ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಸೋಮವಾರ ಮಂಗಳ ಗ್ರಹದ ಮೊದಲ ಆಡಿಯೊವನ್ನು ಬಿಡುಗಡೆ ಮಾಡಿದೆ. ಈ ಅತಿ ನಿಧಾನವಾದ ಗಾಳಿಯ ಬೀಸುವಿಕೆಯ ಆಡಿಯೊವನ್ನು ಬಾಹ್ಯಾಕಾಶ ನೌಕೆ ‘ಪರ್ಸೀವರನ್ಸ್’ ದಾಖಲಿಸಿ ಕಳುಹಿಸಿದೆ.
ನಾಸಾ ಇತ್ತೀಚೆಗೆ ಬಾಹ್ಯಕಾಶ ನೌಕೆಯ ಇಳಿಯುವಿಕೆಯ ಮೊದಲ ವೀಡಿಯೊವನ್ನು ಬಿಡುಗಡೆ ಮಾಡಿತ್ತು. ನೌಕೆಯು ಮಂಗಳ ಗ್ರಹದಲ್ಲಿ ಈ ಹಿಂದೆ ಜೀವಿಗಳಿದ್ದವೆ ಎಂದು ಅನ್ವೇಷಿಸುತ್ತದೆ.
ನೌಕೆಯು ಮಂಗಳ ಗ್ರಹದ ಮೇಲೆ ಇಳಿಯುವ ಸಮಯದಲ್ಲಿ ಮೈಕ್ರೋಫೋನ್ ಕಾರ್ಯನಿರ್ವಹಿಸಲಿಲ್ಲ ಎಂದು ನಾಸ ಪತ್ರಿಕಾಗೋಷ್ಟಿಯಲ್ಲಿ ತಿಳಿಸಿತ್ತು. ಆದರೆ ಪ್ರಸ್ತುತ ಬಿಡುಗಡೆಗೊಳಿಸಿರುವ ಆಡಿಯೊ ಮಂಗಳ ಗ್ರಹಕ್ಕೆ ಇಳಿದ ನಂತರ ಸೆರೆಹಿಡಿದ ಧ್ವನಿಯಾಗಿದೆ.
ಇದನ್ನೂ ಓದಿ: ನಾಸಾದಲ್ಲಿರುವ ಭಾರತೀಯರ ಸಂಖ್ಯೆ ಶೇ.58 ಅಲ್ಲ! ಅಲ್ಲಿರುವ ಏಶಿಯನ್ನರ ಸಂಖ್ಯೆಯೇ ಶೇ.8 ಮಾತ್ರ!
“10 ಸೆಕೆಂಡ್ಗಳಲ್ಲಿ ಕೇಳುತ್ತಿರುವ ಆಡಿಯೊ ಮಂಗಳ ಗ್ರಹದಲ್ಲಿ ಬೀಸುತ್ತಿರುವ ನಿಜವಾದಗಾಳಿಯ ಸದ್ದಾಗಿದೆ” ಎಂದು “ಪರ್ಸೀವರನ್ಸ್’’ ನ ಕ್ಯಾಮರ ಮತ್ತು ಮೈಕ್ರೋಫೋನ್ ವ್ಯವಸ್ಥೆಯ ಪ್ರಧಾನ ಇಂಜಿನಿಯರ್ ಡೇವ್ ಗ್ರುಯೆಲ್ ಹೇಳಿದ್ದಾರೆ.
More sounds of Mars: https://t.co/wRrDvkUxeC
— NASA's Perseverance Mars Rover (@NASAPersevere) February 22, 2021
ಇದನ್ನೂ ಓದಿ: ನಾಸಾ ಹ್ಯೂಮನ್ ಎಕ್ಸ್ಪ್ಲೋರೇಶನ್ ರೋವರ್ ಚಾಲೆಂಜ್ಗೆ ಒಡಿಶಾ ಶಾಲಾ ವಿದ್ಯಾರ್ಥಿಗಳ ತಂಡ!
ನವೆಂಬರ್ 18 2020 ರಂದು ಕೂಡಾ 60 ಸೆಕೆಂಡುಗಳ ಆಡಿಯೊವನ್ನು ನಾಸಾ ಬಿಡುಗಡೆ ಮಾಡಿತ್ತು. ಈ ಧ್ವನಿಯನ್ನು ಅಕ್ಟೋಬರ್ 19, 2020 ರಂದು ಮಂಗಳ ಗ್ರಹದ ಪ್ರಯಾಣದಲ್ಲಿದ್ದ ಪರ್ಸೆವೆರೆನ್ಸ್ ನೌಕೆಯ ಕ್ಯಾಮೆರಾ ಮತ್ತು ಮೈಕ್ರೊಫೋನ್ ಸಿಸ್ಟಮ್ನ ಹಾರಾಟದ ಚೆಕ್ಔಟ್ ಸಮಯದಲ್ಲಿ ದಾಖಲಿಸಲಾಗಿದೆ ಎಂದು ನಾಸ ತಿಳಿಸಿತ್ತು.
ನಾಸಾ ಇತ್ತೀಚೆಗೆ ಬಿಡುಗಡೆ ಮಾಡಿದ್ದ 3 ನಿಮಿಷ 25 ಸೆಕೆಂಡುಗಳ ವಿಡಿಯೊ ಸ್ಪಷ್ಟವಾಗಿದ್ದು ಬಾಹ್ಯಾಕಾಶ ನೌಕೆಯು ಮಂಗಳ ಗ್ರಹಕ್ಕೆ ಇಳಿಯುತ್ತಿರುವ ಮೈನವಿರೇಳಿಸುವ ದೃಶ್ಯ ತೋರಿಸುತ್ತದೆ.
Your front-row seat to my Mars landing is here. Watch how we did it.#CountdownToMars pic.twitter.com/Avv13dSVmQ
— NASA's Perseverance Mars Rover (@NASAPersevere) February 22, 2021
ಸಾವಿರಾರು ಚಿತ್ರಗಳನ್ನು ಕಳುಹಿಸಿರುವ ನಾಸಾದ ಅತಿದೊಡ್ಡ ಮತ್ತು ಅತ್ಯಂತ ಸಮರ್ಥ ಉತ್ತಮ ಸ್ಥಿತಿಯ ಬಾಹ್ಯಾಕಾಶ ನೌಕೆ ಇದಾಗಿದೆ. ಇದು ಮುಂದಿನ ಎರಡು ವರ್ಷಗಳನ್ನು ಮಂಗಳ ಗ್ರಹದ ಒಣ ನದಿಯ ಮುಖಜ ಭೂಮಿಯಲ್ಲಿ ಕಳೆಯಲಿದ್ದು, ಅಲ್ಲಿನ ಬಂಡೆಗಳನ್ನು ಕೊರೆದು 3-4 ಶತಕೋಟಿ ವರ್ಷಗಳ ಹಿಂದೆ ಅಲ್ಲಿ ಜೀವಿಗಳಿದ್ದವೆ ಎಂಬ ಪುರಾವೆಗಳನ್ನು ಅನ್ವೇಷಿಸಲಿದೆ.
ಇದನ್ನೂ ಓದಿ: ಮಂಗಳ ಗ್ರಹಕ್ಕೆ ಇಳಿದ ಬಾಹ್ಯಾಕಾಶ ನೌಕೆಯ ಮೈನವಿರೇಳಿಸುವ ವಿಡಿಯೋ ಬಿಡುಗಡೆ ಮಾಡಿದ ನಾಸಾ!
