ಸೋಲಾಪುರ ಜಿಲ್ಲೆಯ ಮರ್ಕಡವಾಡಿ ಗ್ರಾಮ ಮತ್ತು ಸುತ್ತಮುತ್ತಲಿನ ಪ್ರದೇಶಗಳ ಜನರು ಮತ ಪತ್ರಗಳನ್ನು ಬಳಸಿ “ಮರು ಚುನಾವಣೆ” ನಡೆಸಲು ಯತ್ನಿಸಿದ ನಂತರ ಎನ್ಸಿಪಿ (ಎಸ್ಪಿ) ನಾಯಕ ಉತ್ತಮ್ರಾವ್ ಜನಕರ್ ಮತ್ತು ಇತರ 88 ಜನರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಮಹಾರಾಷ್ಟ್ರ
ಇದಕ್ಕೂ ಮೊದಲು, ನಿಷೇಧಾಜ್ಞೆಗಳನ್ನು ಧಿಕ್ಕರಿಸಿ “ಮರು ಚುನಾವಣೆ” ನಡೆಸಲು ಯತ್ನಿಸಿದ ಆರೋಪದ ಮೇಲೆ 200 ಕ್ಕೂ ಹೆಚ್ಚು ಜನರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಮರ್ಕಡವಾಡಿ ಗ್ರಾಮವು ಮಲ್ಶಿರಸ್ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಗೆ ಬರುತ್ತದೆ. ಇತ್ತಿಚೆಗೆ ನಡೆದ ಚುನಾವಣೆಯಲ್ಲಿ ಈ ಕ್ಷೇತ್ರದಲ್ಲಿ ಎನ್ಸಿಪಿ (ಎಸ್ಪಿ) ನಾಯಕ ಉತ್ತಮ್ರಾವ್ ಜನಕರ್ ಗೆಲುವು ಕಂಡಿದ್ದರು. ಆದರೆ ಗ್ರಾಮದಲ್ಲಿ ಹೆಚ್ಚಿನ ಮತಗಳು ಬಿಜೆಪಿ ಪಾಲಾಗಿದ್ದಕ್ಕೆ ಗ್ರಾಮಸ್ಥರು ಮತ ಪತ್ರಗಳ ಮೂಲಕ ಮರು ಮತದಾನಕ್ಕೆ ಮುಂದಾಗಿದ್ದರು.
ನಾನುಗೌರಿ.ಕಾಂಗೆ ದೇಣಿಗೆ ನೀಡಿ ಬೆಂಬಲಿಸಿ
ಇಲ್ಲಿಕ್ಲಿಕ್ ಮಾಡಿ
ಬುಧವಾರ, ಇತ್ತೀಚಿನ ಮಹಾರಾಷ್ಟ್ರ ಚುನಾವಣೆಯಲ್ಲಿ ಮಲ್ಶಿರಾಸ್ ವಿಧಾನಸಭಾ ಸ್ಥಾನವನ್ನು ಗೆದ್ದ ಉತ್ತಮ್ರಾವ್ ಜನಕರ್ ಮತ್ತು ಇತರರ ಮೇಲೆ ಕಾನೂನುಬಾಹಿರ ಸಭೆ ಮತ್ತು ಸಾರ್ವಜನಿಕ ಸೇವಕ ನೀಡಿದ ಆದೇಶಗಳನ್ನು ಉಲ್ಲಂಘಿಸಿದ ಆರೋಪವನ್ನು ಭಾರತೀಯ ನ್ಯಾಯ ಸಂಹಿತೆಯ ಇತರ ವಿಭಾಗಗಳ ಅಡಿಯಲ್ಲಿ ಪ್ರಕರಣ ದಾಖಲು ಮಾಡಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.
ಮಂಗಳವಾರ ಬೆಳಿಗ್ಗೆ, 250 ರಿಂದ 300 ಜನರು ಮಾರ್ಕಡ್ವಾಡಿ ಗ್ರಾಮದಲ್ಲಿ ಉದ್ದೇಶಪೂರ್ವಕವಾಗಿ ನಿಷೇಧಾಜ್ಞೆಗಳನ್ನು ಧಿಕ್ಕರಿಸುವ ಮೂಲಕ “ಮರು ಮತದಾನ” ನಡೆಸಲು ಮತ್ತು ಅನಧಿಕೃತ ಮತದಾನ ಪ್ರಕ್ರಿಯೆಯಲ್ಲಿ ಭಾಗವಹಿಸಲು ಇತರರನ್ನು ಉತ್ತೇಜಿಸಿದರು ಎಂದು ಪೊಲೀಸರು ತಿಳಿಸಿದ್ದಾರೆ. ಮಹಾರಾಷ್ಟ್ರ
ಇತ್ತೀಚೆಗೆ ನಡೆದ ರಾಜ್ಯ ಚುನಾವಣೆಯಲ್ಲಿ ಮರ್ಕಡವಾಡಿಯ ಮತಗಟ್ಟೆಯಿಂದ ಇವಿಎಂಗಳ ಮೂಲಕ ಎಣಿಕೆಯಾದ ಮತಗಳ ಸಂಖ್ಯೆಯ ಬಗ್ಗೆ ಗ್ರಾಮಸ್ಥರು ಅನುಮಾನ ವ್ಯಕ್ತಪಡಿಸಿದ್ದರು. ನಂತರ ಬ್ಯಾಲೆಟ್ ಪೇಪರ್ಗಳೊಂದಿಗೆ “ಮರು ಚುನಾವಣೆ” ನಡೆಸುವ ನಿರ್ಧಾರಕ್ಕೆ ಗ್ರಾಮಸ್ಥರು ಬಂದಿದ್ದರು. ಅದಾಗ್ಯೂ, ಪೊಲೀಸರ ಮಧ್ಯಪ್ರವೇಶದ ನಂತರ ಈ ಯೋಜನೆಯನ್ನು ಕೈ ಬಿಡಲಾಯಿತು.
ಶಾಸಕ ಜನಕರ್ ಅವರು ಬಿಜೆಪಿಯ ರಾಮ್ ಸತ್ಪುತೆ ಅವರನ್ನು 13,147 ಮತಗಳಿಂದ ಸೋಲಿಸಿದ್ದರು. ಜನಕರ್ ಅವರು ಕ್ಷೇತ್ರವನ್ನು ಗೆದ್ದಿದ್ದರೂ, ಮಾರ್ಕಡ್ವಾಡಿ ನಿವಾಸಿಗಳು ಎನ್ಸಿಪಿ (ಎಸ್ಪಿ) ನಾಯಕ ಪಡೆದ ಮತಗಳ ಪ್ರಮಾಣವು ಸತ್ಪುತೆ ಅವರಿಗೆ ಹೋಲಿಸಿದರೆ ಕಡಿಮೆ ಎಂದು ಪ್ರತಿಪಾದಿಸಿ, ಇವಿಎಂಗಳ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದರು.
ಸೋಲಾಪುರ ಜಿಲ್ಲಾಡಳಿತವು ಮತಪತ್ರಗಳ ಮೇಲೆ “ಮರು ಮತದಾನ” ನಡೆಸಲು ಗ್ರಾಮಸ್ಥರ ಮನವಿಗೆ ಅನುಮತಿ ನಿರಾಕರಿಸಿತ್ತು ಮತ್ತು ಕಾನೂನುಬಾಹಿರ ಸಭೆಯನ್ನು ನಿಷೇಧಿಸುವ ನಿಷೇಧಾಜ್ಞೆಗಳನ್ನು ವಿಧಿಸಿತು. ಆದರೂ ಗ್ರಾಮಸ್ಥರು ಮಂಗಳವಾರ ಬೆಳಗ್ಗೆ ‘ಮರು ಮತದಾನ’ಕ್ಕೆ ವ್ಯವಸ್ಥೆ ಮಾಡಿದ್ದರು. ಆದರೆ ಮಧ್ಯಪ್ರವೇಶಿಸಿದ ಪೊಲೀಸರು ಜನಕರ್ ಮತ್ತು ಗ್ರಾಮಸ್ಥರೊಂದಿಗೆ ಸಭೆ ನಡೆಸಿ ಕಾನೂನು ವಿಧಾನಗಳನ್ನು ವಿವರಿಸಿ, ಪ್ರಕರಣಗಳನ್ನು ದಾಖಲಿಸುವ ಬಗ್ಗೆ ಎಚ್ಚರಿಕೆ ನೀಡಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
