ಪ್ರಧಾನಿ ನರೇಂದ್ರ ಮೋದಿ ಅವರ ಜಂಗಲ್ ಸಫಾರಿಯನ್ನು ಹಾಸ್ಯಮಯವಾಗಿ ಅಣಕಿಸುವ ವಿಡಿಯೋ ಮಾಡಿದ ನಟ ಶ್ಯಾಮ್ ರಂಗೀಲಾ ಅವರಿಗೆ ವನ್ಯಜೀವಿ ಸಂರಕ್ಷಣಾ ಕಾಯ್ದೆಯನ್ನು ಉಲ್ಲಂಘಿಸಿದ ಆರೋಪದ ಮೇಲೆ ರಾಜಸ್ಥಾನ ಅರಣ್ಯ ಇಲಾಖೆ ನೋಟಿಸ್ ಜಾರಿ ಮಾಡಿದೆ ಎಂದು ಇಂಡಿಯಾ ಟುಡೇ ಸೋಮವಾರ ವರದಿ ಮಾಡಿದೆ.
ಹಾಸ್ಯನಟ ಶ್ಯಾಮ್ ಅವರು ಈಗಾಗಲೇ ಮೋದಿಯವರ ಧ್ವನಿಯನ್ನು ಅಣಕಿಸುವ ಸಾಕಷ್ಟು ವಿಡಿಯೋಗಳನ್ನು ಮಾಡಿದ್ದಾರೆ. ಇದೀಗ ಅವರು, ಏಪ್ರಿಲ್ 9ರಂದು ಮೋದಿ ಅವರು ಕರ್ನಾಟಕದ ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ನಡೆಸಿದ ಸಫಾರಿಯನ್ನು ಉಲ್ಲೇಖಿಸಿ ಹಾಸ್ಯಮಯವಾಗಿ ವಿಡಿಯೋ ಮಾಡಿದ್ದಾರೆ. ಆ ವಿಡಿಯೋವನ್ನು ಏಪ್ರಿಲ್ 12 ರಂದು, ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಮಾಡಿದ್ದರು.
ಆ ವಿಡಿಯೋದಲ್ಲಿ ಅವರು ಏಪ್ರಿಲ್ 9 ರಂದು ಮೋದಿ ಧರಿಸಿದ್ದಂತೆಯೇ ಕ್ಯಾಪ್ ಧರಿಸಿದ್ದರು. ಕೈಯಲ್ಲಿ ದುರ್ಬೀನುಗಳನ್ನು ಹೊಂದಿದ್ದರು. ಪ್ರಧಾನಿ ಮೋದಿಯವರ ಈ ಭೇಟಿಯ ರೀತಿಯಲ್ಲಿ ಶ್ಯಾಮ್ ರಂಗೀಲಾ ಅವರು ಜಲಾನಾ ಜಂಗಲ್ಗೆ ಪ್ರವಾಸ ಕೈಗೊಂಡಿದ್ದರು. ಏಪ್ರಿಲ್ 13 ರಂದು ಜೈಪುರದ ಝಲಾನಾ ಜಂಗಲ್ನಲ್ಲಿ ಚಿರತೆ ಸಫಾರಿಗೆ ತೆರಳಿದ್ದ ಶ್ಯಾಮ್, ಈ ಸಮಯದಲ್ಲಿ, ತಮ್ಮ ಕರ್ನಾಟಕ ಸಫಾರಿಯಲ್ಲಿ ಪ್ರಧಾನಿ ಮೋದಿ ಧರಿಸಿದ್ದ ಬಟ್ಟೆಯನ್ನೇ ಧರಿಸಿದ್ದರು. ಅಲ್ಲಿ ಶ್ಯಾಮ್ ರಂಗೀಲಾ, ಪ್ರಧಾನಿ ನರೇಂದ್ರ ಮೋದಿಯವರನ್ನು ಅನುಕರಿಸಿ, ನೀಲಗಾಯಿಗೆ ತಿನ್ನಿಸಿ ವಿಡಿಯೋ ಮಾಡಿದ್ದಾರೆ. ವೀಡಿಯೋ ಅವರು ಪ್ರಾಣಿಗಳಿಗೆ ಆಹಾರವನ್ನು ನೀಡುತ್ತಿರುವುದನ್ನು ತೋರಿಸಿದರು. ಅದರ ಜೊತೆಗೆ ಒಬ್ಬ ಕ್ಯಾಮರಾಮೆನ್ ಕೂಡ ಅವರ ಚಿತ್ರಗಳನ್ನು ತೆಗೆದುಕೊಳ್ಳಲು ಅವನೊಂದಿಗೆ ಜೊತೆಗಿದ್ದರು.
View this post on Instagram
ಈ ವಿಡಿಯೋ ಸಾಕಷ್ಟು ವೈರಲ್ ಆಗಿದ್ದು, ಇದರ ಬೆನ್ನಲ್ಲೇ ಅವರಿಗೆ ನೋಟಿಸ್ ನೀಡಲಾಗಿದೆ. ”ವನ್ಯ ಪ್ರಾಣಿಗಳಿಗೆ ಆಹಾರವನ್ನು ನೀಡುವುದು ಅರಣ್ಯ ಕಾಯಿದೆ 1953 ಮತ್ತು ವನ್ಯಜೀವಿ ಸಂರಕ್ಷಣಾ ಕಾಯಿದೆ 1972 ರ ನಿಬಂಧನೆಗಳ ಉಲ್ಲಂಘನೆಯಾಗಿದೆ” ಎಂದು ಜೈಪುರ ಪ್ರಾದೇಶಿಕ ಅರಣ್ಯ ಅಧಿಕಾರಿ ಜನೇಶ್ವರ್ ಚೌಧರಿ ಇಂಡಿಯಾ ಟುಡೇಗೆ ತಿಳಿಸಿದ್ದಾರೆ.
”ವನ್ಯಪ್ರಾಣಿಗಳಿಗೆ ಆಹಾರವನ್ನು ನೀಡುವುದರಿಂದ ಅನೇಕ ರೀತಿಯ ಗಂಭೀರ ಕಾಯಿಲೆಗಳು ಉಂಟಾಗುತ್ತವೆ ಮತ್ತು ಅವುಗಳ ಜೀವವೂ ಅಪಾಯದಲ್ಲಿದೆ. ಅಲ್ಲದೆ, ಝಲಾನಾ ಅರಣ್ಯದಲ್ಲಿ ಎಚ್ಚರಿಕೆ ಮತ್ತು ಮಾಹಿತಿ ಫಲಕಗಳನ್ನು ಸಹ ಅಳವಡಿಸಲಾಗಿದೆ, ವನ್ಯಜೀವಿಗಳಿಗೆ ಆಹಾರ ನೀಡುವುದನ್ನು ನಿಷೇಧಿಸಲಾಗಿದೆ. ಈ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ರಂಗೀಲಾಗೆ ಅವರಿಗೆ 11,000 ರೂ. ದಂಡ ವಿಧಿಸಲಾಗಿದೆ.
ಇದನ್ನೂ ಓದಿ: ಹುಲಿ ಕಾಣಿಸದಿದ್ದಕ್ಕೆ ಭದ್ರತಾ ಸಿಬ್ಬಂದಿ ಮೇಲೆ ರೇಗಿದ ಮೋದಿ; ಸಫಾರಿ ಚಾಲಕನ ವಿರುದ್ಧ ಕ್ರಮಕ್ಕೆ ಬಿಜೆಪಿ ನಾಯಕರ ಒತ್ತಾಯ
ಈ ಸಂಪೂರ್ಣ ವಿಷಯದ ಬಗ್ಗೆ ಶ್ಯಾಮ್ ರಂಗೀಲಾ ಅವರ ಪ್ರತಿಕ್ರಿಯೆಯೂ ಬಂದಿತು. ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ, ”ಹೇ ನೀಲಗಾಯ್, ನೀವು ಸ್ವಲ್ಪ ಭಯದಿಂದ ಅಲ್ಲಿ ಇಲ್ಲಿಗೆ ಹೋಗುತ್ತಿದ್ದಾಗ ನನಗೆ ನೆನಪಿದೆ, ಆದರೆ ನಾನು ಮೋದಿಜಿ ಧ್ವನಿಯಲ್ಲಿ ನಿಮ್ಮನ್ನು ಕರೆದ ತಕ್ಷಣ, ನೀವು ಓಡಿ ಬಂದಿದ್ದೀರಿ ಮತ್ತು ಬಹುಶಃ ನೀವು ಸಹ ತಿಳಿದಿದ್ದೀರಿ, ನನ್ನದು 56 ಇಂಚು ಅಲ್ಲ ಆದರೆ 56 ಕೆ.ಜಿ. ಹೇ ನೀಲಗಾಯ್, ನಾನು ನಿನಗೆ ಏನಾದರೂ ತಿನ್ನಿಸಿದ್ದೇನೆ, ಕ್ಷಮಿಸಿ ನಾನು ನಿಜವಾಗಿರಲಿಲ್ಲ’ ಎಂದಿದ್ದಾರೆ. ಆದರೆ ಮೃಗಾಲಯ ನಿಯಮ ಉಲ್ಲಂಘಿಸಿದ್ದಕ್ಕೆ ನೋಟಿಸ್ ಜಾರಿಯಾಗಿದೆ” ಎಂದು ಬರೆದುಕೊಂಡಿದ್ದಾರೆ.
View this post on Instagram
ಮೋದಿಜಿಯವರು ಕರ್ನಾಟಕದ ಬಂಡಿಪುರ ಸಫಾರಿಯಲ್ಲಿ ಆನೆಗೆ ಮೂರು ಬಾರಿ ಕಬ್ಬು ತಿಳಿಸಿದರಲ್ಲ ಅದಕ್ಕೆ ದಂಡ ಇಲ್ಲವೇ,