Homeಮುಖಪುಟಉಜ್ಜಯಿನಿ ದೇವಾಲಯಕ್ಕೆ ನಟಿ ಸಾರಾ ಅಲಿಖಾನ್ ಭೇಟಿ; ಪ್ರಾರ್ಥನೆ ಸಲ್ಲಿಕೆ

ಉಜ್ಜಯಿನಿ ದೇವಾಲಯಕ್ಕೆ ನಟಿ ಸಾರಾ ಅಲಿಖಾನ್ ಭೇಟಿ; ಪ್ರಾರ್ಥನೆ ಸಲ್ಲಿಕೆ

- Advertisement -
- Advertisement -

ಬಾಲಿವುಡ್ ನಟಿ ಸಾರಾ ಅಲಿ ಖಾನ್ ಅವರು ಮಧ್ಯಪ್ರದೇಶದ ಉಜ್ಜಯಿನಿ ಜಿಲ್ಲೆಯಲ್ಲಿರುವ ಮಹಾಕಾಳೇಶ್ವರ ದೇವಸ್ಥಾನದಲ್ಲಿ ಬುಧವಾರ ಬೆಳಗ್ಗೆ ಪ್ರಾರ್ಥನೆ ಸಲ್ಲಿಸಿದ್ದಾರೆ.

ಈ ಸಂದರ್ಭದಲ್ಲಿ ಅವರು ‘ಭಸ್ಮ ಆರತಿ’ಯಲ್ಲಿ ಪಾಲ್ಗೊಂಡಿದ್ದರು. ಭಸ್ಮ ಆರತಿ (ಭಸ್ಮದೊಂದಿಗೆ ಅರ್ಪಣೆ) ಇಲ್ಲಿನ ಪ್ರಸಿದ್ಧ ಆಚರಣೆಯಾಗಿದೆ. ಇದನ್ನು ಬೆಳಿಗ್ಗೆ 4 ರಿಂದ 5:30ರವರೆಗೆ ಬ್ರಹ್ಮ ಮುಹೂರ್ತದಲ್ಲಿ ನಡೆಸಲಾಗುತ್ತದೆ.

ಭಸ್ಮ ಆರತಿಯಲ್ಲಿ ಪಾಲ್ಗೊಳ್ಳಲು ದೇವಾಲಯದ ಸಮಿತಿಯ ಸಂಪ್ರದಾಯವನ್ನು ಅನುಸರಿಸಿ, ಅವರು ಗುಲಾಬಿ ಬಣ್ಣದ ಸೀರೆಯನ್ನು ಧರಿಸಿದ್ದರು. ಭಸ್ಮ ಆರತಿಯ ವೇಳೆ ಮಹಿಳೆಯರು ಸೀರೆ ಉಟ್ಟಿರುವುದು ಕಡ್ಡಾಯ ಎಂದು ಇಲ್ಲಿ ನಿಯಮ ಮಾಡಲಾಗಿದೆ.

ಭಸ್ಮ ಆರತಿಯ ವೇಳೆ ದೇವಸ್ಥಾನದ ನಂದಿಹಾಳದಲ್ಲಿ ಕುಳಿತು ಪೂಜೆ ಸಲ್ಲಿಸಿದರು. ಗರ್ಭಗುಡಿಯೊಳಗೆ ಸಾರಾ ಕೂಡ ಜಲಾಭಿಷೇಕ ನೆರವೇರಿಸಿದರು.

ಅವರು ಮಹಾಕಾಳ ದೇವಸ್ಥಾನಕ್ಕೆ ಭೇಟಿ ನೀಡಿದ್ದು ಇದೇ ಮೊದಲೇನಲ್ಲ, ಸಾರಾ ಇಲ್ಲಿಗೆ ಅನೇಕ ಬಾರಿ ಬಂದು ಪ್ರಾರ್ಥನೆ ಸಲ್ಲಿಸಿದ್ದಾರೆ.

ಭೇಟಿಯ ಸಮಯದಲ್ಲಿ, ಅವರು ದೇವಾಲಯದ ಆವರಣದಲ್ಲಿರುವ ಕೋಠಿ ತೀರ್ಥಕುಂಡದಲ್ಲಿ ನಿಂತು ಭಕ್ತಿ ತೋರಿದರು.

ಮತ್ತೊಂದೆಡೆ, ದೇವಾಲಯದ ಅರ್ಚಕ ಸಂಜಯ್ ಗುರು, “ಸಾರಾ ಅಲಿಖಾನ್ ಬಾಬಾ ಮಹಾಕಾಳನಲ್ಲಿ ಅಚಲವಾದ ನಂಬಿಕೆಯನ್ನು ಹೊಂದಿದ್ದಾರೆ. ಆದ್ದರಿಂದ, ಅವಳು ಆಗಾಗ್ಗೆ ಇಲ್ಲಿಗೆ ಭೇಟಿ ನೀಡುತ್ತಾರೆ” ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿರಿ: ಪೋಕ್ಸೋ ಪ್ರಕರಣದಲ್ಲಿ ತಕ್ಷಣದ ಬಂಧನವು ಬಿಜೆಪಿ ಆರೋಪಿಗೆ ಅನ್ವಯಿಸುವುದಿಲ್ಲವೇ?: ಕೇಂದ್ರಕ್ಕೆ ಸಿಬಲ್ ತರಾಟೆ

ಸಾರಾ ಅಲಿಖಾನ್‌ ಮತ್ತು ವಿಕ್ಕಿ ವಿಶಾಲ್ ಅಭಿನಯದ ‘ಜರಾ ಹಟ್ಕೆ ಜರಾ ಬಚ್ಕೆ’ ಸಿನಿಮಾ ಜೂನ್ 2ರಂದು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ. ದೇವಸ್ಥಾನದೊಳಗೆ ಹಾಲು ಮತ್ತು ಪ್ರಾರ್ಥನೆ ಸಲ್ಲಿಸುತ್ತಿರುವ ಕೇದಾರನಾಥ ಮೂಲದ ನಟಿ ಆಶೀರ್ವಾದ ಪಡೆಯುತ್ತಿರುವುದನ್ನು ವೀಡಿಯೊದಲ್ಲಿ ಕಾಣಬಹುದು.

ಮುಂಬವರುವ ಸಿನಿಮಾದ ಹಿನ್ನೆಲೆಯಲ್ಲಿ ಸಾರಾ ಅವರು ವಿಕ್ಕಿ ವಿಶಾಲ್ ಅವರೊಂದಿಗೆ ದೇವರ ಆಶೀರ್ವಾದ ಪಡೆಯಲು ಲಕ್ನೋದ ಹನುಮಾನ್ ಸೇತು ದೇವಸ್ಥಾನಕ್ಕೂ ಭೇಟಿ ನೀಡಿದ್ದರು. ಅವರ ದೇವಸ್ಥಾನಕ್ಕೆ ಭೇಟಿ ನೀಡಿದ ಚಿತ್ರಗಳು ವೈರಲ್ ಆಗಿವೆ. ಲಕ್ನೋದಲ್ಲಿದ್ದಾಗ ಸಾರಾ ಅವರು ಅಲ್ಲಿನ ಸ್ಥಳೀಯ ಖಾದ್ಯವನ್ನು ಸೇವಿಸಿದ್ದರು.

ಸಾರಾ ಅಲಿ ಖಾನ್ ಮತ್ತು ವಿಕ್ಕಿ ಅವರು ‘ಜರಾ ಹಟ್ಕೆ ಜರಾ ಬಚ್ಕೆ’ಯೊಂದಿಗೆ ತೆರೆ ಮೇಲೆ ಕಾಣಸಿಕೊಳ್ಳಲಿದ್ದಾರೆ. ವಿಚ್ಛೇದನಾ ಪಡೆಯಲು ಮುಂದಾಗುವ ದಂಪತಿಗಳ ಕಥೆಯನ್ನು ‘ಜರಾ ಹಟ್ಕೆ ಜರಾ ಬಚ್ಕೆ’ ಸಿನಿಮಾ ಹೊಂದಿದೆ. ಇದನ್ನು ಜಿಯೋ ಸ್ಟುಡಿಯೋಸ್ ಮತ್ತು ದಿನೇಶ್ ವಿಜನ್ ನಿರ್ಮಿಸಿದ್ದಾರೆ.

ಸತ್ಯದ ಪಥಕ್ಕೆ ಬಲ ತುಂಬಲು ದೇಣಿಗೆ ನೀಡಿ. ನಿಮ್ಮಗಳ ಬೆಂಬಲವೇ ನಮಗೆ ಬಲ. ಈ ಕೆಳಗಿನ ಲಿಂಕ್ ಮೂಲಕ ದೇಣಿಗೆ ನೀಡಿ

LEAVE A REPLY

Please enter your comment!
Please enter your name here

- Advertisment -

Must Read

ಓಂ ಬಿರ್ಲಾ ಪುತ್ರಿಯ ಬಗ್ಗೆ ಎಕ್ಸ್‌ನಲ್ಲಿ ಪೋಸ್ಟ್; ಧ್ರುವ ರಾಠಿ ವಿರುದ್ಧ ಪ್ರಕರಣ ದಾಖಲು

0
ಲೋಕಸಭೆ ಸ್ಪೀಕರ್ ಓಂ ಬಿರ್ಲಾ ಅವರ ಪುತ್ರಿಯ ಬಗ್ಗೆ ಎಕ್ಸ್‌ನಲ್ಲಿ ಸಂದೇಶವನ್ನು ಪೋಸ್ಟ್ ಮಾಡಿದ ನಂತರ, ಮಹಾರಾಷ್ಟ್ರದ ಸೈಬರ್ ಪೊಲೀಸರು ಜನಪ್ರಿಯ ಯೂಟ್ಯೂಬರ್ ಧ್ರುವ ರಾಠಿ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ ಎಂದು ಹಿರಿಯ...