ಸ್ಪ್ಯಾನಿಷ್ ನಟ ಜೇವಿಯರ್ ಬಾರ್ಡೆಮ್ ಅವರ “ಫ್ರೀ ಪ್ಯಾಲೆಸ್ತೀನ್” ಹೇಳಿಕೆ ಕುರಿತು ಸೈಫ್ ಅಲಿ ಖಾನ್ ಮತ್ತು ಚಲನಚಿತ್ರ ಪತ್ರಕರ್ತೆ ಅನುಪಮಾ ಚೋಪ್ರಾ ನಗುತ್ತಿರುವ ಕ್ಲಿಪ್ ಆನ್ಲೈನ್ನಲ್ಲಿ ವೈರಲ್ ಆಗಿದ್ದು, ನಟನ ಅಸೂಕ್ಷ್ಮ ನಡವಳಿಕೆ ಕುರಿತು ನೆಟ್ಟಿಗರು ಕೆರಳಿದ್ದಾರೆ.
ಬಾರ್ಡೆಮ್ ಅವರ ಒಂದು ಹೇಳಿಕೆ ನನಗೆ ನೆಚ್ಚಿನದಾಗಿದೆ, ಅವರನ್ನು ಸಂದರ್ಶಿಸುವಾಗ ಆಗಾಗ್ಗೆ ಬಳಸುತ್ತಿದ್ದರು ಎಂದು ಅನುಪಮಾ ಹೇಳಿದಾಗ ವಿವಾದ ಪ್ರಾರಂಭವಾಯಿತು. ನಿರೂಪಕಿ ಘೋಷಣೆಯನ್ನು ಬಹಿರಂಗಪಡಿಸುವ ಮೊದಲೇ ಮಧ್ಯಪ್ರವೇಶಿಸಿದ ಸೈಫ್, “ಇದು ಫ್ರೀ ಪ್ಯಾಲೆಸ್ತೀನ್ ಅಲ್ಲವೇ?” ಎಂದು ಕೇಳಿದರು.
ಅನುಪಮಾ ತಕ್ಷಣವೇ ಅವರ ಮಾತಿಗೆ ನಗಲು ಪ್ರಾರಂಭಿಸಿದರು. ಜೊತೆಗೆ, ಸೈಫ್ ಕೂಡ ತಮ್ಮ ಹೇಳಿಕೆಗೆ ನಕ್ಕರು.
2026 ರಲ್ಲಿ ಬಾರ್ಡೆಮ್ ಆಸ್ಕರ್ನಲ್ಲಿ ಕಾಣಿಸಿಕೊಂಡಿದ್ದನ್ನು ಸೈಫ್ ಉಲ್ಲೇಖಿಸುತ್ತಿದ್ದರು, ಅಲ್ಲಿ ಸ್ಪ್ಯಾನಿಷ್ ನಟ ಸಾರ್ವಜನಿಕವಾಗಿ ಪ್ಯಾಲೆಸ್ತೀನ್ಗೆ ಬೆಂಬಲ ವ್ಯಕ್ತಪಡಿಸಿದರು. ಅನುಪಮಾ ಸಂಪೂರ್ಣವಾಗಿ ಸ್ಪ್ಯಾನಿಷ್ ನಟನ ವಿಭಿನ್ನವಾದ ಉಲ್ಲೇಖದ ಬಗ್ಗೆ ಮಾತನಾಡುತ್ತಿದ್ದರು, ಆದರೆ ಸೈಫ್ ಉದ್ದೇಶಪೂರ್ವಕವಾಗಿ ಆಸ್ಕರ್ ಕ್ಷಣವನ್ನು ತಮಾಷೆಯಾಗಿಸಿದರು.
ನಗು ಆಕಸ್ಮಿಕ ಪ್ರತಿಕ್ರಿಯೆಯಾಗಿರಲಿಲ್ಲ ಅಥವಾ ಸಂದರ್ಶನದ ಸಮಯದಲ್ಲಿ ವಿಚಿತ್ರವಾದ ಕ್ಷಣವಾಗಿರಲಿಲ್ಲ. ಸ್ವತಃ ಸೈಫ್ ಆ ಹೇಳಿಕಯನ್ನು ನಿರೂಪಕಿಗೆ ಪರಿಚಯಿಸಿದರು. ನಿರೂಪಕಿ ಏನು ಹೇಳುತ್ತಿದ್ದಾರೆಂದು ಅರ್ಥಮಾಡಿಕೊಂಡ ತಕ್ಷಣ ಇಬ್ಬರೂ ನಗಲು ಪ್ರಾರಂಭಿಸಿದರು.
ಈ ಕ್ಲಿಪ್ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರೀ ಆಕ್ರೋಶಕ್ಕೆ ಕಾರಣವಾಗಿದ್ದು, ಬಾರ್ಡೆಮ್ ಪ್ಯಾಲೆಸ್ತೀನ್ಗೆ ನೀಡಿದ ಬೆಂಬಲವನ್ನು ಪಂಚ್ಲೈನ್ ಆಗಿ ಪರಿವರ್ತಿಸಿದ್ದು ಏಕೆ ಎಂದು ಹಲವಾರು ವೀಕ್ಷಕರು ಪ್ರಶ್ನಿಸಿದ್ದಾರೆ. ಕೆಲವರು ಸೈಫ್ ಈ ಹೇಳಿಕೆ ನೀಡಿದ್ದಕ್ಕಾಗಿ ಟೀಕಿಸಿದರೆ, ಕೆಲವರು ಅವರು ನಗುತ್ತಿರುವುದರ ಬಗ್ಗೆ ನಿರಾಶೆ ವ್ಯಕ್ತಪಡಿಸಿದರು.
ವಿಡಿಯೊ ಸುತ್ತಲಿನ ಟೀಕೆಗಳು ಗಾಜಾದಲ್ಲಿ ನಡೆಯುತ್ತಿರುವ ಮಾನವೀಯ ಬಿಕ್ಕಟ್ಟಿನಿಂದ ಉಂಟಾಗಿವೆ. ಯುದ್ಧ ಉಲ್ಬಣಗೊಂಡಾಗಿನಿಂದ, ಹತ್ತಾರು ಸಾವಿರ ಪ್ಯಾಲೆಸ್ತೀನಿಯನ್ನರು ಕೊಲ್ಲಲ್ಪಟ್ಟಿದ್ದಾರೆ. ಸಾವುನೋವುಗಳಲ್ಲಿ ಮಹಿಳೆಯರು ಮತ್ತು ಮಕ್ಕಳು ಗಮನಾರ್ಹ ಪ್ರಮಾಣದಲ್ಲಿದ್ದಾರೆ ಸಾವನ್ನಪ್ಪಿದ್ದಾರೆ ಎಂದು ಗಾಜಾದ ಆರೋಗ್ಯ ಅಧಿಕಾರಿಗಳು ತಿಳಿಸಿದ್ದಾರೆ. ಇಡೀ ದೇಶ ಅವಶೇಷಗಳಾಗಿ ಮಾರ್ಪಟ್ಟಿವೆ, ಆಸ್ಪತ್ರೆಗಳು ಮತ್ತು ಶಾಲೆಗಳು ಹಾನಿಗೊಳಗಾಗಿವೆ. ಕೆಲವು ಭಾಗಶಃ ನಾಶವಾಗಿವೆ. ಲಕ್ಷಾಂತರ ಜನರು ಪದೇಪದೇ ಸ್ಥಳಾಂತರಗೊಂಡಿದ್ದಾರೆ, ಆಹಾರ ಕೊರತೆ ಮತ್ತು ವೈದ್ಯಕೀಯ ಆರೈಕೆಗೆ ಸೀಮಿತ ಪ್ರವೇಶವನ್ನು ಎದುರಿಸುತ್ತಿದ್ದಾರೆ.
ಈ ಹಿನ್ನೆಲೆಯಲ್ಲಿ, “ಫ್ರೀ ಪ್ಯಾಲೆಸ್ತೀನ್” ಎಂಬ ಮಾನವೀಯ ಘೋಷಣೆಯು ಮಾನವ ಹಕ್ಕುಗಳು, ನಾಗರಿಕರ ರಕ್ಷಣೆ ಮತ್ತು ಹಿಂಸಾಚಾರವನ್ನು ಕೊನೆಗೊಳಿಸುವ ಕರೆಗಳನ್ನು ಸಂಕೇತಿಸುತ್ತದೆ. ಇದನ್ನು ತಮಾಷೆಯಾಗಿ ಬಳಸುವ ಪ್ರಯತ್ನವು ಅನೇಕ ಜನರಿಗೆ ನೋವುಂಟುಮಾಡುತ್ತಿದೆ.
