ಕೊರೊನಾ ಸಾಂಕ್ರಾಮಿಕ ರೋಗದಿಂದ ವಿಶ್ವವೇ ತತ್ತರಿಸುತ್ತದೆ. ಆದರೆ ಕೊರೊನಾ ನಿರ್ಬಂಧಗಳನ್ನು ಪ್ರಪಂಚದಾದ್ಯಂತ ತೆಗೆದುಹಾಕಿದ ನಂತರವೂ 1 ಕೋಟಿ 10 ಲಕ್ಷ ಹೆಣ್ಣುಮಕ್ಕಳು ಶಿಕ್ಷಣದಿಂದ ವಂಚಿತರಾಗುತ್ತಾರೆ ಎಂಬ ಆತಂಕಕಾರಿ ವಿಷಯವನ್ನು ಯುನೆಸ್ಕೋ ತಿಳಿಸಿದೆ.
ಯುನೆಸ್ಕೋ ಮುಖ್ಯಸ್ಥ ಆಡ್ರೆ ಅಜೌಲೆ ಡೆಮಾಕ್ರಟಿಕ್ ರಿಪಬ್ಲಿಕ್ ಆಫ್ ಕಾಂಗೋಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಈ ಆಘಾತಕಾರಿ ಅಂಶವನ್ನು ಬಹಿರಂಗಪಡಿಸಿದ್ದಾರೆ.
The #COVID19 crisis puts over 11 million girls at risk of not returning to
school leaving a vital future gap in society.You can help make sure that #LearningNeverStops. Here’s how: https://t.co/qgMO9wQboV pic.twitter.com/x9D1TGti9Q
— UNESCO (@UNESCO) October 15, 2020
ಕೊರೊನಾ ಸಾಂಕ್ರಾಮಿಕ ಕಾರಣದಿಂದಾಗಿ ಶಾಲಾ, ಕಾಲೇಜುಗಳನ್ನು ಮುಚ್ಚಲಾಗಿದೆ. ಒಂದು ವೇಳೆ ಶಾಲೆ ಪುನಾರಾರಂಭಗೊಂಡರೂ ಸಹ ಕೊರೊನಾ ಆತಂಕದಿಂದ ಪೋಷಕರು ತಮ್ಮ ಮಕ್ಕಳನ್ನ ಶಾಲೆಗೆ ಕಳುಹಿಸಲು ಸಿದ್ಧರಿಲ್ಲ. ಇನ್ನು ಕೆಲವು ದೇಶದಲ್ಲಿ ಕೊರೊನಾ ನಿಯಂತ್ರಣಕ್ಕೆ ಬರದಿರುವ ಕಾರಣ ಸರ್ಕಾರಗಳು ಶಾಲೆಗಳನ್ನು ಪುನಃ ಆರಂಭಿಸುವ ಬಗ್ಗೆ ಗೊಂದಲದಲ್ಲಿವೆ ಎಂದು ಅಜೌಲೆ ತಿಳಿಸುತ್ತಾರೆ.
ದುರಾದೃಷ್ಟ ಎಂದರೆ ಇಂದಿಗೂ ಹೆಣ್ಣುಮಕ್ಕಳ ಶಿಕ್ಷಣದಲ್ಲಿ ಅಸಮಾನತೆ ಇದೆ. ಇಂತಹ ಸಂದರ್ಭದಲ್ಲಿ ಶಾಲೆಗಳು ಪುನಾರಂಭವಾದ ಬಳಿಕವೂ ಹೆಣ್ಣುಮಕ್ಕಳು ಶಾಲೆಗೆ ಬರೋದು ಅನುಮಾನವಾಗಿದ್ದು, ಒಟ್ಟು ವಿಶ್ವದಾದ್ಯಂತ 1 ಕೋಟಿ 10 ಲಕ್ಷ ಹೆಣ್ಣುಮಕ್ಕಳು ಶಿಕ್ಷಣ ವಂಚಿತರಾಗುವ ಸಾಧ್ಯತೆಯಿದೆ ಎಂದು ಯುನೆಸ್ಕೋ ಮುಖ್ಯಸ್ಥರು ಕಳವಳ ವ್ಯಕ್ತಪಡಿಸಿದ್ದಾರೆ.