ಇಟಲಿಯಲ್ಲಿ ನಡೆದ ಜಿ-20 ಶೃಂಗಸಭೆಯಲ್ಲಿ ವಿಶ್ವನಾಯಕರನ್ನು ಭೇಟಿಯಾಗಲು ಪ್ರಧಾನಿ ನರೇಂದ್ರ ಮೋದಿ ಅವರು ಟ್ಯಾಕ್ಸಿಯಲ್ಲಿ ತೆರಳಿದ್ದಾರೆ. ಅಲ್ಲಿನ ರಾಜಕೀಯ ಮುಖಂಡರು ಕನಿಷ್ಟ ಸರ್ಕಾರಿ ಕಾರುಗಳನ್ನು ಕಳಿಸಿ ಮೋದಿಯವರನ್ನು ಸ್ವಾಗತಿಸಿಲ್ಲ ಎಂಬ ಹೇಳಿಕೆಯೊಂದಿಗೆ ಎರಡು ಫೋಟೊಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ.
The taxi driver asked PM Modi to give him 5 star rating on the app. pic.twitter.com/iZtdmSWUW3
— Pandeyji (@pandeyji1149) October 30, 2021
ಮೋದಿ ಅವರು ಇಳಿಯುತ್ತಿರುವ ಕಾರಿನ ಮೇಲ್ಭಾಗದಲ್ಲಿ ಹಳದಿ ಬಣ್ಣದಲ್ಲಿ ಟ್ಯಾಕ್ಸಿ ಚಿಹ್ನೆ ಮತ್ತು ಅದರ ಹಿಂಭಾಗದಲ್ಲಿ ಟ್ಯಾಕ್ಸಿ ಮೊಬೈಲ್‌ ಅಪ್ಲಿಕೇಷನ್‌ ಆಯತಾಕಾರದ ಸ್ಟಿಕ್ಟರ್‌ ಇರುವುದನ್ನು ಗುರುತಿಸಲಾಗಿದೆ. ಇಟಲಿಯಲ್ಲಿ ಪ್ರಧಾನಿಯನ್ನು ಟ್ಯಾಕ್ಸಿಯಲ್ಲಿ ಬರಮಾಡಿಕೊಳ್ಳಲಾಗುತ್ತಿದೆ ಎಂದು ಹೇಳಿಕೊಂಡು ಪೋಸ್ಟ್‌ಗಳನ್ನು ಹಂಚಿಕೊಳ್ಳಲಾಗುತ್ತಿದೆ.
ಎಎನ್‌ಐ ಸುದ್ದಿ ಸಂಸ್ಥೆ ಟ್ವಿಟರ್‌ ಮೂಲಕ ಹಂಚಿಕೊಂಡ ಮೂಲ ಫೋಟೊಗಳಲ್ಲಿ, ಮೋದಿಯವರು ಇಳಿಯುತ್ತಿದ್ದ ಫೋಕ್ಸ್‌ವ್ಯಾಗನ್‌ ಕಾರಿನಲ್ಲಿ ಟ್ಯಾಕ್ಸಿ ಚಿಹ್ನೆ ಅಥವಾ ಟ್ಯಾಕ್ಸಿ ಆಪ್ ಸ್ಟಿಕ್ಕರ್‌ಗಳಿಲ್ಲ ಎಂದು ದಿ ಕ್ವಿಂಟ್‌ ವರದಿ ಮಾಡಿದೆ.
Prime Minister Narendra Modi arrives at the Vatican City to meet Pope Francis pic.twitter.com/rWCNxl7mVI
— ANI (@ANI) October 30, 2021
ವಾಸ್ತವದಲ್ಲಿ ಚಿತ್ರಗಳನ್ನು ಫೋಟೊಶಾಪ್‌ ಮಾಡಲಾಗಿದೆ. ಎಎನ್‌ಐ ಪ್ರಕಟಿಸಿದ ಫೋಟೊಗಳನ್ನೇ ತೆಗೆದುಕೊಂಡು ಅದರ ಮೇಲೆ ಟ್ಯಾಕ್ಸಿ ಎಂಬ ಚಿಹ್ನೆಯನ್ನು ಅಂಟಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲಾಗಿದೆ. ನಿಜ ಎಂದರೆ ಮೋದಿಯವರನ್ನು ಇಟಲಿ ಸರ್ಕಾರ ತಮ್ಮದೇ ಕಾರುಗಳನ್ನು ಕಳಿಸಿ ಬರಮಾಡಿಕೊಳ್ಳಲಾಗಿದೆ.
ಇದನ್ನೂ ಓದಿ: ಫ್ಯಾಕ್ಟ್‌ಚೆಕ್: ಜಿಮ್‌ನಲ್ಲಿ ಕುಸಿದು ಬೀಳುತ್ತಿರುವ ಈ ವಿಡಿಯೊ ‘ಪುನೀತ್‌ ರಾಜ್‌ಕುಮಾರ್‌’ ಅವರದಲ್ಲ
