ಕ್ಯಾನ್ಸರ್ ಚಿಕಿತ್ಸೆಯ ಕುರಿತು ಕಾಂಗ್ರೆಸ್ ನಾಯಕ ನವಜೋತ್ ಸಿಂಗ್ ‘ಸಾಂಪ್ರದಾಯಿಕ’ ಚಿಕಿತ್ಸಾ ವಿಧಾನದ ಹೇಳಿಕೆ ನೀಡಿದ್ದು, ಸಿಧು ಅವರ ಪತ್ನಿ ನವಜೋತ್ ಕೌರ್ ಸಿಧು ಅವರಿಗೆ ಛತ್ತೀಸ್ಗಢ ಸಿವಿಲ್ ಸೊಸೈಟಿ (ಸಿಸಿಎಸ್) ₹850 ಕೋಟಿ ನೋಟಿಸ್ ನೀಡಿದೆ ಎಂದು ರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿವೆ.
ವರದಿಯ ಪ್ರಕಾರ, ನೋಟಿಸ್ ನೀಡಿರುವ ಸಿಸಿಎಸ್ ಸಂಚಾಲಕ ಡಾ ಕುಲದೀಪ್ ಸೋಲಂಕಿ ಮಾತನಾಡಿ, “ಈ ರೀತಿಯ ಸುಳ್ಳು ಹೇಳಿಕೆಗಳು ಜನರನ್ನು ಗೊಂದಲಗೊಳಿಸುತ್ತಿವೆ; ಅಲೋಪತಿ ಔಷಧ ಮತ್ತು ಚಿಕಿತ್ಸೆಯ ಬಗ್ಗೆ ನಕಾರಾತ್ಮಕವಾಗಿ ಯೋಚಿಸುವಂತೆ ಮಾಡುತ್ತಿವೆ. ಕ್ಯಾನ್ಸರ್ ರೋಗಿಗಳೂ ಸಹ ತಮ್ಮ ಔಷಧಿಗಳನ್ನು ತೆಗೆದುಕೊಳ್ಳುವುದನ್ನು ನಿಲ್ಲಿಸುವಂತೆ ಒತ್ತಾಯಿಸಲಾಗುತ್ತಿದೆ, ಇದು ರೋಗಿಗಳ ಸಾಯುವ ಅಪಾಯವನ್ನು ಹೆಚ್ಚಿಸಿದೆ” ಎಂದು ಹೇಳಿದ್ದಾರೆ.
ನವಜೋತ್ ಕೌರ್ ಅವರು ಒಂದು ವಾರದೊಳಗೆ ತಮ್ಮ ಹೇಳಿಕೆಗಳಿಗೆ ತಕ್ಕ ಪುರಾವೆ ನೀಡದ ಹೊರತು ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸುವುದಾಗಿ ಸೋಲಂಕಿ ಎಚ್ಚರಿಕೆ ನೀಡಿದ್ದಾರೆ ಎಂದು ವರದಿ ತಿಳಿಸಿದೆ.
“ಸುಳ್ಳು ಮಾಹಿತಿ” ಇತರ ರೋಗಿಗಳ ಆರೋಗ್ಯಕ್ಕೆ ಅಪಾಯವನ್ನುಂಟುಮಾಡುತ್ತದೆ ಎಂದು ಅವರು ಪ್ರತಿಪಾದಿಸಿದರು. ತನ್ನ ಪತಿಯ ಹಕ್ಕುಗಳ ಬಗ್ಗೆ ತನ್ನ ನಿಲುವನ್ನು ಸ್ಪಷ್ಟಪಡಿಸಲು, ಅಗತ್ಯವಿರುವ ವೈದ್ಯಕೀಯ ದಾಖಲೆಗಳನ್ನು ಹೊಂದಿಲ್ಲದಿದ್ದರೆ ಸುದ್ದಿಗೋಷ್ಠಿ ಕರೆದು ಸ್ಪಷ್ಟನೆ ನೀಡಬೇಕು ಎಂದು ಮನವಿ ಮಾಡಿದ್ದಾರೆ.
ನವಜೋತ್ ಸಿಂಗ್ ಸಿಧು ಹೇಳಿದ್ದೇನು?
ನವೆಂಬರ್ 21 ರಂದು ನಡೆದ ಪತ್ರಿಕಾಗೋಷ್ಠಿಯಲ್ಲಿ, “ವೈದ್ಯರು ತನಗೆ ಬದುಕುವ 40 ದಿನಗಳ ಗುಡುವು ನೀಡಿದ ನಂತರ ಕೆಲವು ಪರಿಹಾರಗಳು ತನ್ನ ಪತ್ನಿ ನವಜೋತ್ ಅವರ 4ನೇ ಹಂತದ ಕ್ಯಾನ್ಸರ್ ಅನ್ನು ಸೋಲಿಸಲು ಸಹಾಯ ಮಾಡಿದೆ” ಎಂದು ಸಿಧು ಹೇಳಿಕೊಂಡಿದ್ದರು.
ಸಿಧು ಕ್ಯಾನ್ಸರ್ ಅನ್ನು ಉರಿಯೂತಕ್ಕೆ ಸಮೀಕರಿಸಿದ್ದಾರೆ; ಅಂತಹ ಉರಿಯೂತವು ಹಾಲು, ಗೋಧಿ (ಕಾರ್ಬೋಹೈಡ್ರೇಟ್ಗಳು), ಸಂಸ್ಕರಿಸಿದ ಮೈದಾ ಮತ್ತು ಸಕ್ಕರೆಯಿಂದ ಉಂಟಾಗುತ್ತದೆ ಎಂದು ಸೂಚಿಸುತ್ತದೆ.
“ನೀವು ಕ್ಯಾನ್ಸರ್ಗೆ ಸಕ್ಕರೆ ಮತ್ತು ಕಾರ್ಬೋಹೈಡ್ರೇಟ್ಗಳನ್ನು ನೀಡದಿದ್ದರೆ ಕ್ಯಾನ್ಸರ್ ಕೋಶಗಳು ಸ್ವಯಂಚಾಲಿತವಾಗಿ ಸಾಯುತ್ತವೆ” ಎಂದು ಅವರು ಹೇಳಿದರು. ಸಿಧು ಅವರ ಹೇಳಿಕೆಯು ವಿವಾದಕ್ಕೆ ಕಾರಣವಾಗಿದ್ದು, ಕ್ಯಾನ್ಸರ್ ಚಿಕಿತ್ಸೆಯಲ್ಲಿ ಅವರ ಹೇಳಿಕೆಗಳನ್ನು ವೈದ್ಯರು ಪ್ರಶ್ನಿಸಿದ್ದಾರೆ.
ಇದನ್ನೂ ಓದಿ; ಫ್ಯಾಕ್ಟ್ಚೆಕ್ಕರ್ ಝುಬೈರ್ ವಿರುದ್ಧ ‘ದೇಶದ್ರೋಹ ಸಮಾನ’ ಪ್ರಕರಣ : ಪತ್ರಿಕಾ ಸಂಸ್ಥೆಗಳಿಂದ ಖಂಡನೆ
