ಜಾಮಿಯಾ ಮಿಲಿಯಾ ಇಸ್ಲಾಮಿಯಾ ಬಳಿ ಪೌರತ್ವ ತಿದ್ದುಪಡಿ ಕಾಯ್ದೆ ಮತ್ತು ಎನ್ಆರ್ಸಿ ವಿರುದ್ಧ ಪ್ರತಿಭಟನೆಗಳು ತೀವ್ರಗೊಂಡಿದ್ದು, ಗುಂಡು ಹಾರಿಸಿದ ಘಟನೆ ಬಳಿಕ ಪ್ರತಿಭಟನೆಗೆ ಸಾವಿರಾರು ವಿದ್ಯಾರ್ಥಿಗಳು ಹರಿದು ಬಂದಿದ್ದಾರೆ.
ಪೊಲೀಸರು ಪ್ರತಿಭಟನಕಾರರನ್ನು ನಿಯಂತ್ರಿಸಲು ಹರಸಾಸಹಪಡುತ್ತಿದ್ದು, ಮುನ್ನೆಚ್ಚರಿಕೆಯ ಕ್ರಮವಾಗಿ ಈಗಾಗಲೇ ನೀರಿನ ಟ್ಯಾಂಕರ್ಗಳನ್ನು, ಭಾರೀ ಬ್ಯಾರಿಕೇಡ್ಗಳನ್ನು ಸ್ಥಳದಲ್ಲಿ ಇಡಲಾಗಿದೆ.
ಇಂದು ಮಧ್ಯಾಹ್ನ ಜಾಮಿಯಾ ಪ್ರತಿಭಟನಾಕಾರರ ಗುಂಪಿನ ಮೇಲೆ ಗೋಪಾಲ್ ಎಂಬ ಹಿಂದುತ್ವ ಸಂಘಟನೆಯ ಯುವಕ ಗುಂಡು ಹಾರಿಸಿದ್ದು ಆತನನ್ನು ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಗಾಯಗೊಂಡ ವಿದ್ಯಾರ್ಥಿ ಚಿಕಿತ್ಸೆ ಪಡೆಯುತ್ತಿದ್ದು ಇದು ವಿದ್ಯಾರ್ಥಿಗಳನ್ನು ಕೆರಳಿಸಿದೆ. ಹಾಗಾಗಿ ಭಾರೀ ಜನರು ಪ್ರತಿಭಟನೆಗೆ ಜೊತೆಗೂಡಿದ್ದಾರೆ.
ಶಾಂತಿಯುತವಾಗಿ ಮಾನವ ಸರಪಳಿ ಮಾಡಲು ಮುಂದಾದ ಹಿರಿಯ ವಕೀಲರಾದ ಪ್ರಶಾಂತ್ ಭೂಷಣ್, ಯೋಗೇಂದ್ರ ಯಾದವ್ ಸೇರಿದಂತೆ ಹಲವು ಜನರನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಯೋಗೇಂದ್ರ ಯಾದವ್ರವರು ಟ್ವೀಟ್ ಮಾಡಿದ್ದಾರೆ.
Prashant Bhushan, myself and about 50 protesters have been detained from Delhi Gate. We were just standing with national flag and singing national anthem.
Police confirmed: no 144 in force, served us no order.
Yet dragged and pushed into bus. Being taken to unknown destination. pic.twitter.com/V7BKU5hJmB— Yogendra Yadav (@_YogendraYadav) January 30, 2020
ಈ ನಡುವೆ ರಾಜ್ಘಾಟ್ ಹೊರಗೆ ಪ್ರತಿಭಟನೆ ನಡೆಸುತ್ತಿದ್ದ ಜನರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. “ನಾವು ಸಿಎಎ-ಎನ್ಆರ್ಸಿ ವಿರುದ್ಧ ಪ್ರತಿಭಟಿಸಿ ಮಾನವ ಸರಪಳಿಯಲ್ಲಿ ಭಾಗವಹಿಸಲು ರಾಜ್ ಘಾಟ್ಗೆ ಹೋದೆವು. ದೆಹಲಿ ಪೊಲೀಸರು ಇತರ ನಾಯಕರನ್ನು ಮತ್ತು ನನ್ನನ್ನು ಬಂಧಿಸಿದ್ದಾರೆ. ಅವರು ನಮ್ಮನ್ನು ಎಲ್ಲಿಗೆ ಕರೆದೊಯ್ಯುತ್ತಿದ್ದಾರೆಂದು ನಮಗೆ ತಿಳಿದಿಲ್ಲ ಎಂದು ಸಿಪಿಐ ನಾಯಕ ಡಿ ರಾಜಾ ಎಎನ್ಐಗೆ ತಿಳಿಸಿದ್ದಾರೆ.
