44 ಅರೆಹೈಸ್ಪೀಡ್ ವಂದೇ ಭಾರತ್ ರೈಲು ತಯಾರಿಕೆಗೆ ಕರೆದಿದ್ದ ಟೆಂಡರ್ ರದ್ದುಪಡಿಸಲಾಗಿದೆ ಎಂದು ರೈಲ್ವೆ ಸಚಿವಾಲಯ ಪ್ರಕಟಿಸಿದೆ. ಇದರ ಹೊಸ ಟೆಂಡರ್ ಒಂದು ವಾರದೊಳಗೆ ಕರೆಯುವುದಾಗಿ ಅದು ಹೇಳಿದೆ.
ಹೊಸ ಟೆಂಡರ್ನಲ್ಲಿ ಕೇಂದ್ರದ ಮೇಕ್ ಇನ್ ಇಂಡಿಯಾ ಕಾರ್ಯಕ್ರಮದಡಿ ಸ್ಥಳೀಯ ತಯಾರಕರಿಗೆ ಆದ್ಯತೆ ನೀಡಲಾಗುವುದು ಎಂದು ಸಚಿವಾಲಯ ಸ್ಪಷ್ಟಪಡಿಸಿದೆ.
ಹಿಂದಿನ ಟೆಂಡರ್ನಲ್ಲಿ ಚೀನಾದ ಜಂಟಿ ಸಹಭಾಗಿತ್ವದ ಸಿಆರ್ಆರ್ಸಿ ಪ್ರವರ್ತಕ ಎಲೆಕ್ಟ್ರಿಕ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಆರು ಕಂಪನಿಗಳ ಪೈಕಿ ಏಕೈಕ ವಿದೇಶಿ ಕಂಪನಿಯಾಗಿತ್ತು.
ಚೀನಾದ ಸಿಆರ್ಆರ್ಸಿ, ಎಲೆಕ್ಟ್ರಿಕಲ್ ಕಂಪನಿ ಮತ್ತು ಗುರುಗ್ರಾಮದ ಪಯೋನಿಯರ್ ಫಿಲ್-ಮೆಡ್ ಪ್ರೈವೇಟ್ ಲಿಮಿಟೆಡ್ 2015ರಲ್ಲಿ ಸಹಭಾಗಿತ್ವದ ಕಂಪನಿ ರಚಿಸಿಕೊಂಡಿದ್ದವು.
ಪಿಟಿಐ ವರದಿಯಲ್ಲಿ ಟೆಂಡರ್ನಲ್ಲಿ ಚೀನಾದ ಜಂಟಿ ಉದ್ಯಮವು ಮುಂಚೂಣಿಯಲ್ಲಿದೆ ಎಂದು ತಿಳಿದುಬಂದ ನಂತರ ಸಚಿವಾಲಯ ಯೋಜನೆಯನ್ನು ರದ್ದುಪಡಿಸಿದೆ ಎಂದು ಹೇಳಿದೆ.
ಓದಿ: ರೈಲ್ವೇ ಖಾಸಗೀಕರಣಕ್ಕೆ ಚಾಲನೆ: ಮುಂದಿನ ಕರಾಳ ದಿನಗಳಿಗೆ ಹಸಿರು ನಿಶಾನೆ
