ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ನಿನ್ನೆ ನಡೆದ ವಿಧಾನಸಭಾ ಚುನಾವಣೆಯ ಅಂತಿಮ ಮತದಾನದ ಶೇಕಡಾವಾರು ಪ್ರಮಾಣವನ್ನು ಚುನಾವಣಾ ಆಯೋಗ ಬಿಡುಗಡೆ ಮಾಡಿಲ್ಲ ಎಂಬುದು ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಹೇಳಿದ್ದಾರೆ.
“ಮತದಾನದ ಹಲವು ಗಂಟೆಗಳ ನಂತರವೂ ಮತದಾನದ ಅಂಕಿಅಂಶಗಳನ್ನು ಏಕೆ ಬಿಡುಗಡೆ ಮಾಡುತ್ತಿಲ್ಲ? ಸಂಪೂರ್ಣ ಆಘಾತಕಾರಿ ವಿಷಯವಾಗಿದೆ. ಚುನಾವಣಾ ಆಯೋಗ ಏನು ಮಾಡುತ್ತಿದೆ? ” ಎಂದು ಅರವಿಂದ್ ಕೇಜ್ರಿವಾಲ್ ಟ್ವೀಟ್ ಮಾಡಿದ್ದಾರೆ.
Absolutely shocking. What is EC doing? Why are they not releasing poll turnout figures, several hours after polling? https://t.co/ko1m5YqlSx
— Arvind Kejriwal (@ArvindKejriwal) February 9, 2020
ಡೇಟಾವನ್ನು ಸಾಮಾನ್ಯವಾಗಿ ಮತದಾನ ನಡೆದ ಅದೇ ಸಂಜೆ ಬಿಡುಗಡೆ ಮಾಡಲಾಗುತ್ತದೆ. ಆದರೆ ದೆಹಲಿ ವಿಧಾನಸಭಾ ಚುನಾವಣೆಯ ಮತದಾನ ಶನಿವಾರ ಸಂಜೆ 6 ಗಂಟೆಗೆ ಮುಕ್ತಾಯಗೊಂಡಿದೆ. ಸುಮಾರು 22 ಗಂಟೆಗಳ ನಂತರವೂ ಸಹ 1.47 ಕೋಟಿ ಅರ್ಹ ಮತದಾರರಲ್ಲಿ ಎಷ್ಟು ಜನರು ಮತ ಚಲಾಯಿಸಿದ್ದಾರೆ ಎಂಬುದನ್ನು ಚುನಾವಣಾ ಆಯೋಗ ಇನ್ನೂ ಬಿಡುಗಡೆ ಮಾಡಿಲ್ಲ.
ಮತದಾನ ಮುಗಿದ ಸುಮಾರು 17 ಗಂಟೆಗಳ ನಂತರ, ಇಸಿ ಇನ್ನೂ ದೆಹಲಿ ಅಸೆಂಬ್ಲಿ ಎಲೆಕ್ಷನ್ಸ್ 2020ರ ಅಂತಿಮ ಮತದಾನದ ಡೇಟಾವನ್ನು ನೀಡಿಲ್ಲ. “ಡೇಟಾವನ್ನು ಪರಿಷ್ಕರಿಸಲಾಗುತ್ತಿದೆ, ಅಂತಿಮ ಮತದಾನದ ಶೇಕಡಾವಾರು ಪ್ರಮಾಣವನ್ನು ಇಂದು ಸಂಜೆಯ ವೇಳೆಗೆ ಸಾರ್ವಜನಿಕಗೊಳಿಸಲಾಗುವುದು” ಎಂದು ಅಧಿಕಾರಿಗಳು ಹೇಳುತ್ತಾರೆ ಎಂದು ಅರವಿಂದ್ ಗುಣಶೇಖರ್‌ ಎಂಬುವವರು ತಿಳಿಸಿದ್ದಾರೆ.
