ಕೇರಳದ ವಯನಾಡಿನಲ್ಲಿ ಸಂಭವಿಸಿದ ಮಾರಣಾಂತಿಕ ಭೂಕುಸಿತದಲ್ಲಿ ಕಳೆದುಹೋದ ಜನರ ದಾಖಲೆಗಳು ಮತ್ತು ಪ್ರಮಾಣಪತ್ರಗಳನ್ನು ಮರುಪಡೆಯಲು ಸಹಾಯ ಮಾಡಲು ಮೂರು ಶಾಲೆಗಳು ಸೋಮವಾರದಿಂದ ಒಟ್ಟಾಗಿ ಶಿಬಿರವನ್ನು ಆಯೋಜಿಸಿವೆ.
ಮೇಪಾಡಿ ಸರ್ಕಾರಿ ಪ್ರೌಢಶಾಲೆ, ಸೇಂಟ್ ಜೋಸೆಫ್ ಯುಪಿ ಶಾಲೆ ಮತ್ತು ಮೌಂಟ್ ತಾಬೋರ್ ಪ್ರೌಢಶಾಲೆಗಳು ಮೆಪ್ಪಾಡಿ ಜಿಲ್ಲೆಯ ಮುಂಡಕೈ, ಚುರಲ್‌ಮಲಾ ಮತ್ತು ಮೆಪ್ಪಾಡಿ ನಿವಾಸಿಗಳಿಗೆ ತಮ್ಮ ದಾಖಲೆಗಳನ್ನು ಮರು ಪಡೆಯಲು ಸಹಾಯ ಮಾಡುತ್ತವೆ.
ಐಟಿ ಮಿಷನ್, ಅಕ್ಷಯ ಮತ್ತು ಜಿಲ್ಲಾ ಆಡಳಿತ ಕೇಂದ್ರಗಳ ಸಮನ್ವಯದಲ್ಲಿ ಶಿಬಿರವನ್ನು ಆಯೋಜಿಸಲಾಗಿದೆ. ವಿಪತ್ತು ನಿರ್ವಹಣಾ ಪ್ರಾಧಿಕಾರದ ನಿರ್ದೇಶನದ ಮೇರೆಗೆ ಯೋಜನೆ ಪ್ರಗತಿಯಲ್ಲಿದೆ. ವಿಕೋಪದಲ್ಲಿ ಪ್ರಮುಖ ದಾಖಲೆಗಳನ್ನು ಕಳೆದುಕೊಂಡವರಿಗೆ ಸಹಾಯ ಮಾಡುವ ಉದ್ದೇಶದಿಂದ ಶಿಬಿರವನ್ನು ಆಯೋಜಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಡಿ.ಆರ್.ಮೇಘಶ್ರೀ ಹೇಳಿದರು.
ಅಂದಾಜು 225 ಜನರನ್ನು ಬಲಿತೆಗೆದುಕೊಂಡ ಮತ್ತು 130 ಜನರ ನಾಪತ್ತೆಗೆ ಕಾರಣವಾದ ದುರಂತದಿಂದ ವಯನಾಡ್ ಇನ್ನೂ ತತ್ತರಿಸುತ್ತಿದೆ. ಬದುಕುಳಿದವರು ಈಗ ತಲೆಗೆ ಸೂರು ಇಲ್ಲದೆ ಸರ್ಕಾರದ ನಿರಾಶ್ರಿತ ಶಿಬಿರಗಳಲ್ಲಿ ವಾಸಿಸುತ್ತಿದ್ದಾರೆ.
ಶಾಲೆಗಳು ಆಯೋಜಿಸುವ ಶಿಬಿರದ ಜೊತೆಗೆ, ವಿವರವಾದ ಹುಡುಕಾಟವನ್ನು ಸಹ ಯೋಜಿಸಲಾಗಿದೆ. ಇದನ್ನು ಮಲಪ್ಪುರಂ ಜಿಲ್ಲೆಯ ಚಾಲಿಯಾರ್‌ನಲ್ಲಿ ನಡೆಸಲಾಗುವುದು ಮತ್ತು ಭೂಕುಸಿತದಿಂದ ಕಾಣೆಯಾದವರಿಗಾಗಿ ಆಗಸ್ಟ್ 13 ರಂದು ಐದು ಸ್ಥಳಗಳಲ್ಲಿ ಎರಡನೇ ಹಂತದ ಕಾರ್ಯಾಚರಣೆ ಆರಂಭವಾಗಿದೆ.
ಮನೆಗಳನ್ನು ಕಳೆದುಕೊಂಡು ಶಿಬಿರಗಳಲ್ಲಿ ವಾಸಿಸುತ್ತಿರುವವರಿಗೆ ಸಹಾಯ ಮಾಡಲು, ತಾತ್ಕಾಲಿಕ ಪುನರ್ವಸತಿಗಾಗಿ 253 ಮನೆಗಳನ್ನು ಹುಡುಕಿ ಮತ್ತು ಬಾಡಿಗೆಗೆ ನೀಡಲಾಗಿದೆ. ಸುಮಾರು 100 ಮನೆಗಳ ಮಾಲೀಕರು ಸಹಾಯ ಮಾಡಲು ಇಚ್ಛೆ ವ್ಯಕ್ತಪಡಿಸಿದ್ದಾರೆ. ತಾತ್ಕಾಲಿಕ ಪುನರ್ವಸತಿಗೆ ಸಂಬಂಧಿಸಿದ ಯಾವುದೇ ನಿರ್ಧಾರಗಳು ಶಿಬಿರಗಳು ಮತ್ತು ಆಸ್ಪತ್ರೆಗಳಲ್ಲಿ ಇರುವವರ ಅಭಿಪ್ರಾಯಗಳನ್ನು ಗಣನೆಗೆ ತೆಗೆದುಕೊಳ್ಳುತ್ತವೆ. ಇದನ್ನು ಖಚಿತಪಡಿಸಿಕೊಳ್ಳಲು, 18 ತಂಡಗಳು 14 ವಿವಿಧ ಶಿಬಿರಗಳಲ್ಲಿ ಸಮೀಕ್ಷಾ ಕ್ರಮಗಳನ್ನು ತೆಗೆದುಕೊಳ್ಳುತ್ತಿವೆ.
ಇದನ್ನೂ ಓದಿ; ಯುಪಿ: ಬಾಲಕಿ ಮೇಲೆ ಅತ್ಯಾಚಾರ ಯತ್ನ ಆರೋಪ; ಸಮಾಜವಾದಿ ಪಕ್ಷದ ನಾಯಕನ ಬಂಧನ
