”ಆರೋಪಿಗಳಿಗೆ ಸಾರ್ವಜನಿಕವಾಗಿ ಥಳಿಸುವುದಕ್ಕೆ ಅವಕಾಶ ನೀಡುವ ಯಾವುದೇ ನಿಬಂಧನೆ ಅಸ್ತಿತ್ವದಲ್ಲಿದೆಯೇ?” ಎಂದು ಗುಜರಾತ್ ಹೈಕೋರ್ಟ್ ಸೋಮವಾರ ರಾಜ್ಯ ಪೊಲೀಸರನ್ನು ಪ್ರಶ್ನಿಸಿದೆ ಎಂದು ಬಾರ್ ಮತ್ತು ಬೆಂಚ್ ವರದಿ ಮಾಡಿದೆ.
ಅಕ್ಟೋಬರ್‌ನಲ್ಲಿ ಖೇಡಾ ಜಿಲ್ಲೆಯ ಐವರು ಮುಸ್ಲಿಂ ಪುರುಷರನ್ನು ಪೊಲೀಸರು ಸಾರ್ವಜನಿಕವಾಗಿ ಥಳಿಸಿದ ಪ್ರಕರಣದ ವಿಚಾರಣೆಯನ್ನು ನ್ಯಾಯಾಲಯ ನಡೆಸುತ್ತಿದೆ.
ಅಕ್ಟೋಬರ್ 3 ರ ರಾತ್ರಿ, ಖೇಡಾದ ಉಂಧೇಲಾ ಗ್ರಾಮದಲ್ಲಿ, ಮುಸ್ಲಿಂ ಪುರುಷರ ಗುಂಪೊಂದು ಮಸೀದಿಯ ಸಮೀಪವಿರುವ ಗಾರ್ಬಾ ಸೈಟ್‌ಗೆ ಕಲ್ಲು ಎಸೆದಿದೆ ಎಂದು ಆರೋಪಿಸಲಾಗಿದೆ. ಮರುದಿನ, ಘಟನೆಯಲ್ಲಿ ಭಾಗಿಯಾಗಿದ್ದಾರೆಂದು ಆರೋಪಿಸಲಾದ ಐವರು ಮುಸ್ಲಿ ಸಮುದಾಯದ ಆರೋಪಿಗಳಾದ ಜಾಹಿರ್ಮಿಯಾ ಮಾಲೆಕ್, ಮಕ್ಸುದಾಬಾನು ಮಾಲೆಕ್, ಸಹದ್ಮಿಯಾ ಮಾಲೆಕ್, ಸಕಿಲ್ಮಿಯಾ ಮಾಲೆಕ್ ಮತ್ತು ಶಾಹಿದ್ರಾಜ ಮಾಲೆಕ್ ಅವರನ್ನು ಪೊಲೀಸರು ಹೊರಗೆಳೆದು, ಕಂಬಕ್ಕೆ ಕಟ್ಟಿಹಾಕಿ ಮತ್ತು ದೊಣ್ಣೆಯಿಂದ ಥಳಿಸಿದರು.
ಥಳಿಸುವಿಕೆಯ ವೀಡಿಯೊಗಳು ಸಾರ್ವಜನಿಕರಲ್ಲಿ ಕ್ಷಮೆಯಾಚಿಸಲು ಪುರುಷರನ್ನು ಕೇಳಿದವು ಎಂದು ತೋರಿಸಿದೆ. ನಂತರ ಐವರು ಗುಜರಾತ್ ಹೈಕೋರ್ಟ್‌ಗೆ ಅರ್ಜಿ ಸಲ್ಲಿಸಿದ್ದು, ಪೊಲೀಸ್ ಹಿಂಸಾಚಾರಕ್ಕೆ ಬಲಿಯಾದವರಲ್ಲಿ ನಾವೂ ಸೇರಿದ್ದೇವೆ ಮತ್ತು 15 ಪೊಲೀಸ್ ಸಿಬ್ಬಂದಿ ವಿರುದ್ಧ ಕ್ರಮಕ್ಕೆ ಕೈಗೊಳ್ಳಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.
ಸೋಮವಾರದ ವಿಚಾರಣೆಯಲ್ಲಿ, ಮುಸ್ಲಿಂ ಪುರುಷರನ್ನು ನಿಜವಾಗಿಯೂ ಥಳಿಸಲಾಗಿದೆಯೇ ಎಂದು ಕೇಳಿದಾಗ ಪೊಲೀಸರು ಸ್ಪಷ್ಟವಾದ ಹೇಳಿಕೆಯನ್ನು ನೀಡಲಿಲ್ಲ ಎಂದು ನ್ಯಾಯಾಲಯ ಹೇಳಿದೆ.
”ಇದು ನಿಮ್ಮ ಅಧಿಕಾರಿಯ ಕರ್ತವ್ಯ ಎಂದು ನೀವು ಹೇಳಬಹುದು ಮತ್ತು ಅವರು ಇದನ್ನು ಮಾಡದಿದ್ದರೆ, ಪರಿಸ್ಥಿತಿ ಬೇರೆ ಮಟ್ಟಕ್ಕೆ ಹೋಗುತ್ತಿತ್ತು ಅಥವಾ ಈಗ ನೀವು ಥಳಿಸಿಲ್ಲ ಎಂದು ಹೇಳಬಹುದು, ದಾಖಲೆಯಲ್ಲಿರುವ ಪುರಾವೆಗಳನ್ನು ಪರಿಗಣಿಸಬಾರದು ಎಂದು ನೀವು ಹೇಳಬಹುದು” ಎಂದು ನ್ಯಾಯಾಲಯವು ಪಬ್ಲಿಕ್ ಪ್ರಾಸಿಕ್ಯೂಟರ್ ಮಿಥೇಶ್ ಅಮೀನ್ ಅವರಿಗೆ ಹೇಳಿತು.
ಆದರೆ, ಈ ವೇಳೆ ಪಬ್ಲಿಕ್ ಪ್ರಾಸಿಕ್ಯೂಟರ್ ಸ್ಪಷ್ಟ ಹೇಳಿಕೆ ನೀಡಲು ನಿರಾಕರಿಸಿದರು ಮತ್ತು ಪ್ರಕರಣದಲ್ಲಿ ಮುಸ್ಲಿಂ ಅರ್ಜಿದಾರರು ಸುಳ್ಳು ಮನವಿ ಮಾಡಿದ್ದಾರೆ ಎಂದು ಹೇಳಿದರು. ಈ ಪ್ರದೇಶದಲ್ಲಿ ಹಿಂದೂಗಳನ್ನು ಬೆದರಿಸಲು ಮುಸ್ಲಿಮರು ಸಂಚು ರೂಪಿಸಿದ್ದಾರೆ ಎಂದು ಅವರು ಹೇಳಿರುವುದಾಗಿ ಬಾರ್ ಅಂಡ್ ಬೆಂಚ್ ವರದಿ ಮಾಡಿದೆ.
”ಹೋಳಿ ಹಬ್ಬದ ಸಂದರ್ಭದಲ್ಲಿಯೂ ಆ ಪ್ರದೇಶದಲ್ಲಿ ಕೆಲವು ಘಟನೆಗಳು ನಡೆದಿವೆ ಎಂದು ಅವರು ಹೇಳಿದರು. ”ಈ ಸ್ಥಳವು ಸೂಕ್ಷ್ಮವಾಗಿದೆ ಮತ್ತು ಹಲವಾರು ಸಂದರ್ಭಗಳಲ್ಲಿ ಸೂಕ್ಷ್ಮತೆಯು ಅಲ್ಲಿ ಭುಗಿಲೆದ್ದಿದೆ. ಅವರ ಷಡ್ಯಂತ್ರದ ಭಾಗವಾಗಿ, ಅವರು ಹಿಂದೂಗಳ ಹಬ್ಬವನ್ನು ಹಳಿತಪ್ಪಿಸಲು ಕಲ್ಲು ತೂರಾಟ ನಡೆಸಲಾಸಗಿದೆ ಎಂದು ಪಬ್ಲಿಕ್ ಪ್ರಾಸಿಕ್ಯೂಟರ್ ಹೇಳಿದರು.
ವಾಗ್ವಾದದ ಸಮಯ, ಮುಸ್ಲಿಂ ಪುರುಷರ ಬಂಧನ ಮತ್ತು ಅರ್ಜಿಯಲ್ಲಿ ತಿಳಿಸಲಾದ ಸಮಯದಲ್ಲೂ ವ್ಯತ್ಯಾಸಗಳಿವೆ ಎಂದು ಅವರು ವಾದಿಸಿದರು.
ಇದಕ್ಕೆ ನ್ಯಾಯಾಧೀಶರು ಹೇಳಿದರು, ”ಸಮಯದಲ್ಲಿನ ವ್ಯತ್ಯಾಸವನ್ನು ಮರೆತುಬಿಡಿ. ಇದನ್ನು [ಹೊಡೆಯುವುದು] ಮಾಡಬಹುದೇ? ಆರೋಪಿಯನ್ನು ಕಂಬಕ್ಕೆ ಕಟ್ಟಿ ಸಾರ್ವಜನಿಕವಾಗಿ ಲಾಠಿ ಪ್ರಹಾರ ಮಾಡಬಹುದಾದ ಯಾವುದೇ ನಿಬಂಧನೆಯನ್ನು ನೀವು ಸೂಚಿಸುವಿರಾ?” ಎಂದು ಪ್ರಶ್ನೆ ಮಾಡಿದರು.
ಇದನ್ನೂ ಓದಿ: ತೆಲಂಗಾಣ: ‘ಜೈ ಶ್ರೀರಾಮ್’ ಕೂಗುವಂತೆ ಮುಸ್ಲಿಂ ವ್ಯಕ್ತಿಯ ಮೇಲೆ ಹಲ್ಲೆ, ಘಟನೆಯಲ್ಲಿ ಸಿಲುಕಿದ ಮಹಿಳೆಗೆ ಗರ್ಭಪಾತ
