ದೇಶವು ಅಮ್ಮಂದಿರ ದಿನ ಆಚರಿಸುತ್ತಿದ್ದಂತೆ, ಗರ್ಭಿಣಿ ಮಹಿಳೆಯೊಬ್ಬರಿಗೆ ಕೊರೊನಾ ಕಾರಣ ನೀಡಿ ಏಳು ಆಸ್ಪತ್ರೆಗಳು ಚಿಕಿತ್ಸೆ ನಿರಾಕರಿಸಿದ ಘಟನೆ ಮುಂಬೈಯಲ್ಲಿ ನಡೆದಿದೆ.
ಕೊರೊನಾ ಸೋಂಕಿರಾಗಿರುವ ಮಹಿಳೆಯೊಬ್ಬರಿಗೆ ಮುಂಬೈಯ ಏಳು ಆಸ್ಪತ್ರೆಗಳು ಚಿಕಿತ್ಸೆ ನಿರಾಕರಿಸಿದ್ದು, ನಂತರ ಆಸ್ಪತ್ರೆಯೊಂದಕ್ಕೆ ದಾಖಲಾದ ಮಹಿಳೆ ಎರಡು ಗಂಡು ಹಾಗೂ ಒಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ.
ಮಹಿಳೆಗೆ ಗರ್ಭಧಾರಣೆಯ ಕೊನೆಯ ಹಂತದಲ್ಲಿ ಕೊರೊನ ಸೋಂಕು ಇರುವುದು ಪರೀಕ್ಷಿಸಲಾಗಿತ್ತು. ಆದಾಗ್ಯೂ, ಅಮ್ಮಂದಿರ ದಿನ ಜನಿಸಿದ ಅವರ ಮೂರೂ ನವಜಾತ ಮಕ್ಕಳಿಗೆ ಕೊರೊನಾ ವೈರಸ್ ಸೋಂಕಿಲ್ಲವೆಂದು ಡೃಡಪಟ್ಟಿದೆ.
ಗರ್ಭಧಾರಣೆಯ ಸಮಯದಲ್ಲಿ ನಿಯಮಿತವಾಗಿ ತಪಾಸಣೆ ನಡೆಸುತ್ತಿದ್ದ ಆಸ್ಪತ್ರೆ ಇದ್ದಕ್ಕಿದ್ದಂತೆ ಅವರಿಗೆ ಚಿಕಿತ್ಸೆ ನೀಡಲು ನಿರಾಕರಿಸಿದವು. ಇದರಿಂದಾಗಿ ಮಹಿಳೆಯೂ ಒಟ್ಟು ಏಳು ಖಾಸಗಿ ಆಸ್ಪತ್ರೆಗನ್ನು ಸಂಪರ್ಕಿಸಿದ್ದರೂ ಆಸ್ಪತ್ರೆಗಳು ಚಿಕಿತ್ಸೆಯನ್ನು ನಿರಾಕರಿಸಿದವು.
ಅಂತಿಮವಾಗಿ, ಮುಂಬೈಯ “ನಾಯರ್ ಆಸ್ಪತ್ರ” ಅವರಿಗೆ ಚಿಕಿತ್ಸೆ ನೀಡಲು ಒಪ್ಪಿಕೊಂಡಿದೆ. ನಾಯರ್ ಆಸ್ಪತ್ರೆಯ ಸ್ತ್ರೀರೋಗ ಶಾಸ್ತ್ರ ವಿಭಾಗದ ಡಾ.ಗಣೇಶ್ ಶಿಂಧೆ ಮಾತನಾಡಿ “ಮಹಿಳೆ ಮತ್ತು ಅವಳ ಕುಟುಂಬ ಪವಾಡದಂತೆ ನಡೆದ ಘಟನೆಗಳಿಗೆ ಖುಷಿಗೊಂಡಿದ್ದಾರೆ ಅಲ್ಲದೆ ಇದು ನಮ್ಮ ಸಿಬ್ಬಂದಿಗಳಿಗೂ ಸಂತೋಷದ ಸಂದರ್ಭವಾಗಿದೆ.” ಎಂದು ಹೇಳಿದ್ದಾರೆ.
ದೇಶದಲ್ಲೆ ಅತೀ ಹೆಚ್ಚು ಕೊರೊನಾ ರೋಗಿಗಳಿರುವ ರಾಜ್ಯಗಳಲ್ಲಿ ಮಹಾರಾಷ್ಟ್ರವೂ ಒಂದಾಗಿದೆ. ಇಲ್ಲಿ ಇದುವರೆಗೂ 20 ಸಾವಿರಕ್ಕಿಂತಲೂ ಹೆಚ್ಚು ಕೊರೊನಾ ಪ್ರಕರಣಗಳು ವರದಿಯಾಗಿದೆ ಹಾಗೂ 750 ಕ್ಕಿಂತಲೂ ಸಾವುಗಳಾಗಿದೆ.
ಇದನ್ನೂ ಓದಿ: ಕೊರೊನಾ ಭಯಕ್ಕೆ ಚಿಕಿತ್ಸೆ ನಿರಾಕರಿಸಿದ ಮುಂಬೈನ ಐದು ಆಸ್ಪತ್ರೆಗಳು: ವ್ಯಕ್ತಿ ಸಾವು
ವಿಡಿಯೊ ನೋಡಿ: ಸದ್ದು… ಈ ಸುದ್ದಿಗಳೇನಾದವು?-6: ‘….ವಾಹಿನಿ’ ಮಾಧ್ಯಮಗಳು ಹೇಳದ ಮಾಹಿತಿಗಳು, ಕೇಳದ ಪ್ರಶ್ನೆಗಳು ಇಲ್ಲಿವೆ.
ನಾಗರೀಕತೆಯ ಸವಲತ್ತುಗಳು ಹೆಚ್ಚಿದಂತೆಲ್ಲ ಮನುಷ್ಯ ಮಾನವೀಯತೆಯನ್ನು ಮರೆಯುತ್ತಿದ್ದಾನೆ. ಇದು ಆಗಬಾರದು.