ಸಾಂಕ್ರಾಮಿಕದ ಎರಡನೇ ಕೋವಿಡ್ ಅಲೆಯು ಪ್ರಸ್ತುತ ಹಣಕಾಸು ವರ್ಷದಲ್ಲಿ ಒಟ್ಟು 2 ಲಕ್ಷ ಕೋಟಿ ರೂ. ನಷ್ಟಕ್ಕೆ ಕಾರಣವಾಗಬಹುದು ಎಂದು ಭಾರತದ ರಿಸರ್ವ್ ಬ್ಯಾಂಕ್ ( RBI) ವರದಿ ಹೇಳಿದೆ.
ಭಾರತೀಯ ಆರ್ಥಿಕತೆಯು ಕೊರೊನಾ ವೈರಸ್ ಸಾಂಕ್ರಾಮಿಕದ ಎರಡನೇ ಅಲೆಯೊಂದಿಗೆ ಕುಸ್ತಿಯಾಡುತ್ತಿದೆ ಎಂದು RBI ಅಭಿಪ್ರಾಯಪಟ್ಟಿದೆ. ಅದು ತನ್ನ ಮಾಸಿಕ ಜೂನ್‍ ಬುಲೆಟಿನ್‍ನಲ್ಲಿ ಈ ವಿಷಯವನ್ನು ಬಹಿರಂಗಪಡಿಸಿದೆ.
ಸಾಂಕ್ರಾಮಿಕ ಪ್ರೋಟೋಕಾಲ್‍ಗಳ ನಡುವೆ ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಪರವಾಗಿಲ್ಲ ಎಂದು ವರದಿ ಅಶಾವಾದವನ್ನು ವ್ಯಕ್ತಪಡಿಸಿದೆ.
“ವ್ಯಾಕ್ಸಿನೇಷನ್ ವೇಗ ಮತ್ತು ಪ್ರಮಾಣವು ಚೇತರಿಕೆಯ ಮಾರ್ಗವನ್ನು ರೂಪಿಸುತ್ತದೆ. ಆರ್ಥಿಕತೆಯ ಹಿನ್ನಡೆಯನ್ನು ತಡೆಯಲು ಲಸಿಕಾ ಅಭಿಯಾನ ನೆರವಾಗುತ್ತದೆ” ಎಂದು ವರದಿ ಹೇಳಿದೆ.
RBI ಮೊದಲಿನಿಂದಲೂ ಕೊರೊನಾ ಸಾಂಕ್ರಾಮಿಕ ಆರ್ಥಿಕತೆಗೆ ಅಡ್ಡ ಮಾಡುತ್ತಿದೆ ಎಂದು ಹೇಳುತ್ತ ಬಂದಿದೆ. ಆದರೆ ಆರ್ಥಿಕ ತಜ್ಞರು ಮತ್ತು ಸಾಂಕ್ರಾಮಿಕ ತಜ್ಞರು ಸರ್ಕಾರದ ವಿಫಲ ನಿರ್ವಹಣೆಯೇ ಈ ಆರ್ಥಿಕ ನಷ್ಟಕ್ಕೆ ಕಾರಣವಾಗಿದೆ ಎಂದು ಆರೋಪಿಸಿದ್ದಾರೆ.
ಇದನ್ನೂ ಓದಿ: ಲಸಿಕೆಯಿಂದ ದೇಹದಲ್ಲಿ ಅಯಸ್ಕಾಂತೀಯ ಗುಣ ಸಾಬೀತುಪಡಿಸಿದರೆ 1 ಲಕ್ಷ ಬಹುಮಾನ: ಪ್ರೊ.ನರೇಂದ್ರ ನಾಯಕ್ ಸವಾಲು
