ಉತ್ತರಪ್ರದೇಶದ ಉನ್ನಾವ್ ನಲ್ಲಿ ಅತ್ಯಾಚಾರ ಕೇಸು ದಾಖಲಿಸದ್ದ ಸಂತ್ತಸ್ತೆಯ ಮೇಲೆ ಇಬ್ಬರು ಅತ್ಯಾವಾರದ ಆರೋಪಿಗಳು ಸೇರಿದಂತೆ ಐವರು ಆಕೆಯ ಮೇಲೆ ಬೆಂಕಿ ಹಚ್ಚಿ ಕೊಲೆ ಯತ್ನ ಮಾಡಿರುವ ಅಮಾನವೀಯ ಘಟನೆ ಸಂಭವಿಸಿದೆ.
ಕಳೆದ ಮಾರ್ಚ್ ನಲ್ಲಿ 23 ವರ್ಷದ ಯುವತಿಯೊಬ್ಬಳು ಇಬ್ಬರ ವಿರುದ್ದ ಅತ್ಯಾಚಾರ ಮಾಡಿದ ಆರೋಪದ ಮೇಲೆ ದೂರು ದಾಖಲಿಸಿದ್ದಳು. ಈ ವಿಚಾರವಾಗಿ ಬಂಧಿತರಾಗಿದ್ದ ಆರೋಪಿಗಳು ಇತ್ತೀಚೆಗೆ ಜಾಮೀನನ ಮೇಲೆ ಹೊರಬಂದಿದ್ದರು. ಇಂದು ಆಕೆ ಸ್ಥಳೀಯ ನ್ಯಾಯಾಲಯಕ್ಕೆ ವಿಚಾರಣೆಗೆ ಹಾಜರಾಗುತ್ತಿದ್ದ ವೇಳೆ ಕೊಲೆಯತ್ನ ನಡೆಸಿದ್ದಾರೆ.
ಮೊದಲು ಆಕೆಯ ತಲೆಗೆ ಹೊಡೆದು ಕುತ್ತಿಗೆಗೆ ಚಾಕುವಿನಿಂದ ಹಲ್ಲೆ ಮಾಡಿದ್ದಾರೆ. ಅವಳು ಕುಸಿಯುತ್ತಿದ್ದಂತೆ ಆಕೆಯ ಮೇಲೆ ಸೀಮೆಎಣ್ಣೆ ಸುರಿದು ಬೆಂಕಿ ಹಚ್ಚಿದ್ದಾರೆ.
ಕೂಡಲೇ ಸ್ಥಳಿಯರು ಬೆಂಕಿ ನಂದಿಸಿ ಲಕ್ನೋ ಆಸ್ಪತ್ರೆಗೆ ಸೇರಿಸಲಗಿದೆ. ದೇಹದ ಸುಮಾರು 70% ಭಾಗ ಸುಟ್ಟುಹೋಗಿದ್ದು ಆಕೆ ಗಂಭೀರ ಸ್ಥಿತಿಯಲ್ಲಿದ್ದಾಳೆ.
ಈಗ ಅಲ್ಲಿಂದ ಆಕೆಯನ್ನು ಕಾನ್ಪುರದ ಎಲ್ಎಲ್ಆರ್ ಆಸ್ಪತ್ರೆಗೆ ವರ್ಗಾಯಿಸಲಾಗಿದೆ.
ಆರೋಪಿಗಳು ಸ್ಥಳದಿಂದ ಪರಾರಿಯಾಗಿದ್ದಾರೆ. ಸ್ಥಳೀಯರು ಪೊಲೀಸ್ ತುರ್ತು ಸಂಖ್ಯೆ 112 ಗೆ ಮಾಹಿತಿ ನೀಡಿದ ನಂತರ ಪೊಲೀಸರು ಸ್ಥಳ ತಲುಪಿದ್ದಾರೆ.
ಸಂತ್ರಸ್ತೆಯ ಹೇಳಿಕೆ ಆಧರಿಸಿ ಆರು ಜನರಲ್ಲಿ ಮೂವರನ್ನು ಬಂಧಿಸಲಾಗಿದೆ. ಉಳಿದ ಮೂವರನ್ನು ಬಂಧಿಸಲು ತಂಡಗಳನ್ನು ರಚಿಸಲಾಗಿದೆ.
ಎಂದು ಉನ್ನಾವ್ ಪೊಲೀಸ್ ವರಿಷ್ಠಾಧಿಕಾರಿ ವಿಕ್ರಂತ್ ವೀರ್ ಹೇಳಿದ್ದಾರೆ.