ಭಾರತದ ಕ್ರಿಕೆಟ್ ತಂಡವು 2011ರ ವಿಶ್ವಕಪ್ ಗೆದ್ದಾಗಿನ ಅತ್ಯುತ್ತಮ ಕ್ರೀಡಾ ಕ್ಷಣಕ್ಕಾಗಿ ಸಚಿನ್ ತೆಂಡೂಲ್ಕರ್ “ಆಸ್ಕರ್ ಆಫ್ ಸ್ಪೋರ್ಟ್ಸ್” ಎಂದು ಕರೆಯಲ್ಪಡುವ 20ನೇ ಆವೃತ್ತಿಯ “ಲಾರಿಯೆಸ್ ಗೌರವ”ವನ್ನು ಪಡೆದಿದ್ದಾರೆ. ಈ ಮೂಲಕ ಲಾರಿಯೆಸ್ ವಿಶ್ವ ಕ್ರೀಡಾ ಪ್ರಶಸ್ತಿಯನ್ನು ಗೆದ್ದ ಮೊದಲ ಭಾರತೀಯ ಕ್ರೀಡಾಪಟು ಎಂಬ ಹೆಗ್ಗಳಿಕೆಗೆ ತೆಂಡೂಲ್ಕರ್ ಪಾತ್ರರಾಗಿದ್ದಾರೆ.
2011ರಲ್ಲಿ ಭಾರತ ತಂಡವು ವಿಶ್ವಕಪ್ ಗೆದ್ದಾಗ ತೆಂಡೂಲ್ಕರ್ ಅದ್ಭುತ ಪ್ರದರ್ಶನ ನೀಡಿದ್ದಕ್ಕಾಗಿ ತಂಡದ ಸದಸ್ಯರು ಅವರನ್ನು ಹೆಗಲ ಮೇಲೆ ಹೊತ್ತುಕೊಂಡು ಸಂಭ್ರಮಿಸಿತ್ತು. ಈ ಕ್ಷಣಕ್ಕಾಗಿ ಸಚಿನ್ ತೆಂಡೂಲ್ಕರ್ ಪ್ರಶಸ್ತಿಯನ್ನು ಪಡೆದು ಕೊಂಡಿದ್ದಾರೆ.
ಬರ್ಲಿನ್‌ನಲ್ಲಿ ನಡೆದ ವರ್ಣರಂಜಿತ ಸಮಾರಂಭದ 20 ನೇ ಆವೃತ್ತಿಯಲ್ಲಿ ಈ ವರ್ಷದ “ಲಾರಿಯೆಸ್ ಪ್ರಶಸ್ತಿ”ಗಳಲ್ಲಿ ಪರಿಚಯಿಸಲಾದ ವಿಶೇಷ ವಿಭಾಗಕ್ಕೆ ಕ್ರಿಕೆಟ್ ದಂತಕತೆ ಬೋರಿಸ್ ಬೆಕರ್ ನಾಮಿನಿಗಳನ್ನು ಘೋಷಿಸಿದರು ಹಾಗೂ ಆಸ್ಟ್ರೇಲಿಯಾದ ಮಾಜಿ ನಾಯಕ ಸ್ಟೀವ್ ವಾ ಅವರ ಕೈಯಿಂದ ಸಚಿನ್ ತಂಡೂಲ್ಕರ್‌ ಪ್ರಶಸ್ತಿಯನ್ನು ಪಡೆದರು.
