ಲೋಹ್ರಿ ಹಬ್ಬವಾದ ಇಂದು ಪಂಜಾಬ್‌ನ ರೈತರು, ‘ಹೊಸ ಕೃಷಿ ಮಾರುಕಟ್ಟೆ ನೀತಿ’ಯ ಕರಡಿನ ಪ್ರತಿಗಳನ್ನು ಸುಟ್ಟು ಪ್ರತಿಭಟನೆ ನಡೆಸಲು ಮುಂದಾಗಿದ್ದಾರೆ. ಈ ಪ್ರತಿರೋಧವು ಸರ್ಕಾರದ ಹೊಸ ನೀತಿಗೆ ಅನ್ನದಾತರ ನಿರಂತರ ಪ್ರತಿರೋಧದ ಭಾಗವಾಗಿದೆ.
ಈ ಪ್ರತಿಭಟನೆಯಲ್ಲಿ ಸಂಯುಕ್ತ ಕಿಸಾನ್ ಮೋರ್ಚಾ (ಎಸ್‌ಕೆಎಂ) ಮತ್ತು ಎಸ್‌ಕೆಎಂ (ರಾಜಕೀಯೇತರ) ಸದಸ್ಯರು ಭಾಗವಹಿಸುವ ನಿರೀಕ್ಷೆಯಿದೆ. ಈ ಎರಡೂ ಸಂಘಟನೆಗಳು ಈಗಾಗಲೇ ಖಾನೌರಿ ಮತ್ತು ಶಂಭು ಗಡಿಗಳಲ್ಲಿ ಧರಣಿ ನಡೆಸುತ್ತಿವೆ.
ಹೆಚ್ಚುವರಿಯಾಗಿ, ಜಂಟಿ ಕಾರ್ಯತಂತ್ರದ ಬಗ್ಗೆ ಚರ್ಚಿಸಲು ಸೋಮವಾರ ಪತ್ರಾನ್‌ನಲ್ಲಿ ಪ್ರಮುಖ ಸಭೆ ನಡೆಯಲಿದ್ದು, ಅಲ್ಲಿ ಎಸ್‌ಕೆಎಂನ ಆರು ಸದಸ್ಯರ ಸಮಿತಿ ಮತ್ತು ಎಸ್‌ಕೆಎಂ (ರಾಜಕೀಯೇತರ) ರೈತ ನಾಯಕರು ಮುಂದಿನ ಹಂತಗಳ ಕುರಿತು ಚರ್ಚಿಸಲಿದ್ದಾರೆ.
ಈ ಮಧ್ಯೆ, ಪ್ರಮುಖ ರೈತ ನಾಯಕರಾದ ಜಗಜಿತ್ ಸಿಂಗ್ ದಲ್ಲೆವಾಲ್ ಕಳೆದ 49 ದಿನಗಳಿಂದ ಉಪವಾಸ ಸತ್ಯಾಗ್ರಹ ನಡೆಸುತ್ತಿದ್ದಾರೆ. ಅವರ ದೀರ್ಘಕಾಲದ ಉಪವಾಸವು ರೈತ ನಾಯಕರ ಪ್ರಕಾರ, ಕರಡು ನೀತಿಯ ಅನುಷ್ಠಾನವನ್ನು ವಿರೋಧಿಸುತ್ತಿರುವ ರೈತರು ಅತೃಪ್ತಿ ವ್ಯಕ್ತಪಡಿಸಿದ್ದಾರೆ. 70 ವರ್ಷದ ದಲ್ಲೆವಾಲ್ ಹಲವಾರು ಧಾರ್ಮಿಕ ಮುಖಂಡರು ಮತ್ತು ಸಂತರಿಗೆ ಪತ್ರ ಬರೆದು, ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆಗೆ ಕಾನೂನು ಖಾತರಿ ಸೇರಿದಂತೆ ರೈತರ ಬೇಡಿಕೆಗಳನ್ನು ಅಂಗೀಕರಿಸುವಂತೆ ಕೇಂದ್ರ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.
ಪ್ರಸ್ತಾವಿತ ಕೃಷಿ ಮಾರುಕಟ್ಟೆ ನೀತಿಯು ಅಸ್ತಿತ್ವದಲ್ಲಿರುವ ಮಂಡಿ ವ್ಯವಸ್ಥೆಯನ್ನು ಬಡಮೇಲು ಮಾಡುತ್ತದೆ. ರೈತರ ಜೀವನೋಪಾಯದ ಮೇಲೆ ವ್ಯತಿರಿಕ್ತ ಪರಿಣಾಮಗಳನ್ನು ಬೀರಬಹುದು ಎಂದು ರೈತ ಸಂಘಗಳು ವಾದಿಸುತ್ತವೆ. ದೀಪೋತ್ಸವಗಳೊಂದಿಗೆ ಆಚರಿಸಲಾಗುವ ಲೋಹ್ರಿಯ ದಿನದಂದು ಕರಡನ್ನು ಸಾಂಕೇತಿಕವಾಗಿ ಸುಡುವುದು ಅವರ ಉದ್ದೇಶದತ್ತ ಗಮನ ಸೆಳೆಯುವ ನಿರೀಕ್ಷೆಯಿದೆ ಎಂದು ರೈತ ಮುಕಂಡರು ಹೇಳಿದರು.
ಇದನ್ನೂ ಓದಿ; ದೆಹಲಿ ಚಲೋ ಪ್ರತಿಭಟನೆ| ಪಾರ್ಶ್ವವಾಯುವಿಗೆ ಒಳಗಾಗಿದ್ದ ಪ್ರತಿಭಟನಾ ನಿರತ ರೈತ ಸಾವು
