ಎಲ್ಲರೂ ಒಪ್ಪಿದರೆ ನಾನು ಇದನ್ನು ಮಾಡುತ್ತೇನೆ. ನಿನ್ನೆ ಸಲ್ಲಿಸಿದ ಉಲ್ಲೇಖಗಳನ್ನು ನಾನು ಪರಿಶೀಲಿಸಿದ್ದೇನೆ.

ಹಿಜಾಬ್‌‌ ಧರಿಸಿ ಕಾಲೇಜಿಗೆ ಪ್ರವೇಶ ನಿರಾಕರಿಸಿರುವುದನ್ನು ಪ್ರಶ್ನಿಸಿ, ಹಿಜಾಬ್ ಧರಿಸಿ ಕಾಲೇಜಿಗೆ ಪ್ರವೇಶ ನೀಡುವಂತೆ ಕೋರಿ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆಯನ್ನು ಹೈಕೋರ್ಟ್ ಮಂಗಳವಾರ ಪ್ರಾರಂಭಿಸಿದ್ದಾರೆ. ಮುಸ್ಲಿಂ ವಿದ್ಯಾರ್ಥಿನಿಯರು ಸಲ್ಲಿಸಿದ ಒಟ್ಟು ನಾಲ್ಕು ಅರ್ಜಿಗಳ ವಿಚಾರಣೆಯನ್ನು ಕೋರ್ಟ್‌ ನಿನ್ನೆ ಪ್ರಾರಂಭಿಸಿತ್ತು.

ಅರ್ಜಿದಾರರ ಪರವಾಗಿ ಹಿರಿಯ ವಕೀಲ ದೇವದತ್‌ ಕಾಮತ್‌ ಹಿಜಾಬ್‌‌ ಪರವಾಗಿ ಹೈಕೋರ್ಟ್‌ನಲ್ಲಿ ವಾದ ಮಂಡಿಸಿದ್ದಾರೆ. ಹಿಜಾಬ್ ಮುಸ್ಲಿಂ ಮಹಿಳೆಯರಿಗೆ ಧಾರ್ಮಿಕ ಆಚರಣೆಯ ಭಾಗವಾಗಿದೆ ಎಂದು ಕುರಾನ್ ಆಧಾರವನ್ನು ಅವರು ನೀಡಿದ್ದಾರೆ. ಜೊತೆಗೆ ಹಿಜಾಬ್ ಪರವಾಗಿ ಈ ಹಿಂದೆ ಬಂದಿರುವ ನ್ಯಾಯಾಲಯದ ತೀರ್ಪುಗಳನ್ನೂ ಆಧಾರವಾಗಿ ನೀಡಿದ್ದಾರೆ.

ಅಲ್ಲದೆ, ರಾಜ್ಯ ಸರ್ಕಾರಕ್ಕೆ ಹಿಜಾಬ್‌‌ ನಿಷೇಧಿಸಿ ಆದೇಶ ನೀಡಲು ಯಾವುದೇ ಅಧಿಕಾರ ಇಲ್ಲ ಎಂದು ಕೂಡಾ ವಾದ ಮಂಡಿಸಿದ್ದಾರೆ.

ಹಿಜಾಬ್‌‌ ಧರಿಸಿದ ಏಕೈಕ ಕಾರಣಕ್ಕಾಗಿ ಶಿಕ್ಷಣ ಸಂಸ್ಥೆಗಳು ಅರ್ಜಿದಾರರು ಮತ್ತು ಇತರ ಮುಸ್ಲಿಂ ವಿದ್ಯಾರ್ಥಿನಿಯರಿಗೆ ಪ್ರವೇಶವನ್ನು ನಿರಾಕರಿಸುವ ಮೂಲಕ ತಾರತಮ್ಯ ಮಾಡುತ್ತಿವೆ ಎಂದು ಅರ್ಜಿದಾರ ವಿದ್ಯಾರ್ಥಿನಿಯರು ತಮ್ಮ ಮನವಿಯಲ್ಲಿ ಹೈಕೋರ್ಟ್‌ಗೆ ತಿಳಿಸಿದ್ದರು.

ಜೂಮ್‌ ವಿಡಿಯೊ ಕಾನ್ಫರೆನ್ಸ್‌ ಮೂಲಕ ವಿಚಾರಣೆಯಲ್ಲಿ ಭಾಗಿಯಾಗಿರುವ ಅಡ್ವೊಕೇಟ್‌ ಜನರಲ್‌ ಪ್ರಭುಲಿಂಗ ನಾವದಗಿ ಸರ್ಕಾರದ ಪರವಾಗಿ ವಾದಿಸುತ್ತಿದ್ದು, ವಿದ್ಯಾರ್ಥಿನಿಯರ ಪರವಾಗಿ ಹಿರಿಯ ವಕೀಲ ದೇವದತ್ತ ಕಾಮತ್‌ ಮತ್ತು ಮೊಹಮ್ಮದ್ ತಾಹೀರ್‌ ವಾದಿಸುತ್ತಿದ್ದಾರೆ.

ಮಂಗಳವಾರದಂದು ಹಲವಾರು ಗಂಟೆಗಳ ಕಾಲ ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯವು,  ಅರ್ಜಿದಾರರ ವಾದಗಳನ್ನು ಆಲಿಸಿ ವಿದ್ಯಾರ್ಥಿ ಸಮುದಾಯ ಮತ್ತು ಸಾರ್ವಜನಿಕರಿಗೆ ಶಾಂತಿ ಮತ್ತು ನೆಮ್ಮದಿಯನ್ನು ಕಾಪಾಡಲು ವಿನಂತಿಸಿದೆ. ಪ್ರಕರಣದ ವಿಚಾರಣೆಯನ್ನು ಇಂದು ಮಧ್ಯಾಹ್ನ 2.30ಕ್ಕೆ ಮುಂದೆಯಲಿದೆ ಎಂದು ಹೈಕೋರ್ಟ್ ಹೇಳಿದೆ.

ನಿನ್ನೆ ಹಿಜಾಬ್ ಕುರಿತು ನ್ಯಾಯಾಲಯದಲ್ಲಿ ನಡೆದ ವಿಚಾರಣೆಯ ಮೊದಲನೇ ಭಾಗದ ಸಂಕ್ಷಿಪ್ತ ವಿವರಕ್ಕೆ ಇಲ್ಲಿ ಕ್ಲಿಕ್ ಮಾಡಿ. ಊಟದ ವಿರಾಮದ ನಂತರ ನಡೆದ ವಿಚಾರಣೆಯ ಸಂಕ್ಷಿಪ್ತ ವಿವರಣೆ ಇಲ್ಲಿದೆ.