“ಇಸ್ರೇಲ್‌ನೊಂದಿಗಿನ ಸಹಕಾರ ಒಪ್ಪಂದವನ್ನು ಅಮಾನತುಗೊಳಿಸಬೇಕು” ಎಂದು ಯುರೋಪಿಯನ್ ಒಕ್ಕೂಟವನ್ನು ಸುಮಾರು 60 ಮಾಧ್ಯಮಗಳು ಮತ್ತು ಹಕ್ಕುಗಳ ಸಂಘಟನೆಗಳು ಸೋಮವಾರ ಒತ್ತಾಯಿಸಿವೆ. ಗಾಜಾದಲ್ಲಿ ಪತ್ರಕರ್ತರ ಹತ್ಯೆ ನಡೆಸುತ್ತಿದೆ ಎಂದು ಎಂದು ಆರೋಪಿಸಿ ನಿರ್ಬಂಧಕ್ಕೆ ಆಗ್ರಹಿಸಿವೆ.
“ಹಮಾಸ್‌ನೊಂದಿಗಿನ ಯುದ್ಧದ ಪ್ರಾರಂಭದಿಂದಲೂ ಇಸ್ರೇಲಿ ಪಡೆಗಳಿಂದ ಹತ್ತಾರು ಸಂಖ್ಯೆಯ ಪತ್ರಕರ್ತರು ಕೊಲ್ಲಲ್ಪಟ್ಟಿದ್ದಾರೆ. ಈ ರೀತಿಯು ಪುನರಾವರ್ತಿತ ಪತ್ರಿಕಾ ಸ್ವಾತಂತ್ರ್ಯದ ಉಲ್ಲಂಘನೆಗಳಿಗೆ ಪ್ರತಿಕ್ರಿಯೆಯಾಗಿ, ರಿಪೋರ್ಟರ್ಸ್ ವಿಥೌಟ್ ಬಾರ್ಡರ್ಸ್ (ಆರ್‌ಎಸ್‌ಎಫ್‌) ಮತ್ತು 59 ಇತರ ಸಂಸ್ಥೆಗಳು ತನ್ನ ಸಂಘದ ಒಪ್ಪಂದವನ್ನು ಅಮಾನತುಗೊಳಿಸುವಂತೆ ಯುರೋಪಿಯನ್ ಒಕ್ಕೂಟಕ್ಕೆ ಕರೆ ನೀಡುತ್ತಿವೆ. ಇಸ್ರೇಲ್‌ನೊಂದಿಗೆ ಮತ್ತು ಹೊಣೆಗಾರರ ವಿರುದ್ಧ ಉದ್ದೇಶಿತ ನಿರ್ಬಂಧಗಳನ್ನು ಅಳವಡಿಸಿಕೊಳ್ಳಬೇಕು” ಎಂದು ಪತ್ರಕರ್ತರ ಗುಂಪುಗಳು ಜಂಟಿ ಹೇಳಿಕೆಯಲ್ಲಿ ತಿಳಿಸಿವೆ. ಆಗಸ್ಟ್ 29 ರಂದು ಬ್ರಸೆಲ್ಸ್‌ನಲ್ಲಿ ನಡೆಯುವ ಇಯು ವಿದೇಶಾಂಗ ಮಂತ್ರಿಗಳ ಸಭೆಗೆ ಮುಂಚಿತವಾಗಿ ಈ ಬೇಡಿಕೆ ಬಂದಿದೆ.
ಅಕ್ಟೋಬರ್ 7, 2023 ರಂದು ಇಸ್ರೇಲ್‌ನ ಮೇಲೆ ಹಮಾಸ್‌ನ ದಾಳಿಯ ನಂತರದ ಗಾಜಾ ಪಟ್ಟಿಯ ಮೇಲೆ ಇಸ್ರೇಲ್‌ನ ವಿನಾಶಕಾರಿ ಪ್ರತೀಕಾರದ ಆಕ್ರಮಣವು “ದಶಕಗಳಲ್ಲಿ ಪತ್ರಕರ್ತರಿಗೆ ಮಾರಣಾಂತಿಕವಾಗಿದೆ” ಎಂದು ಪತ್ರದಲ್ಲಿ ತಿಳಿಸಲಾಗಿದೆ.
“ಅಕ್ಟೋಬರ್ 7 ರಿಂದ ಗಾಜಾದಲ್ಲಿ 130 ಕ್ಕೂ ಹೆಚ್ಚು ಪ್ಯಾಲೆಸ್ಟೀನಿಯನ್ ಪತ್ರಕರ್ತರು ಮತ್ತು ಮಾಧ್ಯಮ ವೃತ್ತಿಪರರು ಇಸ್ರೇಲಿ ಸಶಸ್ತ್ರ ಪಡೆಗಳಿಂದ ಕೊಲ್ಲಲ್ಪಟ್ಟಿದ್ದಾರೆ. ಅವರಲ್ಲಿ ಕನಿಷ್ಠ 30 ಜನರು ತಮ್ಮ ಕೆಲಸದ ಸಂದರ್ಭದಲ್ಲಿ ಕೊಲ್ಲಲ್ಪಟ್ಟರು, ಮೂವರು ಲೆಬನಾನಿನ ಪತ್ರಕರ್ತರು ಮತ್ತು ಇಸ್ರೇಲಿ ಪತ್ರಕರ್ತರು ಸಹ (ಕೊಲ್ಲಲ್ಪಟ್ಟಿದ್ದಾರೆ) ಅದೇ ಅವಧಿಯಲ್ಲಿ ಸಾವನ್ನಪ್ಪಿದ್ದಾರೆ” ಎಂದು ಪತ್ರದಲ್ಲಿ ಹೇಳಲಾಗಿದೆ.
“ಉದ್ದೇಶಪೂರ್ವಕವಾಗಿ ಅಥವಾ ಅಜಾಗರೂಕತೆಯಿಂದ ಪತ್ರಕರ್ತರನ್ನು ಗುರಿಯಾಗಿಸಿ, ವಿವೇಚನಾರಹಿತವಾಗಿ ಕೊಲ್ಲುವುದು ಯುದ್ಧ ಅಪರಾಧ” ಎಂದು ಅದು ಹೇಳಿದೆ.
ಸದಸ್ಯರಲ್ಲದ ದೇಶಗಳೊಂದಿಗೆ ಇಯು ನ ಅಸೋಸಿಯೇಷನ್ ಒಪ್ಪಂದಗಳು ವ್ಯಾಪಾರ ಸೇರಿದಂತೆ ದ್ವಿಪಕ್ಷೀಯ ಸಂಬಂಧಗಳನ್ನು ನಿಯಂತ್ರಿಸುವ ಒಪ್ಪಂದಗಳಾಗಿವೆ.
ಒಪ್ಪಂದದ ಆರ್ಟಿಕಲ್ 2 “ಮಾನವ ಹಕ್ಕುಗಳು ಮತ್ತು ಪ್ರಜಾಸತ್ತಾತ್ಮಕ ತತ್ವಗಳಿಗೆ ಗೌರವವನ್ನು” ನಿಗದಿಪಡಿಸುತ್ತದೆ ಎಂದು ಆರ್‌ಎಸ್‌ಎಫ್‌ನ ಬ್ರಸೆಲ್ಸ್ ಕಚೇರಿಯ ಮುಖ್ಯಸ್ಥ ಜೂಲಿ ಮಜೆರ್ಜಾಕ್ ಹೇಳಿದ್ದಾರೆ.
“ಇಸ್ರೇಲಿ ಸರ್ಕಾರವು ಈ ನಿಲಯಮವನ್ನು ಸ್ಪಷ್ಟವಾಗಿ ತುಳಿಯುತ್ತಿದೆ. ಇಸ್ರೇಲ್‌ನ ಪ್ರಮುಖ ವ್ಯಾಪಾರ ಪಾಲುದಾರರಾಗಿರುವ ಇಯು, ಇದರಿಂದ ಅಗತ್ಯ ತೀರ್ಮಾನಗಳನ್ನು ತೆಗೆದುಕೊಳ್ಳಬೇಕು ಮತ್ತು ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರ ಸರ್ಕಾರವು ಪತ್ರಕರ್ತರನ್ನು ಹತ್ಯೆ ಮಾಡುವುದನ್ನು ನಿಲ್ಲಿಸುವುದನ್ನು ಖಚಿತಪಡಿಸಿಕೊಳ್ಳಲು ಎಲ್ಲವನ್ನೂ ಮಾಡಬೇಕು. ಗಾಜಾಕ್ಕೆ ಮಾಧ್ಯಮ ಪ್ರವೇಶವನ್ನು ತೆರೆಯುವ ಮೂಲಕ ಪತ್ರಿಕಾ ಸ್ವಾತಂತ್ರ್ಯ ಮತ್ತು ಮಾಹಿತಿಯ ಹಕ್ಕನ್ನು ಗೌರವಿಸಬೇಕು” ಎಂದು ಅವರು ಹೇಳಿದರು.
ಸಹಿ ಮಾಡಿದವರಲ್ಲಿ ಕಮಿಟಿ ಟು ಪ್ರೊಟೆಕ್ಟ್ ಜರ್ನಲಿಸ್ಟ್ಸ್ (ಸಿಪಿಜೆ) ಮತ್ತು ಹ್ಯೂಮನ್ ರೈಟ್ಸ್ ವಾಚ್ (ಎಚ್‌ರ್‌ಡಬ್ಲ್ಯೂ) ಸೇರಿವೆ.
ಇದನ್ನೂ ಓದಿ; ಜೈಲಿನಲ್ಲಿ ಸಿಗರೇಟ್ ಸೇದುತ್ತಿರುವ ದರ್ಶನ್; ಆಪ್ತರಿಗೆ ವೀಡಿಯೊ ಕರೆ ಮಾಡಿರುವ ಕ್ಲಿಪ್ ವೈರಲ್
