ಚುನಾವಣಾ ಆಯೋಗದ ವಿಶೇಷ ತೀವ್ರ ಪರಿಷ್ಕರಣೆಯ (ಎಸ್ಐಆರ್) ಮೂರನೇ ಹಂತದಲ್ಲಿ ಅಸ್ತಿತ್ವದಲ್ಲಿರುವ ಮತದಾರರ ಪಟ್ಟಿಯಿಂದ ಸುಮಾರು 1.58 ಕೋಟಿ ಹೆಸರುಗಳನ್ನು ಅಳಿಸಲಾಗಿದೆ. ಪ್ರಸ್ತುತ ನಡೆಯುತ್ತಿರುವ 3ನೇ ಹಂತದ ವ್ಯಾಪ್ತಿಗೆ ಒಳಪಡುವ 16 ರಾಜ್ಯಗಳಲ್ಲಿ 12 ಮತ್ತು ಮೂರು ಕೇಂದ್ರಾಡಳಿತ ಪ್ರದೇಶಗಳಿಂದ ಈವರೆಗೆ ಕರಡು ಮತದಾರರ ಪಟ್ಟಿಯನ್ನು ಪ್ರಕಟಿಸಲಾಗಿದೆ.
ಪರಿಷ್ಕರಣೆಗೆ ಮೊದಲು 12 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಒಟ್ಟು 13, 77, 27,807 ಮತದಾರರನ್ನು ಹೊಂದಿದ್ದವು. ಚುನಾವಣಾ ಆಯೋಗ ಹಂಚಿಕೊಂಡ ದತ್ತಾಂಶದ ಪ್ರಕಾರ, ಮತದಾರರ ಗೈರುಹಾಜರಿ, ಸ್ಥಳಾಂತರ ಅಥವಾ ಸತ್ತಿದ್ದಾರೆ ಎಂಬ ವರದಿ ಆಧಾರದ ಮೇಲೆ 1, 58, 59,834 ಹೆಸರುಗಳನ್ನು ಅಥವಾ ಶೇ.11.51 ರಷ್ಟು ಹೆಸರುಗಳನ್ನು ಅಳಿಸಲಾಗಿದೆ.
ಏಳು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಪರಿಶೀಲನೆ ಅವಧಿ ವಿಸ್ತರಣೆ
ದೆಹಲಿ, ಒಡಿಶಾ, ಮಿಜೋರಾಂ, ಸಿಕ್ಕಿಂ, ಮಣಿಪುರ, ಉತ್ತರಾಖಂಡ್, ಆಂಧ್ರಪ್ರದೇಶ, ಅರುಣಾಚಲ ಪ್ರದೇಶ, ಹರಿಯಾಣ, ಚಂಡೀಗಢ, ತೆಲಂಗಾಣ, ಪಂಜಾಬ್, ಕರ್ನಾಟಕ, ಮೇಘಾಲಯ, ಮಹಾರಾಷ್ಟ್ರ, ಜಾರ್ಖಂಡ್, ನಾಗಾಲ್ಯಾಂಡ್, ತ್ರಿಪುರ ಮತ್ತು ದಾದ್ರಾ ಮತ್ತು ನಗರ ಹವೇಲಿ ಮತ್ತು ದಮನ್ ಮತ್ತು ಡಿಯುಗಳಲ್ಲಿ ಮೂರನೇ ಹಂತದ ಎಸ್ಐಆರ್ ಅನ್ನು ನಡೆಸಲಾಗುತ್ತಿದೆ.
ದೆಹಲಿ, ಪಂಜಾಬ್, ತೆಲಂಗಾಣ, ಕರ್ನಾಟಕ ಮತ್ತು ಮಹಾರಾಷ್ಟ್ರಗಳಲ್ಲಿ ಗಣತಿ ನಮೂನೆ ವಿತರಣೆ ಮತ್ತು ಪರಿಶೀಲನೆ ಪ್ರಕ್ರಿಯೆಯನ್ನು ವಿಸ್ತರಿಸಲಾಗಿದೆ. ತ್ರಿಪುರ ಮತ್ತು ನಾಗಾಲ್ಯಾಂಡ್ ಜೊತೆಗೆ ಈ ಐದು ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳ ಕರಡು ಪಟ್ಟಿಯನ್ನು ಇನ್ನೂ ಪ್ರಕಟಿಸಿಲ್ಲ.
ಆಂಧ್ರಪ್ರದೇಶ, ಅರುಣಾಚಲ ಪ್ರದೇಶ, ಚಂಡೀಗಢ, ದಾದ್ರಾ ಮತ್ತು ನಗರ ಹವೇಲಿ ಮತ್ತು ದಮನ್ ಮತ್ತು ಡಿಯು, ದೆಹಲಿ, ಹರಿಯಾಣ, ಜಾರ್ಖಂಡ್, ಕರ್ನಾಟಕ, ಮಹಾರಾಷ್ಟ್ರ, ಮಣಿಪುರ, ಮೇಘಾಲಯ, ಮಿಜೋರಾಂ, ನಾಗಾಲ್ಯಾಂಡ್, ಒಡಿಶಾ, ಪಂಜಾಬ್, ಸಿಕ್ಕಿಂ, ತೆಲಂಗಾಣ, ತ್ರಿಪುರ ಮತ್ತು ಉತ್ತರಾಖಂಡಗಳಲ್ಲಿ ಮತದಾರರ ಪಟ್ಟಿಯನ್ನು ಪರಿಷ್ಕರಿಸಲಾಗುತ್ತಿದೆ.
ದಾದ್ರಾ ಮತ್ತು ನಗರ ಹವೇಲಿಯಲ್ಲಿ ಅತ್ಯಧಿಕ ಡಿಲೀಟ್!
ದಾದ್ರಾ ಮತ್ತು ನಗರ ಹವೇಲಿ, ದಮನ್ ಮತ್ತು ಡಿಯು ಶೇ.29.64 ರಷ್ಟು ಅತಿ ಹೆಚ್ಚು ಅಳಿಸುವಿಕೆಗಳನ್ನು ದಾಖಲಿಸಲಾಗಿದೆ. ನಂತರದ ಸ್ಥಾನಗಳಲ್ಲಿ ಅರುಣಾಚಲ ಪ್ರದೇಶವಿದೆ, ಅಲ್ಲಿ ಶೇ.19.09, ಹರಿಯಾಣದಲ್ಲಿ ಶೇ.16.38 ಮತ್ತು ಚಂಡೀಗಢದಲ್ಲಿ ಶೇ.12.8 ರಷ್ಡು ಹೆಸರುಗಳನ್ನು ಅಳಿಸಲಾಗಿದೆ.
ಮಿಜೋರಾಂನಲ್ಲಿ ಶೇ.5.2 ರಷ್ಟು ಕಡಿಮೆ ಅಳಿಸುವಿಕೆ ಪ್ರಮಾಣವನ್ನು ಹೊಂದಿದ್ದರೆ, ಸಿಕ್ಕಿಂ ರಾಜ್ಯವು ಶೇ.8 ರಷ್ಟು ಅಳಿಸುವಿಕೆ ಪ್ರಮಾಣವನ್ನು ಹೊಂದಿದೆ.
ಕರಡು ಪಟ್ಟಿಗಳನ್ನು ಪ್ರಕಟಿಸಲಾದ ಇತರ ರಾಜ್ಯಗಳಾದ ಒಡಿಶಾದಲ್ಲಿ ಶೇ.6.02, ಮಣಿಪುರದಲ್ಲಿ ಶೇ.7.5, ಉತ್ತರಾಖಂಡದಲ್ಲಿ ಶೇ.10.39, ಮೇಘಾಲಯದಲ್ಲಿ ಶೇ.7.67 ಮತ್ತು ಜಾರ್ಖಂಡ್ನಲ್ಲಿ ಶೇ.16.48 ಹೆಸರುಗಳನ್ನು ಅಳಿಸಲಾಗಿದೆ.
ಆಂಧ್ರಪ್ರದೇಶದಲ್ಲಿ 44.89 ಲಕ್ಷ ಹೆಸರು ಡಿಲೀಟ್
ಸಂಪೂರ್ಣ ಪರಿಷ್ಕರಣೆಯಲ್ಲಿ ಆಂಧ್ರಪ್ರದೇಶವು ಅತಿ ಹೆಚ್ಚು ಡಿಲೀಟ್ ದರ ಹೊಂದಿದೆ. 44.89 ಲಕ್ಷ ಹೆಸರುಗಳು ಅಥವಾ ರಾಜ್ಯದ ಒಟ್ಟು ಮತದಾರರಲ್ಲಿ ಶೇ10.78 ಅನ್ನು ಅಳಿಸಲಾಗಿದೆ. ಪರಿಣಾಮವಾಗಿ ರಾಜ್ಯದಲ್ಲಿ ಕರಡು ಪಟ್ಟಿಯು 4.16 ಕೋಟಿ ಮತದಾರರಿಂದ 3.71 ಕೋಟಿಗೆ ಇಳಿದಿದೆ.
ಆಂಧ್ರಪ್ರದೇಶದಲ್ಲಿ ಅಳಿಸಲಾದ ಹೆಸರುಗಳಲ್ಲಿ, 22.30 ಲಕ್ಷ ಮತದಾರರು ನೀಡಲಾದ ವಿಳಾಸದಿಂದ ಸ್ಥಳಾಂತರಗೊಂಡ ಅಥವಾ ಗೈರುಹಾಜರಾದ ಮತದಾರರಿಗೆ ಸಂಬಂಧಿಸಿವೆ. ಇನ್ನೂ 15.22 ಲಕ್ಷ ಮತದಾರರು ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ. ಆದರೆ, 7.37 ಲಕ್ಷ ಮತದಾರರು ಬೇರೆಬೇರೆ ಕ್ಷೇತ್ರಗಳ ಪಟ್ಟಿಯಲ್ಲಿ ದಾಖಲಾಗಿದ್ದಾರೆ ಎಂದು ಕಂಡುಬಂದಿದೆ.
ಸಿಕ್ಕಿಂನಲ್ಲಿ 37,724 ಅಥವಾ ಶೇ.8 ರಷ್ಟು ಮತದಾರರ ಹೆಸರುಗಳನ್ನು ಅಳಿಸಲಾಗಿದೆ. ಅಂದರೆ, ಈ ರಾಜ್ಯವು ಕಡಿಮೆ ಡಿಲೀಟ್ ದರವನ್ನು ಹೊಂದಿದೆ. ನಂತರ, ಮಿಜೋರಾಂನಲ್ಲಿ 46,162 ಹೆಸರುಗಳನ್ನು ಅಳಿಸಲಾಗಿದೆ.
ಮೂರು ಹಂತಗಳಲ್ಲಿ ಒಟ್ಟು 8.7 ಕೋಟಿ ದಾಟಿದ ಅಳಿಸುವಿಕೆ
13 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ನಡೆಸಿದ ಎಸ್ಐಆರ್ನ ಮೊದಲ ಎರಡು ಹಂತಗಳಲ್ಲಿ 7.2 ಕೋಟಿಗೂ ಹೆಚ್ಚು ಮತದಾರರನ್ನು ತೆಗೆದುಹಾಕಿದ ನಂತರ 3ನೇ ಹಂತದಲ್ಲಿ 1.58 ಕೋಟಿ ಹೆಸರುಗಳು ಸೇರಿವೆ.
ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ಮೂರು ಹಂತಗಳಲ್ಲಿ ಒಟ್ಟು ಅಳಿಸುವಿಕೆಗಳ ಸಂಖ್ಯೆ 8.7 ಕೋಟಿ ಮತದಾರರನ್ನು ಮೀರಿದೆ. ಹಕ್ಕುಗಳು, ಆಕ್ಷೇಪಣೆಗಳು ಮತ್ತು ಮೇಲ್ಮನವಿ ಹಂತಗಳಲ್ಲಿ ಈ ಅಂಕಿಅಂಶಗಳು ಪರಿಷ್ಕರಣೆಗೆ ಒಳಪಟ್ಟಿರುತ್ತವೆ.
ಎರಡನೇ ಹಂತದ ಎಸ್ಐಆರ್ನಲ್ಲಿ ಸುಮಾರು ಎರಡು ಕೋಟಿ ಮತದಾರರ ಹೆಸರನ್ನು ಡಿಲೀಟ್ ಪಟ್ಟಿಗೆ ಸೇರಿಸಲಾಗಿದೆ. ಈ ಸೇರ್ಪಡೆಗಳನ್ನು ಲೆಕ್ಕಹಾಕಿದ ನಂತರ, ಮೊದಲ ಎರಡು ಹಂತಗಳಿಂದ ಒಟ್ಟು ಅಳಿಸುವಿಕೆ ಸಂಖ್ಯೆ 6.7 ಕೋಟಿ ಆಗಿತ್ತು.
ಬಿಹಾರ, ಪಶ್ಚಿಮ ಬಂಗಾಳ, ತಮಿಳುನಾಡು, ಕೇರಳ, ಪುದುಚೇರಿ, ಉತ್ತರ ಪ್ರದೇಶ, ರಾಜಸ್ಥಾನ, ಮಧ್ಯಪ್ರದೇಶ, ಗುಜರಾತ್, ಛತ್ತೀಸ್ಗಢ, ಗೋವಾ, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು ಮತ್ತು ಲಕ್ಷದ್ವೀಪಗಳಲ್ಲಿ ಎಸ್ಐಆರ್ ಪ್ರಕ್ರಿಯೆಯನ್ನು ಈಗಾಗಲೇ ನಡೆಸಲಾಗಿದೆ.
ಅಸ್ಸಾಂನಲ್ಲಿ, ರಾಷ್ಟ್ರೀಯ ನಾಗರಿಕರ ನೋಂದಣಿ (ಎನ್ಸಿಆರ್) ಗೆ ಸಂಬಂಧಿಸಿದ ಕಾನೂನುಬದ್ಧತೆಗಳ ಕಾರಣದಿಂದಾಗಿ “ವಿಶೇಷ ಪರಿಷ್ಕರಣೆ” ನಡೆಸಲಾಗಿದೆ.
ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು, ಬಿಹಾರ, ಛತ್ತೀಸ್ಗಢ, ಗೋವಾ, ಗುಜರಾತ್, ಕೇರಳ, ಲಕ್ಷದ್ವೀಪ, ಮಧ್ಯಪ್ರದೇಶ, ಪುದುಚೇರಿ, ರಾಜಸ್ಥಾನ, ತಮಿಳುನಾಡು, ಉತ್ತರ ಪ್ರದೇಶ ಮತ್ತು ಪಶ್ಚಿಮ ಬಂಗಾಳವನ್ನು ಈಗಾಗಲೇ ಎಸ್ಐಆರ್ ಪ್ರಕ್ರಿಯೆಗೆ ಒಳಪಡಿಸಲಾಗಿದೆ.
ಆಕ್ಷೇಪಣೆಗಳ ಪ್ರಕ್ರಿಯೆ
12 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಪ್ರಕಟವಾದ ಕರಡು ಪಟ್ಟಿಗಳನ್ನು ಹಕ್ಕುಗಳು ಮತ್ತು ಆಕ್ಷೇಪಣೆಗಳ ಪ್ರಕ್ರಿಯೆ ಅನುಸರಿಸಲಾಗುತ್ತದೆ. ಮತದಾರರು ಕರಡು ಪಟ್ಟಿಯಿಂದ ಹೆಸರುಗಳನ್ನು ಸೇರಿಸಲು ಅಥವಾ ಅಳಿಸಲು ಮನವಿ ಮಾಡಬಹುದು. ಆದರೆ ಹೊಸ ಮತದಾರರು ನೋಂದಣಿಗೆ ಅರ್ಜಿ ಸಲ್ಲಿಸಬಹುದು. ಆದ್ದರಿಂದ ಅಂತಿಮ ಪಟ್ಟಿಯಲ್ಲಿರುವ ಮತದಾರರ ಸಂಖ್ಯೆಯು ಹಕ್ಕುಗಳು, ಆಕ್ಷೇಪಣೆಗಳು ಮತ್ತು ಎಸ್ಐಆರ್ ಪ್ರಕ್ರಿಯೆಯ ನಂತರದ ಹಂತಗಳ ಬದಲಾಗಬಹುದು.
