ನಟ ವಿಜಯ್ ಸೇದುಪತಿ ಅವರು ವಿಕ್ರಾಂತ್ ಮಾಸ್ಸಿ ಅಭಿನಯದ ಬಾಲಿವುಡ್ ಚಿತ್ರ, ‘ಮುಂಬೈಕರ್’ ನ ಅಧಿಕೃತ ಪೋಸ್ಟರ್ ಅನ್ನು ಶನಿವಾರ ಬಿಡುಗಡೆ ಮಾಡಿದರು.
ರಿಯಾ ಶಿಬು ನೇತೃತ್ವದಲ್ಲಿ, ಸಂತೋಷ್ ಶಿವನ್ ನಿರ್ದೇಶನದಲ್ಲಿ ನಿರ್ಮಾಣವಾಗುತ್ತಿರುವ ‘ಮುಂಬೈಕರ್’ ಚಿತ್ರವು ಸೇದುಪತಿ ಅವರ ಚೊಚ್ಚಲ ಬಾಲಿವುಡ್ ಚಿತ್ರವಾಗಿದೆ.
Here is the first look of #Mumbaikar. #HappyBirthdayVikrantMassey @masseysahib ?@santoshsivan #TanyaManiktala @imsanjaimishra @SachinSKhedekar @RanvirShorey @iprashantpillai @shibuthameens @hridhuharoon @riyashibu_ pic.twitter.com/zUpxJb4Kre
— VijaySethupathi (@VijaySethuOffl) April 3, 2021
ಇದನ್ನೂ ಓದಿ: ರಾಜ್ಯ ಸರ್ಕಾರದ ನಿರ್ಧಾರಕ್ಕೆ ಆಕ್ರೋಶ: ತಿರುಗಿಬಿದ್ದ ಕನ್ನಡ ಚಿತ್ರರಂಗ
‘ಮುಂಬೈಕರ್’ ಚಿತ್ರವು ಲೋಕೇಶ್ ಕನಗರಾಜ್ ಅವರ 2017 ರ ತಮಿಳು ಆಕ್ಷನ್ ಥ್ರಿಲ್ಲರ್ ‘ಮನಗರಂ’ ಚಿತ್ರದ ಹಿಂದಿ ರಿಮೇಕ್ ಆಗಿದೆ ಎನ್ನಲಾಗಿದೆ.
2017 ರಲ್ಲಿ ಬಿಡುಗಡೆಯಾದ ‘ಮನಗರಂ’ ಚಿತ್ರದಲ್ಲಿ ಶ್ರೀ, ಸುಂದೀಪ್ ಕಿಶನ್ ಮತ್ತು ರೆಜಿನಾ ಕಸ್ಸಂದ್ರ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರದ ಕಥೆಯು, ಚೆನ್ನೈಗೆ ತೆರಳಿದ ತಪ್ಪಾದ ಗುರುತಿನಿಂದಾಗಿ ಪ್ರಕರಣವೊಂದರಲ್ಲಿ ಸಿಕ್ಕು ಹಲ್ಲೆಗೊಳಗಾಗುವ ಯುವಕನ ಸುತ್ತ ಸುತ್ತುತ್ತದೆ. ಜೊತೆಗೆ ಹಿಂಸಾತ್ಮಕ ನಗರದಲ್ಲಿ ಮಾರಣಾಂತಿಕ ಸಂದರ್ಭಗಳನ್ನು ಎದುರಿಸುತ್ತಾ ಬದುಕಲು ಹೆಣಗಾಡುವ ಚಿತ್ರಣಗಳನ್ನು ಕಟ್ಟಿಕೊಡಲಾಗಿದೆ.
ಟ್ವಿಟರ್‌ನಲ್ಲಿ ವಿಜಯ್ ಸೇದುಪತಿ ಬಿಡುಗಡೆ ಮಾಡಿದ ಈ ಚಿತ್ರದಲ್ಲಿ ಅವರು ನಿರ್ವಹಿಸುವ ಪಾತ್ರದ ಫಸ್ಟ್ ಲುಕ್ ಚಿತ್ರ ಇಲ್ಲಿದೆ.
#Mumbaikar ☺️@santoshsivan sir. pic.twitter.com/PpOotUuohs
— VijaySethupathi (@VijaySethuOffl) March 22, 2021
ಸೇದುಪತಿ ಅಭಿನಯದ ಈ ಚಿತ್ರದಲ್ಲಿ ತಾನ್ಯಾ ಮಾಣಿಕ್ತಾಲಾ, ಸಂಜಯ್ ಮಿಶ್ರಾ, ರಣವೀರ್ ಶೋರೆ ಮತ್ತು ಸಚಿನ್ ಖೇಡ್ಕರ್ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಲಿದ್ದಾರೆ.
ಇದನ್ನೂ ಓದಿ:ಆಸ್ಕರ್ ಪ್ರಶಸ್ತಿಗೆ ಮೊದಲ ಮುಸ್ಲಿಂ ನಟ ನಾಮನಿರ್ದೇಶನ: ಇತಿಹಾಸ ಸೃಷ್ಟಿಸಿದ ರಿಜ್ ಅಹ್ಮದ್
