ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ತನ್ನ ವಾಣಿಜ್ಯ ಕಂಪನಿ ನ್ಯೂಸ್ಪೇಸ್ ಇಂಡಿಯಾ ಲಿಮಿಟೆಡ್ (ಎನ್‌ಎಸ್‌ಐಎಲ್)ಗಾಗಿ ಮೊದಲ ವಾಣಿಜ್ಯ ಪಿಎಸ್‌ಎಲ್‌ವಿ ಕಾರ್ಯಾಚರಣೆಯ ಭಾಗವಾಗಿ ಭಾನುವಾರ 19 ಉಪಗ್ರಹಗಳನ್ನು ಉಡಾಯಿಸಲು ಸಜ್ಜಾಗಿದೆ ಎಂದು ಪ್ರಿಂಟ್ ವರದಿ ಮಾಡಿದೆ.

ಪಿಎಸ್‌ಎಲ್‌ವಿ-ಸಿ 51 / ಅಮೆಝೋನಿಯಾ -1 ಮಿಷನ್ ಬ್ರೆಜಿಲ್‌ನ ಅಮೆಝೋನಿಯಾ -1 ಅನ್ನು ಪ್ರಾಥಮಿಕ ಪೇಲೋಡ್ ಆಗಿ ಸಾಗಿಸುತ್ತದೆ, ಜೊತೆಗೆ ಐದು ಭಾರತೀಯ ಉಪಗ್ರಹಗಳು ಸೇರಿದಂತೆ 18 ಇತರ ಅತಿಥಿ ಉಪಗ್ರಹಗಳನ್ನು ಸಾಗಿಸಲಿದೆ. ಒಂದು ನ್ಯಾನೋ ಉಪಗ್ರಹದ ಫಲಕದ ಮೇಲೆ ಪ್ರಧಾನಿ ಮೋದಿ ಭಾವಚಿತ್ರ ಸೇರಿಸಲಾಗಿದೆ.

ನ್ಯೂಸ್ಪೇಸ್ ಇಂಡಿಯಾ ಲಿಮಿಟೆಡ್ (ಎನ್‌ಎಸ್‌ಐಎಲ್) ಕಂಪನಿಯನ್ನು ಬಾಹ್ಯಾಕಾಶ ಇಲಾಖೆಯ ಅಡಿಯಲ್ಲಿ ಮಾರ್ಚ್ 2019 ರಲ್ಲಿ ಸ್ಥಾಪಿಸಲಾಯಿತು. ಇದು ವಿವಿಧ ದೇಶಗಳಿಗಾಗಿ ಉಪಗ್ರಹಗಳನ್ನು ಹಾರಿಸುವ ವಾಣಿಜ್ಯ ಚಟುವಟಿಕೆಗಳನ್ನು ನಡೆಸುತ್ತಿದೆ.

ಅಮೇರಿಕನ್ ಕಂಪನಿ ಸ್ಪೇಸ್‌ಫ್ಲೈಟ್ ಜೊತೆಗಿನ ವಾಣಿಜ್ಯ ಒಪ್ಪಂದದ ಮೂಲಕ ಎನ್‌ಎಸ್‌ಐಎಲ್ ಈ ಕಾರ್ಯಾಚರಣೆಯನ್ನು ನಡೆಸುತ್ತಿದೆ. ರಾಕೆಟ್‌ನಲ್ಲಿ ಐದು ಭಾರತೀಯ ಉಪಗ್ರಹಗಳು ಸಾಗಲಿವೆ.

ಪ್ಯಾನೆಲ್ ಮೇಲೆ ಮೋದಿ ಚಿತ್ರ!

ಸತೀಶ್ ಧವನ್ ಎಸ್‌ಎಟಿ (ಎಸ್‌ಡಿಎಸ್‌ಎಟಿ) ಒಂದು ನ್ಯಾನೊ ಉಪಗ್ರಹವಾಗಿದ್ದು, ಇದು ಬಾಹ್ಯಾಕಾಶ ಹವಾಮಾನ, ಮ್ಯಾಗ್ನೆಟೋಸ್ಪಿಯರ್, ವಿಕಿರಣ ಮಟ್ಟಗಳು ಮತ್ತು ದೀರ್ಘ-ವ್ಯಾಪ್ತಿಯ ಸಂವಹನಕ್ಕೆ ಸಹಾಯ ಮಾಡುತ್ತದೆ. ಇದನ್ನು ಸ್ಪೇಸ್ ಕಿಡ್ಜ್ ಇಂಡಿಯಾ ನಿರ್ಮಿಸಿದ್ದು, ಇದರಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಕೆತ್ತನೆಯ ಚಿತ್ರವನ್ನು ಉಪಗ್ರಹದ ಮೇಲಿನ ಫಲಕದಲ್ಲಿ ಮತ್ತು ಭಗವದ್ಗೀತೆಯನ್ನು ಒಂದು ಫ್ಲ್ಯಾಷ್‌ನಲ್ಲಿ ಸೇರಿಸಲಾಗಿದೆ.

“ಅವರ ಆತ್ಮನಿರ್ಭರ್ ಉಪಕ್ರಮ ಮತ್ತು ಬಾಹ್ಯಾಕಾಶ ಖಾಸಗೀಕರಣಕ್ಕೆ ಐಕಮತ್ಯ ಮತ್ತು ಕೃತಜ್ಞತೆಯನ್ನು ತೋರಿಸಲು ಮೋದಿ ಚಿತ್ರ ಹಾಕಲಾಗಿದೆ” ಎಂದು ಮೂಲಗಳು ತಿಳಿಸಿವೆ.
ಭಗವದ್ಗೀತೆಯನ್ನು “ಭಾರತದ ಸರ್ವೋಚ್ಚ ಮಹಾಕಾವ್ಯ” ಮತ್ತು “ವಸುದೈವ ಕುಟುಂಬಕಂ” ಕಲ್ಪನೆಯನ್ನು ಗೌರವಿಸಲು ಸೇರಿಸಲಾಗಿದೆ.


ಇದನ್ನೂ ಓದಿ: ಬಂಗಾಳ ಚುನಾವಣೆ :ಬಿಜೆಪಿ ಗೆದ್ದರೆ ಟ್ವಿಟರ್ ಬಿಡುತ್ತೇನೆ ಮಾತು ಮತ್ತೆ ನೆನಪಿಸಿದ ಪ್ರಶಾಂತ್ ಕಿಶೋರ್

Donate

ನ್ಯಾಯದ ಜೊತೆಗಿರಿ

ಸತ್ಯದ ಪಥಕ್ಕೆ ಬಲ ತುಂಬಲು ದೇಣಿಗೆ ನೀಡಿ

ಜನಪರ ಸ್ವತಂತ್ರ ಪತ್ರಿಕೋದ್ಯಮವೇ ನಮ್ಮ ಆಶಯ. ನಿಮ್ಮಗಳ ಬೆಂಬಲವೇ ನಮಗೆ ಬಲ. ನ್ಯಾಯದ ಜೊತೆಗಿರಲು ಬಯಸುವ, ಸತ್ಯಪಥವನ್ನು ತುಳಿಯಲು ಪ್ರೋತ್ಸಾಹಿಸುವವರು ಬೆಂಬಲಿಸಿ. ಈ ಕೆಳಗಿನ ಲಿಂಕ್‌ ಕ್ಲಿಕ್‌ ಮಾಡಿ ಪಾವತಿಸಬಹುದು.
ಧನ್ಯವಾದಗಳು

Independent journalism can’t be independent without your support, contribute by clicking below.

ಪ್ರತಿವಾರದ ವಿದ್ಯಮಾನಗಳ ವಿಶ್ಲೇಷಣೆಗಳು, ಅಂಕಣಗಳು ಹಾಗೂ ವಿಶೇಷ ಬರಹಗಳನ್ನು ಓದಲು ನ್ಯಾಯಪಥ ಪತ್ರಿಕೆಗೆ ಚಂದಾದಾರರಾಗಿ. ಚಂದಾ ಹಣವನ್ನು ಪಾವತಿಸಲು ಈ ಕೆಳಗಿನ ಲಿಂಕ್‌ ಕ್ಲಿಕ್‌ ಮಾಡಿ.
+ posts

LEAVE A REPLY

Please enter your comment!
Please enter your name here