ಕೊರೊನಾ ವೈರಸ್ ಸಮಸ್ಯೆಯ ತೀವ್ರತೆಯ ಬಗ್ಗೆ ಪ್ರಾಮಾಣಿಕತೆ ಇದ್ದಲ್ಲಿ ಮಾತ್ರ “ಮುಂಬೈ ಮಾದರಿ” ಇತರ ನಗರಗಳು ಮತ್ತು ರಾಜ್ಯಗಳಲ್ಲಿ ಕೆಲಸ ಮಾಡಬಹುದೆಂದು ಬೃಹನ್ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್ (ಬಿಎಂಸಿ) ಆಯುಕ್ತ ಇಕ್ಬಾಲ್ ಸಿಂಗ್ ಚಾಹಲ್ ಹೇಳಿದ್ದಾರೆ.
“ಎರಡು ತಿಂಗಳ ಹಿಂದೆ ಕೇಂದ್ರ ಸರ್ಕಾರದ ನನ್ನ ಸಹೋದ್ಯೋಗಿಗಳು ಮಹಾರಾಷ್ಟ್ರದಲ್ಲಿ ಮಾತ್ರ ಯಾಕೆ ಕೊರೊನಾ ಎಂದು ಕರೆ ಮಾಡಿ ಕೇಳುತ್ತಿದ್ದರು. ಅವರು ನಮ್ಮನ್ನು ನೋಡಿ ನಗುತ್ತಿದ್ದರು. ಹೀಗೆ ಮಾಡಿದರೆ ಕೊರೊನಾ ನಿರ್ವಹಣೆಗೆ ಬಳಸಿದ ಮಾದರಿಯನ್ನು ಅವರೊಂದಿಗೆ ಹೇಗೆ ಹಂಚಿಕೊಳ್ಳುವುದು?… ವಿಪತ್ತುಗಳು ಸಂಭವಿಸಿದಾಗ, ಕಲಿಯಲು ಸಮಯ ಇರುವುದಿಲ್ಲ, ಆ ಮಾದರಿಗಳನ್ನು ನಕಲಿ ಮಾಡಲು ಸಮಯ ಇರುವುದಿಲ್ಲ” ಎಂದು ಅವರು ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ ಹೇಳಿದ್ದಾರೆ.
“ಮುಂಬೈಯ ಅನುಭವದಿಂದ ತಿಳಿದುಕೊಳ್ಳಿ” ಎಂದು ಸುಪ್ರೀಂ ಕೋರ್ಟ್ ಹೇಳಿದ ಕೆಲವೇ ಗಂಟೆಗಳ ನಂತರ ಬುಧವಾರ ರಾತ್ರಿ ದೆಹಲಿ ಸರ್ಕಾರ ಮತ್ತು ಕೇಂದ್ರದ ಅಧಿಕಾರಿಗಳ ಸಭೆಯಲ್ಲಿ ಭಾಗವಹಿಸಿದ್ದೇನೆ ಎಂದು ಅವರು ಹೇಳಿದ್ದಾರೆ.
ಇದನ್ನೂ ಓದಿ: ಕೋಮು ಸಾಮರಸ್ಯ ಕದಡುವ ಯತ್ನ: ತೇಜಸ್ವಿ ಸೂರ್ಯ ವಿರುದ್ಧ ದೂರು ದಾಖಲಾಗಲಿದೆಯೇ?
ಮುಂಬಯಿಯಲ್ಲಿ ಈಗ ಆಮ್ಲಜನಕದ ಸಮಸ್ಯೆಗಳು ಇಲ್ಲ. ಲಭ್ಯವಿರುವ ಆಮ್ಲಜನಕದ ಅತ್ಯುತ್ತಮ ಬಳಕೆ, ತಡೆರಹಿತ ವಿತರಣೆ ಮತ್ತು ಬಫರ್ ಸ್ಟಾಕ್ ರಚನೆ ಮತ್ತು ಅದರ ಅಸ್ತಿತ್ವದಲ್ಲಿರುವ ಸಂಪನ್ಮೂಲಗಳನ್ನು BMC ಒಟ್ಟುಗೂಡಿಸುವ ಸಾಮರ್ಥ್ಯದ ಬಗ್ಗೆ ಅವರು ಹೇಳಿದ್ದಾರೆ. ಮುಂಬೈಯಲ್ಲಿ ಇದುವರೆಗೂ ಆಮ್ಲಜನಕದ ಕೊರತೆಯಿಂದ ಯಾವುದೆ ಸಾವುಗಳಾಗಿಲ್ಲ ಎಂದು ಅವರು ಹೇಳಿದ್ದಾರೆ.
ಏಪ್ರಿಲ್ 16-17 ರ ಮಧ್ಯದ ರಾತ್ರಿ, ಆರು ಆಸ್ಪತ್ರೆಗಳಿಂದ ಆಮ್ಲಜನಕ ಪೂರೈಕೆ ಕಡಿಮೆ ಇರುವುದರಿಂದ 168 ರೋಗಿಗಳನ್ನು ಸ್ಥಳಾಂತರಿಸಲಾಯಿತು. ಅಂದು 40 ರೋಗಿಗಳು ಗಂಭೀರವಾಗಿದ್ದರು. ಅಂತಿಮವಾಗಿ, ಎಲ್ಲರನ್ನು ಬೆಳಿಗ್ಗೆ 1 ರಿಂದ ಬೆಳಿಗ್ಗೆ 5 ರವರೆಗೆ ಸುರಕ್ಷಿತವಾಗಿ ಸೌಲಭ್ಯವಿರುವೆಡೆ ವರ್ಗಾಯಿಸಿ ಎಲ್ಲರ ಜೀವವನ್ನು ಉಳಿಸಿವಂತಾಗಿತ್ತು.
“ಈ ಘಟನೆಯ ನಂತರ, ಏಪ್ರಿಲ್ 17 ರಂದು, ಬಿಎಂಸಿಯು ರಾಜ್ಯ ಕಾರ್ಯಪಡೆಯೊಂದಿಗೆ ಆಮ್ಲಜನಕದ ಬಳಕೆಗೆ ಪ್ರೋಟೋಕಾಲ್ ಕೇಳಿದೆವು. ಆಮ್ಲಜನಕದ ಸ್ಯಾಚುರೇಷನ್‌ ಮಟ್ಟ 94% ಕಡಿವೆ ಇರುವವರಿಗೆ ಬೇಕಾಬಿಟ್ಟಿಯಾಗಿ ಬಳಸಬಾರದು. ಆಮ್ಲಜನಕದ ಬಳಕೆಯ ಲೆಕ್ಕಪರಿಶೋಧನೆ ಇರಬೇಕು, ಈ ಮಾಹಿತಿಯನ್ನು ನಗರದ ಎಲ್ಲಾ 176 ಆಸ್ಪತ್ರೆಗಳಿಗೆ ಪ್ರಸಾರ ಮಾಡಲಾಯಿತು” ಎಂದು ಅವರು ಹೇಳಿದ್ದಾರೆ.
ಇದನ್ನೂ ಓದಿ: ಮೇ 10 ರಿಂದ ಲಾಕ್ಡೌನ್ – ‘ಜನ ಹೊಟ್ಟೆಗೆ ಏನು ತಿಂತಾರೆ?’; ಆಕ್ರೋಶ
ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ತನಗೆ ಮುಕ್ತ ಅಧಿಕಾರ ನೀಡಿದ್ದಾಗಿ ಬಿಎಂಸಿ ಮುಖ್ಯಸ್ಥ ಇಕ್ಬಾಲ್ ಸಿಂಗ್ ಚಾಹಲ್ ಹೇಳಿದ್ದಾರೆ. “ನಾನು ಅನೇಕ ವಿಧಗಳಲ್ಲಿ ತುಂಬಾ ಅದೃಷ್ಟಶಾಲಿ, ವಾಸ್ತವಿಕವಾಗಿ ನಾನು ಯಾವುದೇ ನಿರ್ಧಾರ ತೆಗೆದುಕೊಳ್ಳಬಹುದು. ಆ ರೀತಿಯ ಮುಕ್ತ ಅಧಿಕಾರ ಸಿಎಂ ನನಗೆ ನೀಡಿದ್ದಾರೆ. ಈ ಅಧಿಕಾರ ದೇಶದ ಅನೇಕ ನಗರಗಳ ನನ್ನ ಸಹೋದ್ಯೋಗಿಗಳಿಗೆ ಇಲ್ಲ” ಎಂದು ಅವರು ಹೇಳಿದ್ದಾರೆ.
ಕಳೆದ ವರ್ಷ ಮೇ ತಿಂಗಳಲ್ಲಿ ಮುಂಬೈಯಲ್ಲಿ ಕೊರೊನಾ ಪರಿಸ್ಥಿತಿ ಹದಗೆಡುತ್ತಿದ್ದಾಗ ಇಕ್ಬಾಲ್ ಸಿಂಗ್ ಚಾಹಲ್ ಆಯುಕ್ತರಾಗಿ ಅಧಿಕಾರ ವಹಿಸಿಕೊಂಡಿದ್ದರು. ಒಂದು ಸಮಯದಲ್ಲಿ ದೇಶದಲ್ಲೇ ಅತ್ಯಂತ ಹೆಚ್ಚು ಕೊರೊನಾ ಪೀಡಿತ ನಗರವಾಗಿದ್ದ ಮುಂಬೈಯಲ್ಲಿ ಪರಿಸ್ಥಿತಿ ಸುಧಾರಣೆಯಾಗುತ್ತಿದೆ.
ಮುಂಬೈ ಈಗಾಗಲೇ ಕೊರೊನಾ ಮೂರನೇ ಅಲೆಗೆ ತಯಾರಿ ನಡೆಸುತ್ತಿದೆ. ನಗರದಲ್ಲಿ ಬೃಹತ್ ಮಟ್ಟದ ಸೌಲಭ್ಯಗಳು ಮತ್ತು ಆಮ್ಲಜನಕ ಸ್ಥಾವರಗಳೊಂದಿಗೆ ಸುಮಾರು 5,500 ಹಾಸಿಗೆಗಳನ್ನು ಸೇರಿಸಲಾಗುತ್ತಿದೆ, ಇವುಗಳಲ್ಲಿ 70% ಆಮ್ಲಜನ ಇರುವ ಹಾಸಿಗೆಗಳಾಗಿದೆ.
ಇದನ್ನೂ ಓದಿ: ‘ಮೌಲ್ಯಗಳಿಗೆ ಸರಿ ಹೊಂದುತ್ತಿಲ್ಲ’: ಸುಪ್ರೀಂನಲ್ಲಿ ಚುನಾವಣಾ ಆಯೋಗವನ್ನು ಪ್ರತಿನಿಧಿಸುವ ವಕೀಲ ರಾಜೀನಾಮೆ
