ಮನದ ಮಾತುಗಳು ನಮ್ಮೊಳಗೂ ಇವೆ
ನಿನ್ನ ಕಿವುಡು ಕಿವಿಗೆ ಧಿಕ್ಕಾರವಿರಲಿ…

ಇಲ್ಲಿ ಎಲ್ಲವೂ ಚೆನ್ನಾಗಿಯೇ ಇದೆ..
ಹೆಣದ ವಾಸನೆಯ ಗೊಂಬೆ..!
ಗೋಡೆಯ ಆಚೆಯ ದಿಕ್ಕು..!
ಛಿದ್ರವಾದ ಪುಲ್ವಾಮ ಹುತಾತ್ಮರ
ಕೆಂಪು ನಿದ್ರೆಯ ರಕ್ತವ ಮರೆತರೆ
ಇಲ್ಲಿ ಎಲ್ಲವೂ ಚೆನ್ನಾಗಿಯೇ ಇದೆ.

ಹೊಟ್ಟೆ ಹಸಿವಾಗುತ್ತಿದೆ
ಎಂದು ಕೂಗುವ ದೇಶದ್ರೋಹಿಗಳ ನಡುವೆ,
ಕೊರಾನ ತಡೆಗೆ ಮೈಲುಗಟ್ಟಲೆ ನಡೆದು
ವಿಮಾನದಲ್ಲಿ ತೇಲಿ ಬಂದವರ ನೆನೆದರೆ,
ಆಸ್ಪತ್ರೆಯ ಆಕ್ಸಿಜನ್ ಕೊರತೆಯಾಗಿಲ್ಲ
ಎಂಬ ತಲೆಬರಹ ಓದಿ ಹೌದು ಎಂದು ಕೊಂಡರೆ
ಇಲ್ಲಿ ಎಲ್ಲವೂ ಚೆನ್ನಾಗಿಯೇ ಇದೆ..!

ಟೀಕಾ ಉತ್ಸವದಲ್ಲಿ ತುಳಿತಕ್ಕೆ ಸಿಕ್ಕು ಸತ್ತವರು…!
ಗಂಗೆಯ ಗಬ್ಬಿನಲ್ಲಿ ಕೊಳೆತು ತೇಲುವವರು,
ಮುಚ್ಚಿ ಹೋದ ಅನ್ನದ ಪಾಡು,
ಇವೆಲ್ಲವುಗಳ ಹೊರತು ಪಡಿಸಿ
ವಿಕಾಸವನ್ನು ಮಾತ್ರ ನೋಡುವ ಕನ್ನಡಕ ತೊಟ್ಟರೆ
ಇಲ್ಲಿ ಎಲ್ಲವೂ ಚೆನ್ನಾಗಿಯೇ ಇದೆ…

ಕೀನ್ಯಾ ನೆರವಿನ ಪ್ರೀತಿಗೆ ಹೋಲಿಸಿದರೆ
ಕಸಿದುಕೊಂಡ ಕ್ರೌರ್ಯ
ಮಂದಿರದ ಕನಸಿನಂತೆ ಸೊಗಸಾಗಿಯೇ ಇದೆ…
ಮತ್ತೆ
ತಾವು ಕೊಟ್ಟ ಕೆಟ್ಟು ನಿಂತ
ವೆಂಟಿಲೇಟರ್-ಗಳಿಗಿಂತಲೂ
ನಿಮ್ಮ ಸಾಧನೆಯ ಪ್ರಗತಿ
ಇಂದಿನ ಪೆಟ್ರೋಲ್ ರೇಟಿನ ಅಂಕಿಯಂತಿದೆ…

ನ್ಯಾಯಕ್ಕಾಗಿ ಹಗಲು ರಾತ್ರಿ ಬೀದಿಯಲ್ಲಿ ಬಿದ್ದು
ತಮ್ಮ ಸಾಧನೆಗೆ ಅಡ್ಡಗಾಲಿಟ್ಟವರ ನೆನೆದರೆ
ದೇಶಪ್ರೇಮ ನನ್ನಲ್ಲೂ ಉಕ್ಕುತ್ತದೆ…!

ಮನದ ಮಾತುಗಳು ನಮ್ಮೊಳಗೂ ಇವೆ
ನಿನ್ನ ಕಿವುಡು ಕಿವಿಗೆ ಧಿಕ್ಕಾರವಿರಲಿ.

  • ಗೋಪಾಲಕೃಷ್ಣ ಹುಲಿಮನೆ

(ಗೋಪಾಲಕೃಷ್ಣ ಹುಲಿಮನೆಯವರು ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನ ಹುಲಿಮನೆ ಗ್ರಾಮದ ಯುವ ಕವಿ)


ಇದನ್ನೂ ಓದಿ: ನಮ್ಮ ತೋಟದ ಸಾಲಿಗೆ ನೀವೂ ಬನ್ನಿ-7: ಬೇಲಿಯೆಂದರೆ ಹಸಿರ ಕಲೆ, ಇಲಿ, ಇಲಿಬುಲ್ಡೆ ಇತ್ಯಾದಿ…

Donate

ನ್ಯಾಯದ ಜೊತೆಗಿರಿ

ಸತ್ಯದ ಪಥಕ್ಕೆ ಬಲ ತುಂಬಲು ದೇಣಿಗೆ ನೀಡಿ

ಜನಪರ ಸ್ವತಂತ್ರ ಪತ್ರಿಕೋದ್ಯಮವೇ ನಮ್ಮ ಆಶಯ. ನಿಮ್ಮಗಳ ಬೆಂಬಲವೇ ನಮಗೆ ಬಲ. ನ್ಯಾಯದ ಜೊತೆಗಿರಲು ಬಯಸುವ, ಸತ್ಯಪಥವನ್ನು ತುಳಿಯಲು ಪ್ರೋತ್ಸಾಹಿಸುವವರು ಬೆಂಬಲಿಸಿ. ಈ ಕೆಳಗಿನ ಲಿಂಕ್‌ ಕ್ಲಿಕ್‌ ಮಾಡಿ ಪಾವತಿಸಬಹುದು.
ಧನ್ಯವಾದಗಳು

Independent journalism can’t be independent without your support, contribute by clicking below.

ಪ್ರತಿವಾರದ ವಿದ್ಯಮಾನಗಳ ವಿಶ್ಲೇಷಣೆಗಳು, ಅಂಕಣಗಳು ಹಾಗೂ ವಿಶೇಷ ಬರಹಗಳನ್ನು ಓದಲು ನ್ಯಾಯಪಥ ಪತ್ರಿಕೆಗೆ ಚಂದಾದಾರರಾಗಿ. ಚಂದಾ ಹಣವನ್ನು ಪಾವತಿಸಲು ಈ ಕೆಳಗಿನ ಲಿಂಕ್‌ ಕ್ಲಿಕ್‌ ಮಾಡಿ.
Avatar
ಗೋಪಾಲಕೃಷ್ಣ ಹುಲಿಮನೆ
+ posts

3 COMMENTS

  1. ಅತ್ಯಂತ ಅರ್ಥಪೂರ್ಣವಾದ ಕಠೋರ ವಾಸ್ತವ ಸ್ಥಿತಿ ತೀಕ್ಷ್ಣವಾಗಿ ಕಾವ್ಯ ರೂಪದಲ್ಲಿ ಬಿಚ್ಚಿಡುವ ಅತ್ಯಂತ ಪಕ್ವ ಕವಿತೆ

LEAVE A REPLY

Please enter your comment!
Please enter your name here