ಹೈದರಾಬಾದ್ ಬಳಿ ಪಶುವೈದ್ಯೆಯ ಅತ್ಯಾಚಾರ ಮತ್ತು ಕೊಲೆಯ ನಾಲ್ವರು ಆರೋಪಿಗಳನ್ನು ಕಾನೂನು ಬಾಹಿರವಾಗಿ ಹತ್ಯೆಯನ್ನು ಎಂದು ತೆಲಂಗಾಣದ ಮಂತ್ರಿ ತಲಸಾನಿ ಶ್ರೀನಿವಾಸ್ ಯಾದವ್ ಸಮರ್ಥಿಸಿಕೊಂಡಿದ್ದಲ್ಲದೆ, ಯಾರಾದರೂ ಕ್ರೂರ ಅಪರಾಧ ಎಸಗಿದರೆ ಅವರನ್ನು ಪೊಲೀಸ್ ಎನ್‌ಕೌಂಟರ್‌ನಲ್ಲಿ ಮುಗಿಸುತ್ತೇವೆ ಎಂದು ಎಚ್ಚರಿಕೆ ನೀಡಿದ್ದಾರೆ.
“ಇದು ಒಂದು ಪಾಠ. ಇನ್ನು ಮುಂದೆ ನಿಮ್ಮ ನಡವಳಿಕೆ ತಪ್ಪಾಗಿದ್ದರೆ, ಯಾವುದೇ ನ್ಯಾಯಾಲಯದ ವಿಚಾರಣೆ, ಜೈಲು ಶಿಕ್ಷೆ ಅಥವಾ ಪ್ರಕರಣವು ಎಳೆಯುತ್ತಿದ್ದಂತೆ ಜಾಮೀನಿನಿಂದ ಹೊರಬರುವ ಯಾವುದೇ ಪ್ರಯೋಜನ ಇರುವುದಿಲ್ಲ. ನೀವು ತುಂಬಾ ತಪ್ಪು ಮತ್ತು ಕ್ರೂರವಾದದ್ದನ್ನು ಮಾಡಿದರೆ, ಅಲ್ಲಿ ಎನ್ಕೌಂಟರ್ ಇರುತ್ತದೆ” ಎಂದು ರಾಜ್ಯ ಪಶು ಸಂಗೋಪನಾ ಸಚಿವ ತಲಸಾನಿ ಶ್ರೀನಿವಾಸ್ ಯಾದವ್ ಸ್ಥಳೀಯ ಟೆಲಿವಿಷನ್ ಚಾನೆಲ್‌ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.
ರಾಜ್ಯದ ಕಾನೂನು ಸುವ್ಯವಸ್ಥೆ ನಿವಾರಣೆಗೆ ಕೆ ಚಂದ್ರಶೇಖರ್ ರಾವ್ ಸರ್ಕಾರದ ಬದ್ಧತೆಗೆ ಇದು ಉದಾಹರಣೆಯಾಗಿದೆ. “ಇದು ನಾವು ಕಳುಹಿಸಿದ ಅತ್ಯಂತ ಬಲವಾದ ಸಂದೇಶವಾಗಿದೆ. ಇದು ನಾವು ದೇಶಕ್ಕೆ ಕೊಟ್ಟ ಆದರ್ಶವಾಗಿದೆ. ನಾವು ನಮ್ಮ ಕಲ್ಯಾಣ ಯೋಜನೆಗಳ ಮೂಲಕ ಮಾತ್ರವಲ್ಲದೆ ಕಾನೂನು ಸುವ್ಯವಸ್ಥೆ ಸಮಸ್ಯೆಗಳನ್ನು ನಿಭಾಯಿಸುವ ಮೂಲಕವೂ ಒಂದು ಮಾದರಿಯನ್ನು ರೂಪಿಸುತ್ತಿದ್ದೇವೆ” ಎಂದು ಹಿರಿಯ ಸಚಿವರು ಹೇಳಿದ್ದಾರೆ. ಈ ಕ್ರಮವನ್ನು ಎಲ್ಲೊ ಕೆಲವರು ವಿರೋಧಿಸಿದರೂ ಬಹಳಷ್ಟು ಜನ ನಮ್ಮ ಮುಖ್ಯಮಂತ್ರಿಗಳನ್ನು ಬೆಂಬಲಿಸುತ್ತಾರೆ ಎಂದು ತಿಳಿಸಿದ್ದಾರೆ.
ಈ ಮೊದಲು ಸಚಿವ ತಲಸಾನಿ ಶ್ರೀನಿವಾಸ್ ಯಾದವ್ ಬಲಿಪಶುವಿನ ಕುಟುಂಬಕ್ಕೆ ಭೇಟಿ ನೀಡಿರಲಿಲ್ಲ ಮಾತ್ರವಲ್ಲ ಅತ್ಯಾಚಾರ-ಕೊಲೆ ಪ್ರಕರಣದ ಬಗ್ಗೆ ಹೇಳಿಕೆ ಕೂಡ ನೀಡಿರಲಿಲ್ಲ. ಇದಕ್ಕೆ ಸಾಕಷ್ಟು ಟೀಕೆ ವ್ಯಕ್ತವಾಗಿತ್ತು. ಹಾಗಾಗಿ ಅವರು ಮನಬಂದಂತೆ ಗುಡುಗಿದ್ದಾರೆ.
ತೆಲಂಗಾಣ ಸಾರಿಗೆ ಸಚಿವ ಪಿ.ಅಜಯ್ ಕುಮಾರ್ ಅವರು ಶುಕ್ರವಾರ ಇದೇ ರೀತಿಯ ಹೇಳಿಕೆ ನೀಡಿದ್ದು, “ತ್ವರಿತ ನ್ಯಾಯ” ವನ್ನು ಖಾತರಿಪಡಿಸುವಲ್ಲಿ ರಾಜ್ಯವು ತನ್ನನ್ನು ಆದರ್ಶಪ್ರಾಯವೆಂದು ಸಾಬೀತುಪಡಿಸಿದೆ ಎಂದು ಹೇಳಿದ್ದಾರೆ. “ಎನ್ಕೌಂಟರ್” ಸಂತ್ರಸ್ತೆಯ ಕುಟುಂಬಕ್ಕೆ ಶಾಂತಿಯನ್ನು ನೀಡುತ್ತದೆ. ನಮ್ಮ ಹೆಣ್ಣುಮಕ್ಕಳ ಮೇಲೆ ಯಾರಾದರೂ ಕೆಟ್ಟ ಕಣ್ಣು ಹಾಕಿದರೆ ನಾವು ಅವರ ಕಣ್ಣುಗಳನ್ನು ಕಿತ್ತುಹಾಕುತ್ತೇವೆ ಎಂದು ನಾವು ತೋರಿಸಿದ್ದೇವೆ ಎಂದು ಸಚಿವರು ಮಾಧ್ಯಮಗಳಿಗೆ ತಿಳಿಸಿದ್ದರು.
ಸಂವಿಧಾನಬದ್ದವಾಗಿ ನಡೆದುಕೊಳ್ಳಬೇಕಾಗಿರುವ ಸಚಿವರೊಬ್ಬರು “ಜಂಗಲ್ ರಾಜ್” ನ ಪ್ರತಿನಿಧಿಯಂತೆ ಮಾತನಾಡಿರುವುದು ಖಂಡನಾರ್ಹ.